【被借走的時光】我救左一個自殺既少女: 【第十二章】 水族館
去到海洋公園既另一面，我心情大好。因為感覺我同姿妮就好似返左去墾丁嗰個時候一樣。
「來吧～你想玩哪一個？」我做好左會攰Q死既心理準備啦！我拎住本指南問佢
「我…想去水族館。」佢望住個指南。
竟然會諗住去呢個地方？身為一個地道既香港人，海洋公園都已經黎左好多次，多到自己都數唔清。
黎海公，就係為左要去玩機動遊戲。水族館已經睇到無野好睇，身為一個精明既消費者，去主題公園，一定唔會睇動物。
得罪講句，要睇，上網睇啦屌你！
「真的嗎？」我再問一次。
「對呀！我都沒看過。」姿妮臉上閃過一絲憂鬱既神情。
「好吧～我們走那邊。」條女就算話要去玩跳樓機，都要陪架啦。
我地行到入黎水族館，一陣寒氣入侵我既神經系統。
姿妮不發一言，亦都無理到我，直行直過，帶頭行係前面。
到左下一層，佢直頭企左係度望住玻璃入面。
一開始都無咩野，咪陪佢睇囉。
一分鐘……
兩分鐘……
五分鐘……
十分鐘……
姿妮郁都無郁過，仲企係度望得出神。
「你怎麼了？」我小心異異地問，唔知點解我心入面帶股莫名既不安。
佢直勾勾咁望住玻璃入面既畫面，緩緩地道：「這裡給我很熟悉的感覺。」
「熟悉的感覺？」
「在海裡，就是這麼的冰冷。」佢想講咩？
「所以我也不想你回去那個冰冷的海底世界。」呢個係真心既。
「來吧…」佢轉個頭黎，對我微笑。
我未反應得切，黎咩呀…？
姿妮拉住我隻手，就拉住我入去水箱入面。
呢度係邊度？
穿透個厚厚既玻璃，進入左一個我完全唔認識既世界。應該係話，唔係我認知入面出現過。
入黎唔係問題，但同岩岩既畫面唔同既？
照道理入到黎會見到好多魚呀之類，但眼前我只係見到綠茫茫一片。
姿妮唔係我身邊，只有我自己一個……
究竟發生左咩事！？
好多問題係我腦入面浮現。
『係咪以後都會係咁？』
『點樣出返去？』
『點解呢度咁凍既？』
無人可以解答我任何問題。我心入面開始覺得驚，恐懼……
我皮膚係無任何感覺，但最恐怖既係，我心入面覺得凍──一種死寂既凍。
與世界隔絕，人與人之間既溫度，世界的溫暖，都再感受唔到。
我都唔知過左幾耐，我只嘗試拼命向上游，卻無結果。我仍然走唔出呢個地方。
其實我知，呢度就係姿妮長期身處既地方。
但我未身歷其景，係好難身同感受。就好似男人未必會明點解女人俾人強姦係咁痛苦，因為嗰個唔係自己。
我唔知幾時開始，覺得好疲倦，慢慢合埋眼，瞓著左…
當我醒返既時候，就已經係一張長凳上面，依靠係姿妮膊頭上面。
「你醒啦？」姿妮向我報以微笑。
「發生了什麼事？」我覺得成件事好恐怖…
我真係唔想再玩呢啲咁既野，我唔嚇得架。
旋即而來既，係一陣既空腹感，我肚餓。
「我想吃點東西…」我目無表情咁行去買野食，同一時間亦都係度宣泄我既不滿。
「哎…你幹嘛啦。」姿妮追上黎。
係我買野食既成個過程入面，佢一路追問我……
直到坐低左…佢見點樣講，我都無反應。換黎既就係沈默。
我咬住我最鐘意脆香雞翼，望住佢，甚至於俾我更加失落既表情。我就知我真係好緊張。
因為我根本無嬲過佢，我只係心疼佢。
我唔知從何說起，因為我既感受好複雜，我需要時間去整理我既思緒。
每一次姿妮唔開心，我就會心軟，真係輸曬俾佢。
當一個男人真係願意為一個女人心軟，證明到既係，個男仔真係好緊張佢。
姿妮就好似做錯野既細路女咁，雙手放係前面，低頭唔出聲，扁曬咀咁。
「你知道我為什麼會生氣嗎？」我溫柔得黎帶點強硬咁問。
姿妮唔敢望住我，搖一搖頭。
我拎住條薯條，擺係姿妮面前。
姿妮見到心情亦好返啲，張大個口就食左佢，然後堆起笑容望住我。
乜鬼都可以食野既咩…？算啦，唔理！呢個唔係重點。
「因為我終於明白你的孤單…」
「一直以來，你都處於那種狀況，每天都被這種感受折磨著。」我道出佢心入面既感受，相信同我差唔多。
「即便你已經去世，不在我們這個世界上，但是你還是有感受，有你自己的想法。儘管你是一隻鬼，但在我面前，卻是我喜歡的人。」
「一想到你每天都以這種心情活著，就很心疼你。我來經歷不夠一天，就已經受不了，我根本無法想像你的生活…」
我咬住自己牙齒，我嬲既係，自己既無能為力。
係呀！我係知道佢既處境，但我改變到咩？
你話港女要車要樓，我都可以努力買俾佢，但依家我地陰陽相隔，我可以點幫佢？
陪佢做隻鬼？
問心，我唔想。係好自私，但我怕。我只係一個活生生既人，我有肉血之軀。我都會怕…
「一直以來，我都知道你心疼我，所以我才會放心的跟你分享我的世界，因為愛你，才會想把自己的痛苦跟你講。我也沒有要你幫我的意思，只是很單純的想你了解我。」姿妮笑一笑，好甜。發自內心咁覺得甜。
「我想去玩那個欸。」姿妮巧妙咁扯走左個話題，指一指上面。
跳樓機……
自從我同我個fd黎玩左一次，我就唔敢再玩。
我同我個fd上到去之後，一路觀賞風景，一路傾偈。
隔左一陣，都唔見要落去…
「我好驚。」我fd同我講。
「我都…」
「呀！！！！！！」我個「係」字都未講完，就跌左落去。我乜野心理準備都未做好。
落到地下既時候，腳仔仲軟到仆街。
我真係唔敢再挑機跳樓機。