女神話我考試排名高過佢 就滿足我一個願望: 第四十五章

「附近有咩野食？我都唔知呀，周圍行下先啦。」雪彤說。

「下？你唔係睇咗好多旅遊雜誌㗎咩？」我問。

「我邊有呀……」雪彤說。

「我之前見到你瞓喺床上面睇㗎。」我說。

「嗰本……嗰本唔係旅遊雜誌嚟㗎！」雪彤紅住面說。



「咁係咩嚟㗎？」方野吉好奇地問。

「唔……唔關你地事呀！」雪彤說。

之後佢就一支箭咁跑走咗啦。

「你知唔知佢咩料？」我問。

「知嘅話啱啱就唔洗問佢啦。」方野吉說。



「唔好理佢啦，我地自己行下睇下有咩野食啦。」我說。

我地行咗大約半個鐘到，依然搵唔到有乜好食。

當我地行到去M記嗰陣，我地不約而同咁停低。

「聽講……日本嘅M記啲薯條香啲喎。」方野吉說。

「咁不如……我地去試下囉？」我問。



「入去啦仲企喺到！」方野吉推我入去。

我地快快手咁喺M記買咗野食，不得不說，啲薯條真係好食啲。

雪彤去咗食咩我地就唔知啦，不過我地返到酒店之後，雪彤已經食完攤咗喺床。

「下晝去邊呀？」方野吉問。

「我唔出去啦，搭飛機搭到好攰。」我說。

呢個當然係大話啦，俾佢地兩個自己行下街啦。

果然，雪彤聽到之後就即刻同方野吉講話想一齊出去。

方野吉亦都即刻接受，佢地就出咗去啦。



大約十五分鐘之後，我都出埋去。

自己一個人去邊玩好呢……

周圍睇下風景算啦。