女神話我考試排名高過佢 就滿足我一個願望: 第二十六章

雖然曉琳係笑返下，但係我喺佢臉上仍然揾到一絲愁容。

而且我有直覺，佢嘅愁容係因為我。

究竟點解會咁，係咪我唔記得咗啲乜野……

好頭痛呀！

「雪雪，你冇事吖嘛？」曉琳擔憂地問。



「冇事，唸緊啲野啫……」我答。

「唸緊咩呀？講嚟聽下？可能我幫到你呢！」曉琳説。

「唔使……」我説。

「雪雪，其實呢……我之前俾呀爸禁錮嗰陣，佢好似喺我身上攞走咗啲野，而家好似喺你度，可唔可以俾返我？」曉琳説。

嗯？呢樣唔通就係我唔記得咗嘅野？



但係係咩嚟㗎……

「係咩嚟㗎？」我問。

「你唔記得就算啦……等你記得之後先俾返我啦。」曉琳説。

究竟係咩……原本係曉琳嘅野而家喺我到？

點解我咁蠢㗎！



「終於食飯啦！」班上啲同學大嗌。

我望一望個鐘，原來已經十二點半。

曉琳唔叫我嘅？

我望向曉琳，原來佢仲瞓得霖過我。

俾佢慢慢瞓啦，順便幫佢買埋午餐。

我落咗小食部買咗四份三文治，上到去嗰陣曉琳就醒咗。

「嗯……雪雪你做咩唔叫醒我呀？」曉琳問。

「見你瞓得咁霖，費事嗌醒你啦。買咗三文治俾你呀，趁熱食啦。」我説。



「多謝哂。」曉琳説。

曉琳極速吞咗兩份三文治後，意猶未盡咁望住我手上嗰份三文治。

唔記得咗呢條友好大食添……

「，知你食唔飽㗎啦，俾多舊你啦！」我説。

曉琳笑住咁搖一搖頭，攞起一舊三文治，然後撕開做兩份，遞咗份俾我。

「衰人，我食哂嘅話你食咩喎……」曉琳咬着唇説。

我又點捨得你餓親喎，我遞返俾佢。



佢猶豫不決咁望住舊三文治。

「打開口。」我説。

曉琳打開口，疑惑咁望住我。

我將舊三文治放喺佢個口到。

佢紅住面咁將舊三文治吞咗。

「做……做乜餵我喎……」曉琳紅住面説。

「我點捨得令你餓親喎。」我説。

「口花花……」曉琳説。



最多我放學之後先食野，餓幾個鐘應該冇問題。

下晝嘅課堂就喺我同曉琳打情罵悄嘅情況下完結。

「行得未呀？」曉琳問。

「行啦。」我説。

「陪我去掃街吖！我又肚餓啦。」曉琳説。

「為食妹……」我無奈地説。

「咩喎，你又唔係冇份食！」曉琳説。



「行啦行啦，等陣有排先買到呀。」我轉移話題。

我地急急腳行去啲街邊檔，但係已經好多人排緊隊。

「食咩好呀？」曉琳問。

「分開買啦，買完之後喺後面啲櫈到等。」我説。

「ok！」曉琳説。

跟住曉琳就去咗排一檔賣魚蛋燒賣嘅檔，我就去咗買炸物。

當我攞住一堆炸雞，墨魚咀去到後面啲櫈嗰陣，曉琳已經坐咗喺到食緊。

「你買咗啲咩呀？」曉琳問。

「you see?」我説。

「俾啲我食吖！」曉琳説。

「你買咗咁多野食仲問我拎？」我望住佢身邊十幾個膠袋説。

「嘻嘻……」

「Sir? May I take a photo with you and your girlfriend?」突然有個攞住相機嘅外國人問。

「Sure!」曉琳説。

「認真咩……」我説。

「冇所謂啦，影幅相啫。」曉琳説。

我同曉琳拖住手行去個外國人面前。

「3,2,1, smile!」

「喀嚓！」

「Thank you!」外國人説。

「You are welcome!」我説。

多謝你免費幫我地影相就真！

食哂啲小食之後，我地就行返屋企。

「好飽呀……」我説。

「ok啦，我仲想食多少少。」曉琳説。

「你個胃……究竟係用咩構造㗎……」我説。

「嘻嘻……唔知呢！」曉琳説。



「送我到呢到就得啦，費事呀爸見到你之後唔開心啦。」曉琳説。

「好啦，咁我走先啦。」我説。

我對住佢個嘴輕輕錫咗一下，佢塊面即刻紅哂。

「拜拜……」曉琳害羞地説。
----------------------
現實嘅曉琳今日生日
Happy birthday!
我淨係送咗粒糖俾佢
究竟林浩雪唔記得啲乜
P.S.粒糖自己整