女神話我考試排名高過佢 就滿足我一個願望: 第十三章-----曉琳的報復

由於聽日係星期六，所以我同曉琳玩到凌晨一點都仲未瞓。

「曉琳呀！我好眼瞓呀！你放過我啦......」我説。

「乖啦！陪我睇埋呢套劇先啦！」曉琳説。

「咁仲有幾多集呀？」我問。

「好少咋！仲有7集啦！」曉琳説。



「7......7集？一集一個鐘，即係七個鐘？睇完已經朝早八點啦！我仲洗瞓？」我説。

我唔理啦！我點都要瞓呀！

但係，每當我就嚟瞓着果陣，曉琳就會即刻拍醒我，搞到我不停徘徊喺醒同瞓着之間。

其實我有唸過，曉琳係咪收緊我做兵。

但係我好快將呢個諗法推翻。



如果佢真係想收我做兵，佢喺學校就唔會淨係同我傾計，亦都唔會同我比賽。

「喂！仲乜呆哂呀？對唔住呀，唔應該迫你同我一齊睇嫁......」曉琳道歉。

我摸一摸曉琳個頭，説：「傻既。」

曉琳塊面即刻紅哂。

「你......你......你做乜摸我個頭呀！我同你道歉啫，你唔好得寸進尺喎！」曉琳生氣地説。



下？玩下啫.......

咁都可以激嬲佢......

「無無無......我錯我錯！」我説。

「玩你咋！邊個叫你頭先蝦我呀！」曉琳説。

有冇咁記仇呀......

唔理啦......

我真係好眼瞓呀……

結果，我就瞓佐喺張枱。



「喂.......醒啦！」曉琳叫醒佐我。

「俾我瞓多陣先啦！」我掙扎。

「唔好啦......我好肚餓呀！」曉琳説。

「你咪自己煮囉！廚房有公仔麵呀！」我説。

琴晚玩得我咁慘，你就俾我休息下啦！

「我......我唔識煮呀！」曉琳説。

「唔係掛？咁大個人連公仔麵都唔識煮？」我問。



「咁我呀爸幫我煮哂三餐丫嘛......」曉琳説。

「即係話你未試過煮野食？」我問。

「係呀！」曉琳説。

「唉......怕佐你！」我説。

「多謝！」曉琳説。

我刷完牙洗完面之後，就去佐廚房煮公仔麵。

由於我係芝士控，所以我煮乜野都會加芝士。

於是碗麵我加佐勁多芝士落去。



煮完之後，曉琳即刻衝佐過嚟食佐一啖。

「好好食呀！」呢個係我想聽到既答案。

「好鹹呀！」呢個係佢既答案。

「有冇呀？」我質疑。

我食佐一啖。

唔係丫！味道啱啱好喎。

「我覺得好好食喎！」我説。



「你平時食咁多鹹野，梗係覺得好食啦！」曉琳説。

我唔止食得多鹹野，仲唸得多添！

咳！

差啲講佐出口。

雖然曉琳不停喺度抱怨，但係佢都好乖咁食哂碗麵。

「呼！飽哂！」曉琳滿足地説。

「跟住你想做乜野呀陳小姐？」我問。

「嗯......温書掛......」曉琳説。

「下？星期六温書，傻嫁？」我説。

「我星期六不嬲都係用嚟温書嫁喎！」曉琳説。

唔係掛？

「快啲換件衫，我地出去。」我説。

「下？出去邊呀？」曉琳問。

「帶你出去行街囉！」我説。

「你有錢咩？」曉琳一針見血。

「嗯......呢層......行街唔一定要買野既。」我説。

「又好似係喎！」曉琳説。

結果，佢用佐半個鐘先換好衫......

------------
呢幾日忙住做功課，所以先咁耐冇出文
我知道呢排果幾章好似好悶
好多野都唔合常理
例如點解曉琳肯去住林浩雪屋企
邊個打電話俾曉琳老豆報串等
未來既章節會解釋
btw, happy new year
雖然而家先講好似太遲