見住姿妮既兩行眼淚,我實在於心不忍。我一手禁住佢後腦勺,輕輕力咁錫落佢個額頭上面。

點知佢喊得仲西利,岩岩係無聲地喊,依家喊到出聲。

我手足無措,唔知點做好。

「我真的不想離開你...」佢雙手摀住塊面。
「真的...跟你一起很開心。」
「就算我們在一起的時間不長...但卻很美好。」



「我知道...」

我都唔想你離開我。

其實你唔知,我一返到黎,見到你既時候,我好驚喜,好興奮。

呢啲你都好難從我表情睇得出,但自己心入面其實起伏好大。

「我真的不想...真的不想...真的不想...」佢一直重複又重複。



我坐係姿妮隔離,見住佢身後散發著黑氣....
 
我心裡一驚,屌囉...佢一開始諗負面野,成個人就會...係恐撚佈姿妮就會出現。

今次,我想嘗試自己黎。

我攬住佢,拍一拍佢背脊黑色既氣。

「別怕,我會在,我不會離開你的...」我安慰佢。



「真的嗎?」正宗台灣女仔聲,好溫柔。

同港女講「真係?」係有天淵之別。

「真的啦,不會變。」

女鬼係咪好易氹呢?

真係講兩下就收曬聲,黑影自然都走左。

好彩佢係台灣女鬼,易氹。

如果換著係香港女鬼?你起碼要燒唔知幾多公斤陰師紙同堆猛男呀車呀樓呀鑽石呀衫呀之類既野俾佢先會原諒你。

我地呢程纜車之旅仲有少少就完。



望住日落黃昏,再有佳人陪伴,幸福感再次降臨係我身上。