《廿一歲個年，我成為左隱世富豪》－大結局: 第十五章：行動

當我正諗緊邊個可以幫我收既時候，有一個意想不到既人入左黎辦公室。

「咦，穎心？」

「係啊，特登揾你。」
「做咩？」

「想比你睇啲野。」

「咩黎？」





穎心比左啲相我睇。
「咩意思。」

「提醒你小心啲啫，呢個人入黎我地集團一定懷有不軌意圖。」所講既就係白陸，但係佢竟然同一個烽火聯盟既女仔係餐廳一齊，相信佢地應該有來往，甚至想合力搞掂我。

「我想問你一個問題。」

「我正式邀請你為我秘書，請問你願唔願意？」





「無問題，我知道Chole比白陸搶走左，我而家幫你都理所當然。」

「咁就太好啦。」

「其實做秘書好簡單，只要我去到邊，你去到邊，不過你有阿明，就唔使啦，係公司，你只要幫我處理文件，觀察下屬，報告等等，遲啲我會教你架啦。」

「咁，好啦。」








係門口既我，聽到誠翔已經揾左穎心做新秘書，我返黎，仲能唔能夠幫到佢呢？

「咚咚。」

「返黎啦，藍心？」

「嗯。」

「身體無事阿嘛？如果你想既，我可以批多幾日假比你。」你梗係想我放假，皆因你都有新秘書。




「唔使啦，返黎公司幫你手啦，最近你應該好麻煩。」





「啊，唔使介紹啦，不過同你講聲，佢係新秘書，代替Chole。」

「知道啦。」

「希望你地兩個合作愉快。」




望住藍心個樣，好似仲悶悶不樂咁，唔通因為穎心黎左，覺得自己唔需要再幫我？唔得，一定要將佢地既留住。

「穎心，藍心，食完飯返黎開會，有野想叫你兩個做。」

「好。」








自己叫左個茶餐廳外賣，而佢地都有人約而出去食飯，唉，其實副總咪又係要食茶餐廳...

「好，大家都食飽，咁我就直接講我想講既野啦。」

「穎心，我想你繼續揾人觀察住白陸同個個女仔，最好就影埋相，等我知道個個女仔係邊個。」

「藍心，我想你幫我揾白陸同埋阿爸個邊既董事既資料，或者觀察佢地既來往。」

「你地盡量都低調行事，我而家係公司既地位越黎越低，最麻煩都係我老豆，我會親自對付佢，非常時期，可以用非常既手段，係一個月之內，我要將佢地一一擊破，唔係既話，我做總裁呢個機會，只會漸漸縮小。」








「其實，你係想我地揾佢地既衰野，然後威脅佢地？」藍心問到。

「係，雖然好似好幼稚，但係只要佢地怕，就會願意順服於我。」

「好，既然係咁，我要求持槍殺手。」

「放心，我會分配啲人比你，呢件事唔好同人講。」




「穎心，你返房先，我有野同藍心講。」





「好。」




「咩事？」

「我想你配合Chole。」

「配合佢？做咩？」

「佢比白陸搶左，其實正合我意，留係白陸身邊就可以將更多既資訊比我。」

「你想我...？」

「同Chole對立，等白陸對Chole放開戒心，完全相信Chole。」

「明白。」




「係呢，上次你係咪上左我屋企？」

「係...」

「對唔住啊，我要休息都無開門比你。」

「唔緊要，身體要緊。」

「你唔介意阿明照顧我架可？」

「唔介意，我同你都只係上司同下屬既關係，我只係會擔心你身體仲負唔負荷到工作啫。」

「哦...」點解，誠翔會變到咁苛刻？唔通我係佢心目中，只係一個工作既機器？




「希望你地工作速度可以加快，等我既計劃都可以盡快進行。」

「知道。」




今日係我跟踪白陸既第一日，我係佢出左去食飯既時候，叫Chole喬裝清潔工人，係佢辦公室到處都裝左偷聽器同微型攝錄機，而且仲係佢電腦安裝黑客程式，觀察佢電腦既一舉一動。不過，佢部電腦隨時都可以發現呢個程式，所以，我唔會成日啟動呢個程式。




「藍心，穎心，你地過黎睇下。」

係電腦熒幕見到既，係烽火聯盟既阿怡同埋白陸。

點解阿怡咁夠膽上黎我地公司同白陸傾野？

「開左個偷聽器佢。」




「聽日我地就要將誠翔既耳機加入爆炸裝置，今次我地要快過佢地。」

「好，我會知道點做，咁誠翔部電腦入侵成點？」

「仲差少少。」

「希望你地能夠係三日內完成。」

「知道。」

原來佢地真係要一齊對付我，但係點解要揾個個女仔？就算到最後統治世界既都係得一個，點解要幫大家呢？