女神話我考試排名高過佢 就滿足我一個願望: 第三十四章

第二日返到學校之後，走廊再冇出現人潮。

「今日咁靜嘅？」方野吉問。

「唔好咩？」我反問。

「好……但係覺得有少少怪啫~」方野吉說。

「問下岳希晨咪得囉。」我說。



然後我地喺岳希晨嘅口中得到了答案。

「唔知喎，可能有條友幫我拖掛……」岳希晨說。

所以因雪彤而引起嘅風波就淨係維持咗一日。

~兩個月後~

「接住啊仆街！」成班開始熟，開始出現久違嘅飛樽情況。



「屌你班友仔唔好再擲我個水樽呀！」

然後有個同學一時失手擲咗去門口到。

咁啱呢個時候張老師開門入嚟。

張老師面對住呢個飛緊過嚟嘅水樽，完全唔緊張。

佢不快不慢咁捉住個水樽，然後再將個水樽拋俾佢嘅主人。



「好啦好啦！大家靜啲，我有野要講啊！」佢完全冇要鬧擲水樽嘅嗰位同學先嘅意欲。

「我地下個禮拜……去旅行呀！」佢聽落好興奮。

「下………」全班哀嘆。

「唔好咁嘅樣啦~旅行好好玩㗎~」張老師遊說我地。

唉……

年年秋季旅行都咁悶，邊有人會去呀？

「今年我地去沙灘喎~」張老師繼續遊說。

班上面繼續傳出哀嘆聲。



「咦？唔係喎……」同學A說。

「做咩呀？」某人問。

「去沙灘嘅話我地咪可以見到雪彤着泳衣嘅樣囉！」同學A說。

「有比堅尼少女睇呀！」邊緣人黃家明大叫。

全班沈默咗兩秒。

「呃……我係咪……講錯咗啲咩呀……」黃家明說。

「呢個提議……」同學B說。



「實在係太好啦！」同學C說。

全班同時歡呼。

秋季旅行點會有人着比堅尼呀……

唉算，費事令你班hihi掃興。

張老師都冇講到個事實出嚟，只係好興奮咁講：「就咁話啦！聽日交六十二蚊返嚟。」

「下？點解呀？」同學A問。

「去旅行唔洗錢咩？你地唔係以為學校會咁好人呀？」張老師說。

呢句話實在太有道理啦，我竟無言以對。



「六十二蚊啫~聽日收得哂㗎嘛~」張老師說。

「應該啦……」全班無力地答。

「啱啱唔係好精神㗎咩？宜家咁頹廢嘅？」張老師說。

「講錢傷感情呀……」方野吉說。

張老師眉頭一皺，然後說：「班會主席，聽日幫我收齊啲錢，收少幾多你就俾返幾多。」

方野吉塊面開始變得鐵青。

邊有可能聽日可以收齊呀？



「張老師……」方野吉弱弱地說。

「唔洗再講落去啦，總之聽日放學前將啲錢交俾我。」張老師語氣冰冷地說。

「係……」方野吉無奈地說。

落堂鐘亦都喺呢刻響咗。

「好啦落堂啦，你地走啦。」張老師回復返佢慈祥嘅聲線。

全班靜哂咁出哂去。
--------------------------------
好啦我返到嚟啦~
其實5號已經返咗黎
只不過未打哂

P.S. 其實呢更係琴晚嘅，但係我唔記得咗po