【纜車上】
 
「我好怕它這樣搖來搖去欸……」姿妮死命地捉住我隻手唔放。
 
「你是鬼欸,你還會怕?哈哈。」我真係覺得好出奇,鬼驚離心力既咩?
 
「我一想到這麼高,我就腿軟了……」佢好似又諗左下,因為我感到佢更用力捉住我。
 
不過我好樂意俾佢咁樣捉住,一黎得意,二黎個感覺好甜。
 


架纜車緩緩地向上爬,我專登嚇下佢,郁下佢。
 
「呀!!!!!!」佢尖叫。
 
佢用力打我一下,「你幹嘛啦!嚇死我了!」
 
佢反應好可愛。可愛有分兩種,一種係可愛到你想欺負佢;另一種就係可愛到你欺負佢唔落。而姿妮係屬於前者。
 
「多嚇你就不會怕啦哈哈。」我潤佢。
 


「你屁啦……呀!!!!!」又黎一陣尖叫,因為我又整佢。
 
「你夠囉~不要再弄囉~~~呀!!!!!!!!」
 
佢尖叫既同時,捉得好實好實,我都唔想就咁樣放手。
 
哈哈哈,而我就不停係度笑,因為我知姿妮唔會有啲咩事。

隨住我地爬上去,我地去到第一座山既山頂。
 


我地停曬手,無再嘻笑打罵。因為我地都俾眼前既風景吸引。
 
遠處既咸蛋黃,仲未落去,全世界都金光閃閃咁,個海被照耀到金黃色──好靚。
 
一個一個島同海,黃昏的夕陽,再配上一隻美麗既鬼。我拖住姿妮。
 
「好漂亮喔……」此刻既我,只感到幸福。
 
同自己鐘意既人去睇日落黃昏,係一件好幸福既事。
 
「是很漂亮沒錯呀,但我看多了…」佢言語中聽落,唔係咁開心。
 
「在墾丁就經常看了…而且海裡都是冰冷的。」
 
「你知道嗎?我一直在海裡漂浮著,裡面都是黑暗的,儘管我沒有軀體去感受當中的寒冷,但我看著周遭,我的心就很冰很冰。」


 
「我每天隨著日出的陽光漂上去,看看這個世界,日落的時候,就是我回去海底的時候。」姿妮憂愁地道。
 
我的確想像唔到佢既處境,但我知道每日對住冷冰冰既世界,一定生活得唔開心。
 
我無言以對,唔知講咩好…
 
「日落對我來說,是回去的徵兆。」我感覺到姿妮望住我。
 
我望一望佢,佢兩行既眼淚話俾我知,佢係唔想返去。
 
我地並不存在於同一個世界,卻相遇了。