女神話我考試排名高過佢 就滿足我一個願望: 第一章---初見

「那故事倉猝結束不到氣絕便已安葬......」

耳邊響起佐《念念不忘》既歌詞，順便提醒我夠鐘翻學。

「呵欠......好撚眼瞓呀~」我抱怨。

「浩雪，咪講粗口啦！」耳邊傳嚟我細妹既聲音。

「知道啦雪彤，唔講咪唔講囉！」



佢叫林雪彤，細我三個月，同我一樣讀中二，我地唔會嗌對方做啊哥啊妹咁嘔心，只會以名嚟稱呼對方。

唔知個天係咪特別照顧一啲人，我同啊妹都得到啊爸啊媽既違傳，我地都特別靚仔靚女。

啊爸由我同雪彤細細個開始，就教導我地係學校千其唔可以暴露自己既樣貌同埋財力。於是我就決定日日返學之前整亂個頭，而雪彤就日日帶住口罩。

言歸正傳，今日係中二開學日，我整好個頭，就同雪彤分開出門口啦。

點解要分開翻學？



因為我唔想雪彤名聲受損，可能由於雪彤帶住口罩，成功咁令一班女同學冇妒忌佢，而且雪彤成績好好，仲要入佐成績最好既A班。而我因為冇温書既關係所以入佐成績最差既D班，費事俾人指指點點啦。

翻到學校，三不五時就會有啲同學對我指指點點，

「果條友仔係咪林浩雪呀，咁毒既？」高年級的同學説。

「果條粉皮咪係林浩雪，佢個頭真係好唔掂囉！」同級同學説。

「其實林浩雪如果梳返好個頭既話應該會好靚仔。」一啲女同學猜測。



「我用$100同你賭，佢今日一定冇帶錢出街！」同班同學説。

可見我喺學校既聲望已經低到極點。

返到班房之後，我喺學校唯一既朋友李家朗走嚟同我講野：「喂，浩雪，好心你就梳下個頭啦，真係好柒呀！」

我唔係唔想梳，我係冇得梳呀~

「唉......同你講都唗氣！」我答。

我冇再理佢，扒佐係度等班主任入班房。

跟住有兩個人入佐嚟，

首先入嚟果個係班主任，佢可以話係國色天香，身高大約係170cm，目測有C。佢一入到嚟，全班既男同學即刻望實佢。



「大家好，你地可以叫我Miss.Wong，我係你地班嚟緊果一年既班主任同埋教你地英文，多多指教！」Miss.Wong説。

「仲有，我地班將會有一位插班生，我而家叫佢入嚟。」Miss.Wong補充。

一聽到呢句説話，全班即刻激動起上嚟，試問邊個對插班生唔期待丫？

結果入嚟果個係一個女仔，男同學即刻呼歡，女同學只係不屑咁「切」佐一聲。

但係佢，絕對唔係一個普通既女仔！

如果話Miss.Wong係一個國色天香既女人,咁呢個女你只可以用傾國傾城嚟形容！

雖然佢身高只有大約150cm,個波目測得個B，但係佢仲未完全發育呀！佢中二就咁靚啦，大個佐之後仲得了？一諗到呢到，全班男同學即刻將注意力由Miss.Wong轉移到果位女仔。



「同學呀，你先介紹下自己先丫。」Miss.Wong説。

「大家好，我叫陳曉琳，今年啱啱轉校，你地可以叫我做曉琳，請多多指教！」曉琳一開聲，即刻博到全班男同學既掌聲。

「嗯.....咁你就坐係.....」Miss.Wong諗緊曉琳既座位。

一聽到Miss.Wong既説話，全班男同學都即刻緊張起上嚟。

「嗯......果位男同學隔離啦！」Miss.Wong指住我隔離個位。

等等？咩料啊？

唉......又要俾班男同學屌，希望快啲調位啦......

「嗯......睇嚟而家班房座位位置都唔錯丫，咁嚟緊果一年都咁坐啦！」Miss.Wong仲要補多刀......



呀呀呀呀~我今年唔洗旨意可以識到friend啦！

呢獲仆街啦！

之後曉琳坐佐係我隔離，笑住咁對我講：「多多指教呀！」

紅顏禍水呀！！！！！