那一天，我再遇上了妳: 大開眼界

Crystal ：「哦...哦...好好...無問題...王生你可唔可以等我一陣...我準備下之後係你辦公室門口等」

我：「無問題...五分鐘後就係辦公室門口等」

咁我呢五分鐘做咩好呢？

我決定周圍睇下我個辦公室先

一望下我個檯面



我就發現公司已經幫我準備左我ge卡片

上面寫住「王亦軒先生-非執行董事」

大公司真係大公司

由去李生屋企到而家我翻工前後都無四十八小時

佢地就可以已經幫我準備到間房比我，連卡片都有



等我袋D卡片係身先，話晒都係我人生第一次有自己卡片

見個鐘差唔多夠五分鐘我就行左出去辦公室門口

見到Crystal 已經係個門口到等緊我

Crystal ：「咁我地行啦王生...我地由二樓開始睇啦」

之後我就同Crystal 一齊行出去搭升降機



個個員工又係咁叫我做王生

真係好唔慣

之後我地就落左去二樓

Crystal ：「我地而家呢度正對住ge就係我地ge飯堂，所有員工只要出示員工證就可以入去免費食午餐....而左邊就係董事級房間」

我：「咩係董事級房間？」

Crystal ：「姐係之後公司董事先可以入到去食野ge地方，普通員工係入唔到去」

咁未姐係我都有可能入到去？等我等陣食飯ge時間落黎試下先

我：「哦...」



Crystal ：「呢一層就係得呢D野，我地而家上五樓」

Crystal ：「呢一層就係人事部」

我：「哦...姐係我辦公室有咩唔滿意就係要過黎呢度同佢地講ge地方？」

Crystal ：「其實唔係...王生只要同我講...我就會幫你辦妥」

我：「哦...咁好啦」

Crystal ：「王生...之後十樓同埋四十樓都係為我地開會而切ge樓層....」

我：「咁...我地唔洗去睇啦....仲有無其他地方係我要知道係邊嘎Crsytal？」



Crystal ：「差唔多都無...啊唔係...係六十樓就係可以通往李生ge辦公室，而五十九樓就係李生兩個貴公子ge辦公室...不過呢兩層用我呢D普通員工卡都係係部升降機度拍唔到上去ge...一定要李生最親D董事同埋兩個貴公子ge員工卡先可以係我地呢部升降機上到去」

我：「等我試下先！」

「嘟...」

「你正在前往六十樓」

Crystal ：「？？？！！！！」

我：「？？！！」

Crystal ：「王生....頭....頭...頭...頭先...如果我....有咩...講錯...做錯....真係好...對唔住...」

呢一刻其實我又無Crystal咁驚，我比較好奇究竟李生ge 辦公室係點



Crystal ：「不如...王生我地落翻去...」

不過講呢一句野個時已經太遲，因為我地而家已經到左五十九樓

「丁.....」

我：「出去啦...都到左囉」

一出升降機我就見到李生，有無咁巧啊

李生：「依...軒仔....你上黎搵我啊？」

我：「頭先Crystal 帶緊我參觀呢棟樓，之後佢話六十樓係你ge 辦公室...咁我未想想上黎參觀下李生ge辦公室....」



我轉身望一望Crystal，只見到Crystal 已經九十度鞠躬

Crystal ：「李生你好....」

李生：「Crystal 係你ge？」

我：「王伯話佢係我ge秘書」

李生：「哦....軒仔一係第二日先上黎睇Uncle ge辦公室....Uncle而家要出去...陪我一齊落樓？」

我：「李生絕對無問題」

之後我就同左李生落去停車場，送完佢走我地就翻翻上五十一樓

我：「Crystal 你做咩成程都唔講野？」

Crystal ：「我係度做左十年...都未試過見李生真人...就算係行政會議...都係間唔中離遠咁先可以見到李生兩位貴公子....」

我：「哦....原來係咁...咁好啦...我唔左住你做野啦...我翻入辦公室先」

Crystal ：「好ge王生....頭先如果我有咩講錯做錯真係好對唔住」

我：「傻啦...無野窩....啊係...等陣Lunch Time 同我一齊食飯得唔得？」

Crystal ：「嗯」

就係咁我就入翻去我見辦公室到

坐低左，睇一睇手機，發現原來Kristy 打過五次比我

因為我交左 「Do not disturb 」所以一個電話都聽唔到

等我打翻比佢先

我：「喂啊永？」

Kristy：「你去做邊啊...點解搵極你都搵唔到嘎？」

我：「我.....」

好唔好同佢講我翻工呢件事呢？

算...好似遲D講比較好D

我：「我頭先仲訓緊啊」

Kristy：「哦...咁好啦....軒軒不如今晚我地一齊食晚飯咯？」

我：「好啊無問題」

Kristy：「咁我搵完食邊間再Whatsapp 你啦軒軒」

我：「好啊咁今晚見啦」

就係咁...講埋個電話，去下個Toilet...就十二點.