獨自一人返到酒店,獨自一人去食晚餐。

雪彤同方野吉又一齊去撐檯腳。

曉琳又奇奇怪怪咁,道別都唔同我講。

我開始覺得我唔應該嚟日本。

算啦,聽日再搵曉琳啦,可能佢今日真係太攰呢。



~第二日~

我起身嗰陣,方野吉已經出埋去。

即係又得我一個啦……

睇下今日曉琳得唔得閒先。

我:今日出唔出去呀~



單剔。

過咗半個鐘之後,曉琳先上線。

曉琳:好呀~

我:咁等間邊到等呀?

曉琳:XX酒店你知唔知喺邊呀?



我:咦?你住呢間㗎咩?

曉琳:係呀做咩呀?

我:我都係住呢間喎(笑喊)

曉琳:咁半個鐘之後喺大堂等啦。

我:咁等間見啦。

然後我就用一個極快嘅速度換完衫出去。

終於唔洗獨自一人啦,呢排見到雪彤同埋方野吉放閃好鬼辛苦。

「我地今日去邊到行呀?」曉琳問。



「去睇櫻花啦,上次都冇點留心啲。」我提議。

「你話點就點啦~」曉琳說。

我地行返上次淨係行咗一半嘅櫻花小徑。

櫻花喺我地嘅身邊飄散,不時有花瓣飄到頭髮上面。

其實有好多情侶都行緊呢條小徑,我地只係比較甜蜜嘅一對。

「櫻花真係好靚呀……」曉琳說。

「唔靚就唔會咁多人睇啦!」我說。



「時間過得真係好快呀~」曉琳感嘆。

「光陰似箭,日月如梭嘛~」我說。

「係呀~」曉琳說。