女神話我考試排名高過佢 就滿足我一個願望: 第三十五章

話咁快就去到秋季旅行，成班同學異常地興奮。

「終於等到呢一日啦！」黃家明說。

周圍嘅男仔附和。

我地班嘅女仔用一個鄙視嘅眼神望住佢地。

「成班狗公！」程清晴鄙夷地說。



程清晴俾人無視。

成班男仔繼續圍住黃家明傾計。

黃家明難得展示咗一個真誠嘅笑容。

咁又係嘅，一個邊緣人俾人重視嗰時，就係佢最開心嘅時候。

雖然佢好快就會繼續邊緣。



搭咗一個鐘頭到嘅車，終於到達目的地。

班男仔一放低個袋就衝去沙灘。

「女神呢？女神喺邊呀？」同學A說。

「女神呀！你令我地神魂顛倒，令我地朝思暮想，你究竟喺邊呀？」同學B大叫。

「收爹啦垃圾！」程清晴說。



「幾時先開始落水呀？我忍唔住啦！」佢地繼續無視程清晴。

黃家明直接走咗去問張老師。

「張老師，我地幾時先可以落水呀？」黃家明說。

「我有話過落水咩？」張老師訝異地說。

成班男仔呆哂 。

「嚟沙灘唔落水咁做乜野？」同學A問。

「BBQ囉，個爐喺上面呀。」張老師輕鬆地說。

班男仔哀叫連連。



「我嘅幻想……破滅啦！」同學A說。

「呵呵……話咗你地㗎啦！邊可能會着比堅尼俾你地班鹹濕佬睇呀！」程清晴說。

成班男仔即刻怒啤黃家明。

「你……你地唔好咁樣望住我啦……郭稀維講先㗎！」黃家明試圖將責任推卸俾郭稀維，即係同學A。

成班男仔繼續啤住黃家明。

郭稀維就好似置身事外咁，企喺外圍食花生。

唉我都冇眼睇啦，去搵曉琳傾計先！



我行咗去A班嘅集隊位置，但係就見唔到曉琳。

「你搵緊邊個呀？」一對柔軟嘅手蓋過我對眼。

「冇呀~我可愛嘅女朋友唔見咗呀~你有冇見過佢呀？」我問。

對手嘅主人將手放開，然後跳到我面前。

「你係咪搵緊我呀~」曉琳說。

「係呀~」我捏住曉琳的臉蛋說。

「搵我做咩呀~」曉琳問。

「冇~見悶咪搵下你傾計囉~」我說。



「咁㗎咩？即係你一有野玩就唔理我啦？」曉琳不悅地說。

「唔係~冇啲咁嘅事！」我說。

「信住你先啦~」曉琳說。

「學校等間會唔會派食物俾我地燒㗎？」我問。

「應該會，如果唔係點會收我地六十二蚊呀~」我說。

「你啱。」我說。
------------------------------
暑假日更計劃正式開始，
雖然我覺得我好快就會放棄