【被借走的時光】我救左一個自殺既少女: 【第五章】變異

「面對這樣的情況，我也不知道可以說些什麼。」每個人都有佢既過去，呀！佢係鬼黎。
 
「那我再問你一次，你會覺得我很髒嗎？」
 
原來佢問呢句既意思係咁樣，當初佢咁問既時候，我係以為指技巧既野。點知背後係有咁既過去。
 
「老實說，男人都會在意自己的女孩跟別人發生關係，畢竟那個人不是自己。一想到她曾經過別人瘋狂過，心裡總會有點介懷。」
 
「也對，男人都是這樣。糟蹋完別人就算了！不會有人要也是事實，我的人生被男人害得真慘。」
 


呢一句唔係我隔離既姿妮講既，把聲音係後面傳過黎，而且怨氣十足。
 
我擰過頭去望一望，嚇到我成個人彈起身，向前跳。
 
一團黑影慢慢向住我行過黎，而係黑影既中間，係姿妮……
 
頭先坐係我身邊，瑟縮一角既姿妮化作幻影，慚慚向黑影接近。
 
「你還愛我嗎？」姿妮用陰沈既聲音問我。
 


眼前既姿妮唔再係我認識既佢。
 
我仲好記得佢天真可愛既面容，活潑咁係我周圍轉黎轉去。佢依家變成怨氣集於一身既惡靈。
 
我見到惡靈既背後，姿妮仲瑟縮緊。
 
身穿白衣既姿妮，長長既頭髮向上飛揚，黑色既眼睛，好似那夜凌晨入面既恐撚佈Yuki。
 
「你還愛我嗎？」佢再問多一句，一步一步行近我。
 


黑影籠罩住成個後樓梯，就連牆壁都出現黑色既裂痕。姿妮既餘音一直係呢個細小既空間迴盪，我既腳不由自主咁向後，同時間我思考緊點樣回答佢既問題。
 
「我是愛著你沒錯，但是我們人鬼殊途呀。」我擺出一臉無奈既樣子，但心入面盤算緊如何逃離呢度。
 
「沒關係，我們變成一樣就好！」姿妮寒寒地道，語言間不帶一點感情。
 
屌你咩！姐係要我變做鬼？有人唔做，要做鬼？
 
「怎麼可能！」我吼一聲。
 
「為什麼不可能？這樣我們才可以相愛。」佢既笑容令我好心寒，全身起曬雞皮。
 
事情黎得太突然，直教我唔知點好。
 
姿妮伸出雙手，雙手都佈滿黑氣。佢想伸手摸我，我下意識即刻往後縮，一後退，已經碰到牆壁。


 
姿妮O左個咀，佢連牙齒都黑埋，好核突。
 
「你不想嗎？」錯愕，失望。
 
「你已經不是我認識的姿妮了。」我終究無辦法欺騙自己。
 
「你認識的姿妮是怎樣的？」佢兇鳩我。
 
老子最憎人兇鳩我，但佢唔係人，係鬼。我知我發佢老四都無用。
 
「她很善良，溫柔，善解人意，並不是像你這樣恐怖！」我坦言，姿妮佢真係好好，但絕對唔係依條粉皮！
 
「我跟你說，你認識的姿妮，早就在地震那個時候死了。」
 


姿妮好嚴肅咁講。
 
「人類的靈魂本來就分兩種，這兩種靈魂寄居在每個人的體內，根據身邊的環境，氛圍成長。姿妮從小在溫和的環境長大，被愛所保護著，屬於善的靈魂漸漸佔領著姿妮的身邊。而我，就被放在一邊。」
 
「當那些男人一個又一個進入姿妮的身體，我就被釋放出來，這也是姿妮潛意識裡的一種自我保護。」
 
「所以！你才會看到現在的我，那個姿妮，本來就不應該存在。」
 
我聽到呢度，我都唔知可以回答啲咩，短短既幾日，發生既事情峰迴路轉到令我難以相像。
 
不過靈體既野一直都無科學證實佢地並不存在，所以遇到一啲都唔出奇，而且台灣不嬲都多呢類野發生。
 
我拍一拍牆壁，頭也不回咁衝落樓梯。走得就走啦，再留一秒只會令自己危險多一秒。