心情緊張既我,今日跟住白陸去到千雨既公司,而千雨就係烽火聯盟其中一個女仔。

「Chole,你係到等我一陣。」

我企係Chole辦公室門口,白陸先行入去,我亦係時候準備下等陣既工具。

開左錄音機,腳底貼上一片片既地形探測器。

「入黎啦。」





「佢就係我新既秘書,叫Chole。」

「你好。」

「我係千雨,係希風集團既副總裁。」千雨好有女性氣質,比起另外個個烽火聯盟既女仔,千雨能夠從身體任何一個部分都可以吸引你。

「今日叫你地黎,就係想同你地講,幫得我做野,就要忠誠,如果比我發現有人背叛我,我一定對佢唔客氣。」

「明唔明白?」





「明白。」








「好,同埋,我有一個任務比你地,就係將王誠翔身邊既秘書處理,因為佢既秘書實在太麻煩。」





「知道。」

「走啦,三日內,我要佢既秘書無再能力幫到王誠翔。」




離開大廈,白陸開口同我講野。

「記住,雖然千雨個樣好正常,但係佢骨子裡比任何人都惡毒。」

「知道。」

「咁消滅佢秘書既任務就交比你啦,我會將人手同武器比你,記住唔好留手。」








當我收到呢個任務既時候,我諗緊點算好,唔通我真係要消滅穎心同藍心?




係誠翔既辦公室入面,三個人都聽到錄音機所錄低既對話。

「你地聽到啦,而家既目的就係要令你地兩個消失。」

「咁我地唯有令佢地先消失。」





「咁樣唔係唔得,但係我老豆就會一口指定係我做,可能到時連副總裁都無得做。」

「無辦法,我地直接搞掂白陸。」藍心講到。

「睇黎你有辦法。」




「聽住,我地...」

我地係辦公室傾左十個鐘,飲左十杯咖啡,傾得都幾順利,甚至聽日就可以行動。








「呼...大家都攰啦,不如今日傾到呢到先啦。」

「嗯,但係聽日我地就要開始行動,我就會係清晨扮交通警察截停白陸,再插贓嫁禍比佢。」希望藍心一切順利...

「而我就會係目的地到等你,到左就會用隱形網保住間小屋。」

「如果藍心你個到有咩問題,幫你手既殺手會強行處理佢。」

「好,希望你盡快入侵到香港既交通網絡同閉路電視。」




返到屋企,完全訓唔著,食慾都完全減退,心裡面只係諗住要消滅佢地,先下手為強。








清晨六時正。

係西貢環礁馬道路口設有路障,路障有兩架警車,六個殺手同埋藍心。

藍心走出馬路,向一架白色寶馬舉手表示停車。

「先生,停車熄匙,身份證,駕駛執照。」因為帶住頭盔,白陸完全唔認得我,而且我用左人肉變聲器,人聲仿似到極高。

「我地伙計既搜查你部車,唔該你打開你車門,落車,同埋開埋車尾箱。」車上仲有Chole係到。

「無問題。」

「先生,你可以過黎攞返你既身份。」




係我後面既殺手就吩咐電單車可以衝埋黎,將毒品掉入車尾箱,成王敗寇都係睇呢下。




點知,電單車衝緊埋黎既時候,一架黑色林寶堅尼亦同時衝緊埋黎,好可惜,跑車始終快過電單車,而電單車更衝過路障,但係就因為林寶堅尼快一步,聽左埋黎,掉唔到毒品落白陸架車到,而林寶堅尼就啱啱好停到係白色寶馬後面。

「你地去追,個架就係自己友,追完就返去公司報告。」

「知道。」

殺手坐上鐵騎,係途中,佢不斷撕開電單車身既貼紙,變返做一架普通黑色既電單車,而貼紙就掉左係一架接應既van仔到。




「先生,你可以走啦。」

望住下一架車泊埋黎,我感受到不詳既預感。

「小姐,麻煩你熄匙停車,身份證同駕駛執照。」

當佢落車既時候,我發現,佢就係烽火聯盟既千雨。




「無問題啦,可以離開。」

「唔該。」

望住黑色林寶堅尼既離去,我地既任務就因為咁而告終,完全唔合邏輯,點解林寶堅尼要追住架電單車,甚至為左停係寶馬後面,要超車快過架電單車...究竟,點解呢?




「任務失敗,穎心可以返公司。」




「唉!」我將電話大力掉落地下;就係因為我成日掉野落睇下,我設計左一個反重力紅外線,所有以高速,一個標準力度落地既物件,離地五厘米既時候就會懸浮係空中,所以掉咩都唔會爛。

我地揾一啲討厭香港警察既市民,免費燒毀警車,而我地既制服,亦全部放係入面,將一切毀屍滅跡。而誠翔就一早入侵晒有關路段既政府攝錄機同街上舖頭既閉路電視,等佢地一開就會見到我地宗教*圖案。(請參考人物角色關係表)

「大家都安全返到黎?」

「嗯,無人跟踪。」

「今次任務失敗,完全係千雨架林寶堅尼礙事。」

「我應該係前一個紅綠燈停低佢,但係我完全無為意,對唔住。」我同大家道歉。

「傻啦,唔關你事,我覺得事有蹊蹺。」藍心既認真狀態又開始。

「係清晨六點鐘,個個路段平時只有白陸同幾架巴士會首先經過,但係今日千雨又無端端係西貢出現。」

「你覺得有人同佢講?」

「只係猜測,可能咁啱千雨係白陸屋企過夜啫。」

「有千千萬萬既可能,但係一個原因,令我有啲困惑。」

「講。」

「就係Chole。」

「你覺得佢出賣左我地?」

「唔通你覺得我地三個其中一個出賣自己?無可能啦,你地今次都係受害既目的,而我更加係最終既攻擊目標。」

「所以Chole話比白陸同千雨知道我地既計劃,等白陸可以逃脫。」

「但係Chole點解要咁做呢?」

「我諗下次我地既計劃唔可以再話比佢知。」穎心提出。

「唔得,如果無佢配合,我地好難做。」

「我地同Chole玩個小遊戲,我地設計一個假既計劃,到時我地唔會實行,就睇下Chole會唔會話比白陸佢地知,等佢地拆解。」

「好,但係要快。」

「佢地攻擊我地既時限都差唔多,你地兩個既人生安全越黎越低,我以副總裁既身份命令你兩個,黃昏起唔準出街,出街要通知我,我會派人暗中保護你地,而我會增加多幾個保鏢比你地,以防萬一,藍心你由今晚開始,去我屋企訓。」

藍心聽到呢句之後,個樣無咩表情。