【被借走的時光】我救左一個自殺既少女: 【第七章】呼救

【呼救】
 
「不要走…」一把詭異既聲音係我腦海入面響起。
 
我認得嗰把聲，係姿妮嗰把聲無錯。但唔似岩岩痴撚線姿妮個語調，呢個聲音好微弱…如果唔係呢度無咩聲既話，根本聽唔出。
 
「不要走……」奇怪既聲音再一次奏起。
 
「求你了…」佢把聲好慘，如果你係街上面見到一個陌生人咁同你講，我估你都會停低腳步，睇下發生咩事。
 


我停一停腳步，係餐廳玻璃門既倒影入面，我見到黑影籠罩住我成個人…
 
一股寒流係我身體四處竄出，感覺自己係咁俾人摸咁。爬呀爬呀咁係你身上面咁。
 
耳邊忽然吹過一口涼氣，「不要走…」
 
「痴撚線！」我忍唔住爆左一句，但都係止唔住我心入面嗰度寒。
「你想怎樣？」我嚴肅地問。
 
我從倒影中除左見到黑影之外，我仲見到好多人係我側邊行過。佢地都帶著怪異既目光，有啲仲要偷偷地笑。


 
我心理壓力又厚左一層，你班仆街睇你幾時俾人鬼上身！
 
「我沒有想怎樣……我只是想你留在我身邊。」
 
我企係餐廳門口前面，望住塊玻璃，同佢係度傾偈。
 
但係我郁都郁唔到…我想去其他地方，因為係人地門口太尷尬。但無奈我移動唔到自己隻腳，好似成身俾野壓住左咁。我費盡全力，都係徒勞無功。
 
「留在你身邊的唯一方法只有變成鬼嗎？」