女神話我考試排名高過佢 就滿足我一個願望: 第二章------發春夢？？？

屌，本身就已經冇friend㗎啦，佢而家坐我隔離仲得了既？

學校又冇人性，一開學就要上堂。

「正常唔係要去禮堂聽校長廢up㗎咩？」有同學咁樣問Miss.Wong。

「其他班係咁既，但係你地班有插班生，校長為佐令佢更快熟悉課堂既規矩，所以你地唔使去禮堂，改為聽我教書。」Miss.Wong好似聽唔到啱啱果位同學侮辱緊校長，講完之後仲要對住果位同學笑佐一笑。

痴撚綫！果位同學一見到Miss.Wong係到笑就即刻呆哂，同佢講乜都聽唔到。



「Miss.Wong，但係我冇帶英文書喎，咁點丫？」有同學問。

「係囉......咁點丫？」其他同學附和。

「哼哼......一早估到你班友仔唔會帶書㗎啦，我已經準備佐PowerPoint俾你地呀」Miss.Wong邊講邊自豪咁係到笑。

全班哀嚎。

「咦？曉琳你有帶英文書呀？好心你地就學下曉琳啦。」眼尖既Miss.Wong發現佐曉琳枱面既英文書。



一聽到呢句説話，全班即刻望住曉琳。

曉琳塊面即刻紅哂，明顯就唔習慣俾人望實既感覺。

曉琳細細聲咁同我講：「唔好咁樣望實我啦，好尷尬呀！」

我冇理到佢，因為我已經轉移唔到視綫同埋出唔到聲，佢紅面個樣實在係太靚啦！

「好啦好啦，大家唔好再咁望住曉琳啦，雖然我都知佢好靚......」Miss.Wong妒忌地説。



全班即刻係到傻笑，成個朝早我地就喺吵吵鬧鬧既情況下完佐。

而且我成功咁同曉琳交換電話號碼啦！

午休果陣，我照舊喺學校周圍行嚟行去，但係今次，我聽到啲關於曉琳既野。

「喂，知唔知2D班嚟佐個插班女學生呀？條女好撚索呀！」一位同學説。以下簡稱路人甲。

「咁開心？等我溝下佢先！」另一位同學説。以下簡稱為路人乙。

「收皮啦你，就憑你個柒樣就想溝到佢？下世先啦！」路人甲説。

「喂喂喂，咁條女同邊條仆街坐呀？」路人乙問。

「咪條仆街林浩雪囉，屌，羡慕死我啦~」路人甲喺條走廊勁大聲咁喺度嗌。



「你兩個，做乜講粗口呀？跟我過嚟！」全校最惡既老師Mr.Cheung啱啱好經過，順便帶走佢地。

睇人仆街最開心，見到佢地俾Mr. Cheung屌，心都涼一涼呀！

呢個時候，雪彤啱啱好係A班行佐出嚟，佢一見到我就俾佐個「like」既手勢我，示意我上去天台。

嗯？無端端做乜上去天台？我冇多唸，就跑佐上去天台。

我喺天台等佐一陣，雪彤就上佐嚟，雪彤一見到我，就除佐個口罩。

「浩雪丫，其實啲男仔鐘意人既標準係咩呀？明明我已經帶佐口罩㗎啦，但係今日有人同我表白囉......」雪彤好好奇咁問我。

「嗯......呢啲野冇絕對既標準既，人人口味不同，可能果條友仔好好眼光，知道你除佐口罩之後好靚女呢。」我答。



「咁我同陳曉琳邊個靚女啲呀？」雪彤問。

仆街，消息傳得咁快既，不過又係既，曉琳個樣咁靚。

「嗯......差唔多啦！」我答。

「唔得！一定要揀一個！」雪彤堅定咁講。

「嗯......真係要揀一個既話......陳曉琳囉。」我答。

佢聽到之後，即刻戴返口罩，然後衝返班房。

咁係真丫嘛，唔通我話係雪彤咩，我咁講佢都唔信啦！

「叮噹叮噹......叮噹叮噹........」