那一天，我再遇上了妳: 迷糊

六點鐘起身

沖涼，換衫，叫Uber 

今日第一日翻工...其實真係好緊張

不過熊仔頭都話過「無人話你唔得，只有你自己話自己唔好」

所以我今日一定要加油



七點鐘我就叫左架Uber，點知佢行西隧

今次呢程車一定貴到咩咁

七點半我就到左「中環皇后大道中2號」

到左先發現原來呢度係長江集團中心

一入到去就要拍卡先可以繼續入



所以我就係我個銀包到拿張卡出黎

好似八達通咁「Du 」入去

之後就有個保安走左過黎

保安：「王生早晨，你好我係呢度ge保安，今日公司知道你第一日翻工，所以就派左我黎呢度帶你上去，啊係...你可以叫我左王伯...哈哈個個都係咁叫我...請跟我黎啊」

之後我就跟左佢入部升降機到



入到去又要拍卡

王伯保安：「王生，呢度係無四、十四同埋二十四樓，而你的辦公室係位於五十一樓」

可能仲係有D早ge關係，成部升降機就係得我同個保安

不過我呢個諗法係十幾秒後就已經無左

因為我一出部升降機

我就已經見到成層ge員工都差唔多翻齊晒

唔係話Office工朝九晚五ge咩，而家先差唔多八點，點解個個都已經翻晒？？！！

睇黎呢個李生都係外表正人君子，內裏暗裝武器



其實我都唔知自己講緊咩，不過好...繼續

一入到去就見到一張接一張ge辦公檯

不過個個一見到我行入黎個時，個個都唔知點解無啦啦聽晒手

係唔係我太樣衰左住左佢地做野呢？唉應該唔會掛

員工一：「王生你好」

員工二：「王生你今日套西裝好好睇啊」

員工三：「王生你想飲D咩啊？我地呢度有咖啡，奶茶...仲有好多好多」



搞咩啊？？點解個個都對我咁熱情ge....應該係辦公室政治，我而家應該係比佢地玩緊ge姐

正當我搵緊邊張辦公檯係空我可以坐落去個時

個保安就停住左我

王伯保安：「王生呢度就係你間辦公室，如果辦公室裡面有咩想換同埋唔滿意，隨時同人事部講，佢地一定會儘量配合王生你...呢個坐係你出面ge就係你ge秘書Crystal...你又咩公司上都可以問佢」

去到呢刻，我成個人都已經呆晒

點解個個都叫我王生？！點解我會有個秘書？！點解個個都係坐檯我就有辦公室？！

仲要我呢見辦公室係望住無敵大海景，望晒成個尖沙咀海港

點解會咁？！點解會咁？！我覺得佢地可能搞錯左



我決定要問個明白

我：「​Crystal 你入一入黎...刪一刪門啊先，我有小小野想問下你」

Crystal ：「請問有咩事想吩咐啊王生？」

我：「你地有無搞錯少少野...點解我坐入房？我...明明係...今日第一日翻工...點解...我...」

Crystal ：「無錯...你係王老闆個仔...李生親自請你...王亦軒先生」

我：「我係」

Crystal ：「其實我都係唔知咁多王生...不過出面都係你ge員工...」



我：「我ge員工？？！！」

王伯保安：「係啊..王生你其實應該會好快就適應嘎啦...無咩特別野我翻出去先啦...」

我：「好啦好啦...唔該晒」

之後佢就出翻去

我而家應該做咩好呢？李生又無安排我應該做咩

出面D人又個個都咁忙，我又唔想左住佢地

我：「Crsytal 你可唔可以再入一入黎」

Crystal ：「王先生..請問」

我：「你而家可唔可以帶我周圍下呢棟樓...我想睇下周圍ge環境」

Crystal ：「哦...哦...好好...無問題...王生你可唔可以等我一陣...我準備下之後係你辦公室門口等」

我：「無問題...五分鐘後就係辦公室門口等」

就係咁...呢個就係我一生翻工第一日ge開始