女神話我考試排名高過佢 就滿足我一個願望: 第十四章-----行街
「我地行啦！」曉琳説。
我差啲流鼻血......
曉琳着佐雪彤平時最鐘意既白色T-SHIRT同埋黑色短裙。
其實條裙本身唔短，雪彤着既話會去到膝下10cm。
但係曉琳對腳比較修長，着佐連大脾一半都到唔到……
「曉琳，你唔驚走光咩？」我問。
佢呆佐一呆，然後入房照鏡。
「點解咁短既？」曉琳大嗌。
佢即刻鎖門換第二條裙。
佢着完之後居然連鏡都唔照就行佐出嚟……
再過多一粒鐘，曉琳先行返出嚟。
屌……
曉琳乜野都冇換……
「你……入房入咁耐乜都冇換過？」我問。
「我有試過去換嫁……」曉琳説。
「結果呢？」我問。
「啲裙一條短過一條，呢條已經係最長果條……」曉琳無奈地説。
唔係掛？
平時見到雪彤出街，佢着既裙都會去到佢膝頭哥。
但係曉琳一着，居然只係去到大脾既一半？
「咁你使唔使着打底褲呀？」我問。
「我想，不過冇。」曉琳説。
「攞PE褲頂住先啦。」我説。
「衣櫃冇PE褲......」曉琳説。
雪彤冇買過PE褲咩？
「咁你驚唔驚走光呀？」我問。
「小心啲咪得囉！」曉琳滿不在乎地説。
「咁我地行啦！」我説。
一落到樓下，曉琳即刻俾全場注視。
男既帶住淫邪既目光，女既帶住羡慕同埋妒忌既目光。
曉琳明顯唔鐘意呢啲目光，佢扯住我件衫快步行。
「曉琳，咁我地而家去邊呀？」我問。
「唔知呀......去個少人啲既地方先啦！」曉琳説。
咳！
好似有啲甜故feel。
收皮啦林浩雪！咪再ff啦！
曉琳好似冇發現到啱啱既句子有問題(其實只係我ff得太多)，行得愈嚟愈快。
最後，佢行佐去M記門口。
「浩雪，你肚唔肚餓呀？」曉琳問。
「唔肚餓呀！」我逞強地説。
好肚餓呀屌......
「咕.......」最後居然係我個肚出賣佐我。
曉琳笑佐一笑，就拉佐我入M記。
屌......好柒呀？
「你食咩呀？」曉琳問。
我望佐一望餐牌，發現M記已經唔係良心企業。
由幾個月前既21蚊一個餐，到而家已經變成30蚊一個餐。
「嗯......就要個麥樂雞餐啦！」我説。
正當我唸住攞個銀包出嚟果陣，曉琳細細力拍我隻手。
「你俾我嚟你屋企瞓，今餐我請啦！」曉琳豪邁地説。
唉，好柒呀......
本身唸住扮唔肚餓，行多陣街先食......
點知個肚又出賣我......
而家仲要曉琳出錢......
「麥樂雞送到！」曉琳已經買完攞返返嚟。
我望一望個餐盤，上面除佐我個麥樂雞餐之外就冇其他野食。
「曉琳，你唔洗食野咩？」我問。
「唔洗啦！我唔肚餓。」曉琳説。
我個心愈嚟愈唔舒服。
俾曉琳拉入嚟食野，
結果佢又唔食野，
重點係要佢出錢。
心入面既內疚感愈嚟愈重。
跟住，我做佐一件連我都唔信既事。
「打開個口。」我説。
曉琳真係打開佐個口。
我拎起佐一舊麥樂雞，放佐落曉琳個口到。
佢食完之後先發現我餵佐佢食。
「你......你做乜......餵我食呀......」曉琳緊張地説。
「你反應太遲頓啦......」我無奈地説。
其實我都感到驚訝，點解我會有勇氣餵佢食野。
「咩......咩喎，自然反應嚟嫁，我都肚餓呀。」曉琳説。
原來佢都扮緊野......
我個心都算係舒服啲。
其實如果今次比賽贏佐會點？
我會叫曉琳做我女朋友，
然後因為未到中四，
出街睇戲食飯乜都要曉琳請，
萬一佢真係頂唔信，話我窮，
最後我地分手，
去到中四恢復身份，曉琳可能會因為我呃佢而嬲我，
最後連朋友都冇得做，
咁樣真係好咩？
唸下唸下，先發現呢個弊處。
究竟我應唔應該以「拍拖」作為我既勝利獎勵？
「喂！你再唔食就會俾我食哂嫁啦！」曉琳打斷我既思考。
我望一望餐盤，上面已經得返幾條薯條。
「我淨係食佐一舊麥樂雞同埋飲佐啖可樂咋......」我説。
「唔緊要啦！再買過咪得囉！」曉琳説。
「唔好啦！又要你出錢......」我説。
經過一番爭論之後，曉琳最終都係決定買多個麥樂雞餐。
男人同女人鬧交，永遠都係女人贏。
食完之後，我同曉琳去周圍既鋪睇野。
冇錯，淨係得個「睇」字。
曉琳離家出走，淨係帶佐幾百蚊。
而我？
帶佐五十蚊。
行過一間珠寶店果陣，曉琳眼定定咁望住一隻戒指。
戒指上面刻住月亮既圖案。
「點解呢到會有賣嫁？」曉琳驚訝地問。
「咩嚟㗎？」我不解地問。
「呢個係一個香港人設計既，香港獨賣，全香港淨係有4隻，上面刻住既有「風」、「花」、「雪」、「月」呢四款。」曉琳解釋。
「所以，係每一款得一隻？」我問。
「係呀！」曉琳説。
我望一望價錢。
$6174
「但係點解個價錢咁唔合理既？」我問。
「雖然係珍貴，但係始終都唔係鑽戒，幾珍貴都冇用啦。」曉琳惋惜地説。
「好容易整出嚟啫！」我説。
一個形狀普通既戒指賣六千蚊？
講笑咋？
「据説，戒指同戒指之間既距離少過十米，就會發出光芒，「風」之戒會發出綠色既光，「花」之戒會發出粉紅色既光，「雪」之戒會發出白色既光，「月」之戒則會發出淡黃色既光。」曉琳説。
唔怪得要六千蚊啦！
但我覺得如果真係有呢種技術，應該唔止呢個價錢囉......
「咁你都信。」我説。
「信不信由你，反正我信了。」曉琳説。
曉琳望住「月」之戒望到失哂神。
睇嚟曉琳真係好鐘意呢隻戒指。
等等先......有啲唔對路。
「點解你會知道呢款戒指既情報？」我問。
「嗯......我呀爸同我講既。」曉琳説。
「咁點解你呀爸會知？」我繼續問。
「呢款戒指係我呀爸個friend整既。」曉琳説。
「咁珍貴既技術，佢唔去申請專利，反而仲要賤賣呢隻戒指？」我問。
「我點知呀......」曉琳無奈地説。
-------------
如果我寫完呢篇故，
你地會想我下篇故寫咩類型？
P.S. 原本琴日就PO，結果唔覺意瞓佐。