【被借走的時光】我救左一個自殺既少女: 【第八章】回港
【回港】
台中台北，咩都玩過曬，我就好似發左場夢咁。因為姿妮之後就無再出現過…
呢兩個禮拜亦好快就過左，我諗住執返好自己啲心情重新出發，又再踏入自己不停loop既返工旅程。
返到香港，成個人輕曬。之後既行程都算係開心既…反正本來都預左自己一個人放鬆一下咁。
我返到屋企，一開門，一個白衣少女坐左係沙發度。頭dum dum既佢，抬起頭，對住我微笑……
姿妮！
我手上面拎住既手信全部掉曬落地下，嗰種震撼感唔係講笑。
屌你有無試過俾隻鬼由台灣追到黎香港，再入埋你屋企呀？
我屌你咩，玩咁大……
「你回來啦？」佢笑左一笑。
我成個人毛起上黎（毛管棟），「你為什麼在這……」
我腦海入面真係十萬個為什麼，？？？？？？？？？？？？？？？？？？同埋一堆問號派曬俾佢。
「我就跟你說在飯店等你呀。」姿妮擺出天真既面容，唔知佢係真傻定假傻。
「什麼呀？飯店不是在台灣嗎？這是我家欸！！！」我有點忍受唔住，聲都變撚埋。
「但對我來說，這才是飯店呀。」佢指一指個地板。
「飯店是要付錢的，你要付錢給我嗎？」我冷靜返啲。
頭先嬲得制唔記得關門，依家嗱嗱林關左先，廢事俾人見到。
姿妮係佢唔知從何而來的銀包入面，拎左一疊陰師紙出黎……
得得得，我投降了。
「我只有這麼多欸，夠嗎？」佢個樣楚楚可憐咁，就算佢唔係鬼，我都唔會收佢錢既。
「行行行！我不收你錢，這樣可以了吧？」姿妮聽到我咁講，先擠出一個笑容出黎。
我唔知佢留係度想點，究竟佢係點樣黎到香港都係一個問題...唔通佢上左我身？定附左係我啲野度？
「我要收拾東西，我沒空招待你。」其實我咁講無非都係想佢走。
「不怕，我可以幫你呀。」佢講完，我旅行箱傳來一陣震動。
然後好似變魔術咁...
砰﹗
啲衫呀褲呀全部飛曬出黎...跟住係廁所度又飛啲衫架出黎。
咔嚓﹗
呢個聲唔係幾對路，因為把聲係由門口度傳出黎。
空中既衫褲同衫架，全部一瞬間掉曬落地下。
「搞咩呀？間屋咁亂既...？」係一把熟悉既聲音。
「無呀，岩岩返到黎執行李呀嘛。」我無咁好氣咁答。
我望一望姿妮，佢吐一吐舌頭，做左個鬼臉。
如我所料，我老母係睇唔到姿妮。
「你又會黎既？」我無咁好氣咁望住我老母。
「咁你岩岩落機，應該好攰，咪買好料過黎幫你煮飯囉。」老母佢興好彩烈咁拎起佢嗰一袋餸，「今晚煮你最鐘意既咕嚕肉。」
到左返工既時候就會明白老母既好。
老媽子佢自己行左入廚房，放低好啲野之後，就黎料啦，次次都係咁。
「上次咪叫左你唔好再買微波囉，成日食呢啲野無益架﹗」
以前會嫌老母煩，嗰一隻係真心既，依家係口不對心。
「得啦得啦，忙呀嘛。」
見到呢啲情況都係嗰句架啦，佢正想開口，我就搶先佢一步，「知啦，搵返個女朋友呀嘛，我知﹗」
「唉，呀媽長氣都係為你好姐...」
我無理佢，繼續執我自己既野。
我執好曬野，整理曬啲衫呀褲呀手信之後，攰到正係坐係個沙發度。
係喎，我一坐低左先發覺，姿妮呢？
我四處張望，都見唔到佢。無理由問呀媽架…問佢見唔見到隻鬼？
於是我入去間房度搵下佢，一唔入去仲好，一入到去就覺得唔知點好咁……
姿妮佢全身赤裸咁坐左係我張床上面……
雖則我見過姐，但都唔好咁突然呀……
「你做咩？」
「你說什麼？」
呀！同老母講開廣東話突然間轉唔切。
「我問你在幹嘛。」轉返，得左。
「我又聽不懂你們在講什麼，只好進來逛一逛。」佢好開心咁周圍睇我啲野。
其實男仔房又有咩好睇呀？
Stop！重點唔係呢個，「那你幹嘛不穿衣服？」
「不穿衣……？」跟住伴隨住一陣既尖叫，「呀！」
「我為什麼沒穿衣服？」佢問我。
真係幾好笑，你問我我問邊個？就好似啲人問你「點解我唔飽既？」
「我怎麼知道……」我無奈咁講。
「可能因為這裡是香港吧…」咁又點？
「呀仔！你同邊個講緊野呀？」唉，又唔可以俾老母知我收埋左隻鬼。
「無呀！我傾緊電話！」我係房度回佢。
我關埋房門，由佢係出面自己係度嗌。
我再望一望姿妮，扯左。
佢坐係我張床度，撓起隻腳（注1），十分誘人。
嗰種若隱若現既姿妮，最能夠吊起我胃口，如果佢唔係鬼，一早屌左啦！
佢係度睇我收藏既海賊王。
「你有看海賊王喎？」我唔敢望佢，我驚我忍唔住，於是我背住佢玩電腦。
「有呀，我還在世界上的時候才看到魚人島。」佢睇到好津津有味。
姐係兩年前，魚人島差唔多係兩年前既事。
「想不到你也會看欸，女生很少人會看。」我熟悉地打開LOL。
「當然會呀，很好看欸。」
「呀！男生怎麼都愛打LOL呀？」我聽到佢合起本書既聲。
「愛打LOL的男人才是真男人！」
「我聽我朋友說，香港男生打LOL真的很爛，只會罵人什麼O…N…九之類的，就看不懂的東西。」
我屌你咩！成日俾啲白痴低能ON9既垃圾台灣佬雷撚住曬，已經好唔爽，仲要咁樣俾人講，條氣谷住谷住咁！
「我都沒說台灣男生雷到一個點呢…還被反說。」
「不要怪我喔，我都是聽我男生朋友說的喔。」佢扮無辜咁。
唃！唃！唃！
「仔！你同邊個講緊野呀？」長氣老母又出現了。
「打緊機呀！打緊班垃圾台灣佬！」我大嗌，以洩我心頭之恨。
「真的是聽不懂，你教我廣東話可以嗎？」佢攬住我條頸講道。
「我想問你呀，啲鼓油放左係邊呀？」老母沒完沒了。
「在最左邊的櫃子上面。」我唔得閒應佢，因為岩岩開左波。
「好地地講乜鬼普通話呀……打機打上腦？」佢既聲線漸漸遠去…
「那張是你跟你前女友的合照嗎？」姿妮指一指我仲擺係枱上面既合照。
呀瑩係我前女友，大學畢業既時候就分左手，原因好簡單直接。鐘意左個有錢佬，唔要個岩岩進入社會既窮撚。
我擺張合照係度既原因都好簡單，就係用黎提醒自己唔可以窮，唔可以衰俾人睇！
「是呀。」我淡淡地道，眼鏡不離電腦。
「她好漂亮喔……」酸酸地。
「還好啦，我覺得你比較漂亮。」好過條死港女多多聲！
我份人係窮，但未至於毒。但依家真係又毒又窮。
「可以陪我出去嗎？」佢用手拉一拉我衫袖。
「為什麼？」難得打得入狀態。
「我想看一下香港女生是不是都這麼漂亮。」佢扁曬咀咁講。
「白痴，也不是每個都這麼漂亮好不好？」我無咁好氣。
「就當陪我出去玩嘛，我第一次來香港欸！」姿妮好少可會撒嬌，雖然係攰，但都係陪下佢啦。
我當自己一個出門口咁，同老媽子講聲陣間返黎食飯，就出左去。
無人知道我帶左隻鬼落街。但我確確實實咁感受到佢既存在，佢既體溫，觸感，只係其他人睇唔到佢姐。