女神話我考試排名高過佢 就滿足我一個願望: 第十六章-----曉琳離開

浩雪：
多謝你喺呢兩日嘅照顧，
但係我係時候要返屋企啦，我呀爸會擔心嫁！
記住要温書呀！今次係最後一次啦！
星期一見啦！
曉琳上

使唔使走得咁快呀，唔可以當面道別咩？

係喎！whatsapp雪彤叫佢返嚟先。



我：我個friend走咗啦

我：你唸住幾點返？

雪彤：嗯......

雪彤：今晚掛，今日同friend去玩。

我：ok



即係話今日得我一個喺屋企啦......

明明平時得我一個果陣，我會好開心。

但係我而家居然會覺得寂寞。

曉琳嚟住咗一日半啫，我就好似一定需要佢先得。

我承認，一開始我係唔想追曉琳。



所謂比賽都只係hea佢。

但係呢一年嚟，我地一齊玩嘅時光開始令我改變。

我開始鐘意咗佢。

我要贏個比賽，我要同曉琳拍拖。

呢個唸法已經種喺我嘅腦入面。

我梳洗完之後，就沉淪喺書海之中。

到我温完最後一本書果陣，先發現而家已經係夜晚十點。



原來已經咁夜啦......

「咕......」我個肚因為餓而響。

我唸住入廚房攞個杯麵出嚟，點知啲杯麵一早已經俾我食哂。

頂......好肚餓......

我瞓落張床到，希望可以快啲瞓着。

「喀嚓。」開門嘅聲。

我行出房門，見到雪彤企咗喺屋企門口。

「咦？返嚟啦？」我問。



「係呀。」雪彤説。

「我好肚餓呀，煮啲野俾我食得唔得呀？」我哀求。

「下？一返嚟就點我做野？好啦......」雪彤説。

跟住佢入咗佢間房，攞咗兩個杯麵出嚟。

「點解你間房會有杯麵？」我不解地問。

「後備存貨。」雪彤答。

「......」



食梗杯麵果陣，我同雪彤傾計。

「係呢？你去咗邊個同學屋企瞓呀？」我問。

「希晨屋企囉。」雪彤説。

「咩話？」我驚訝地説。

唔係掛？去個男仔屋企瞓？傻咗呀？

「有咩大不了啫！我地分房瞓㗎！」雪彤説。

咁都好啲......

但係我咁驚訝做乜？



明明曉琳琴日都喺我屋企住。

「食完好瞓啦！聽日仲要返學嫁？」雪彤説。

「係......」我沒精打采地説。

食完之後，飯(麵)氣功心，我即刻上返張床瞓教，好快我就踏入夢鄉。

「那動人時光，不同常回看......」手機鈴聲響起。

雪彤一如既往比我早回學校，我望向飯枱，上面放咗一碗通心粉。

佢啲野食究竟喺邊到嚟嫁......

食完之後，我就施施然行去學校。

「喂，呀雪，聽講你同曉琳出街喎！」身後有一道聲音響起。

我驚訝地轉身，見到張家樂喺我後面。

「你點知嫁？」我問。

「王銘然同我講嘅，佢話你地攞住幾個膠袋唔知行去邊。」張家樂説。

咁都見到？

「咮.....細聲啲啦！」我説。

「係真㗎？」張家樂問。

我尷尬地點頭。
------------------
yay,終於考完試啦！
science難到喊出嚟。
嚟緊可能會多返啲更，
如果你地仲考緊試嘅話記得温書呀！