女神話我考試排名高過佢 就滿足我一個願望: 第四十八章

「雪雪，我地識咗幾耐啦？」曉琳問。

「三年。」我不加思索地說。

「仲記得有條傻仔同我打賭，然後輸咗喎。」曉琳說。

「邊個估到你成績咁勁啫。」我苦笑。

「哼！洗乜講！」曉琳輕佻地說。



「話時話，當初點解你會同我打賭嘅？」我問。

「嗯……唔話你知，等你心思思！」曉琳說。

「唔講就算啦，我都唔係好想知啫~」我說。

「差唔多行完啦喎，我地之後去邊呀？」曉琳問。

「食完午餐之後，我地去行下街囉~」我說。



「好呀，咁我地宜家去食飯啦。」曉琳說。

我地求其去搵咗間野嚟食，曉琳唔知點解好熟日本啲路，最重要嘅一樣野，係佢居然識日文！

結果我成程路都只係企喺曉琳後面。

「乜你有學過日文㗎咩？」我問。

「去旅行前兩個禮拜學㗎。」曉琳說。



淨係學兩個禮拜就講得咁流利？

你玩我咋哇？

結果成個下晝都係由曉琳帶路。

大部分時間都係用嚟睇衫，不得不說，曉琳真係好識襯衫，佢揀嘅衫都可以好完美咁突顯佢身體嘅優點。

但係佢之後一件衫都冇買過。

「啲衫幾靚呀，做咩唔買呀？」我問。

「屋企已經有好多衫啦，再買就冇位擺啦。」曉琳說。

「你屋企會冇位擺衫咩？」我說。



「唔知呢~」曉琳說。

「曉琳，你呢排好怪呀。」我說。

「點解咁講呀？」曉琳問。

「我感覺……我地嘅距離好似拉遠咗。」我說。

「幻覺嚟啫，我地都係咁甜蜜呀。」曉琳說。

之後佢加大咗捉住我隻手嘅力度。

「希望係咁啦。」我說。



曉琳……

「我地食完晚餐之後就返去啦好冇？」曉琳說。

「好啦，你帶路啦。」我說。

我地簡簡單單咁食完晚餐之後，就返咗酒店。

但係我確確實實感覺到，我同佢之間嘅距離……真係遠咗。