女神話我考試排名高過佢 就滿足我一個願望: 第四十四章

迅速搞掂完護照啲野之後，我就去買埋啲必需品。

薯片呀杯麵呀等等。

飛機起飛嗰陣係咪真係好似會俾野塞住咁？

飛機餐又係咪真係好難食？

我就好似一個問題兒童咁，不停問雪彤同埋方野吉問題。



「我點知呀……我都未搭過呀……」雪彤說。

「頂你你咁有錢都未搭過，我咁
窮就更加未搭過啦！」方野吉說。

ok you win.

好快就到咗上機嘅日子。

我地攞住一堆行李衝去機場。



「你兩個衰人，叫咗你地琴晚早啲瞓又唔聽，成晚喺到打機，宜家就嚟遲到啦！」雪彤邊跑邊說。

「方野吉叫我陪佢打機咋~要鬧就鬧佢啦！」我說。

我相信雪彤係唔會鬧方野吉嘅~

結果我冇估錯，雪彤只係怒啤咗佢一眼就繼續跑啦。

最後憑住主角光環成功趕得到。



「呼……總算冇遲到……」方野吉喘着氣說。

「你仲好講？」雪彤叉住腰說。

「我錯囉……」方野吉說。

「快啲去登記啦仲講！」我說。


有驚無險地上到機。

飛機飛上三萬尺高空，我坐喺窗邊望住窗外嘅風景。

雪彤同埋方野吉坐咗喺我隔離傾計，我完全俾佢地無視。



仲話你兩個唔係拍拖？

我就一直望住窗外嘅風景直到落機。

「終於到日本啦！」方野吉伸住懶腰說。

「我地去酒店登記先啦。」雪彤說。

我地訂咗一間單人房同埋一間雙人房，雪彤當然係住單人房啦。

「浩雪，晚餐食咩呀？」方野吉問。

「點知咩……呢啲野緊係交俾雪彤啦！」我說。



雪彤喺臨出發前不停睇關於日本嘅旅遊書，所以佢宜家應該好熟啲地方。