【被借走的時光】我救左一個自殺既少女: 【第六章】逃亡

【逃亡】
 
我望都唔敢望後面，直接衝左落下一層，走返入個商場度。
 
我見到人山人海既人之後，立刻鬆返口氣。如果無人既話我會仲驚，不過好彩都有人。
 
我朝人群中行過去，我以為咁樣就可以逃離佢既魔掌，呢個諗法真係大錯特錯。
 
旁邊賣衫既店鋪入面，會有好多鏡擺係度，供人照下自己，打扮下。而我卻從鏡入面，見到嗰一團黑影係我後面。
 


我擰轉面後面一望，咩野都無。正正常常一堆人係度行街睇野。
 
我再望返塊鏡度……
 
我屌！！！！！
 
你老母咩！？
 
我即刻彈開幾步。
 


我……
 
從鏡度見到……個黑影瞬間黎到我背後。
 
黑影係鏡入面飄下飄下咁，不過就唔見姿妮既身影，只係見到一舊野係度。
 
我再望下背後……同樣地咩野都無。
 
我決定唔再望返塊鏡，真係好撚柒鳩閪恐怖。
 


我向住人堆度走……但我眼尾瞄到啲鏡，見到個黑影係咁跟住我……