[真人真事][校園][純愛]緣定·十年前: 第二十七章

我地坐左喺公園啲櫈度,
呀雪:「丁仔呀,我覺得一對情侶要互相坦白,你覺得呢 」
我:「都啱嘅,有啲野成日瞞住瞞住都唔係辦法 」
呀雪:「既然你都咁講,我想同你講啲野 」
我:「做咩咁認真呀,無論你做錯咩野我都唔會話你架啵.」
呀雪:「唔係咁呀.」
我:「咁咩事要咁認真呀 」
之後呀雪同我講,
其實佢天生係有一個病,
至於咩病就唔公開喇,




唔想俾人起底,
各位巴絲請見諒
佢個病喺佢細細個嗰陣就影響得佢比較大,
導致佢身體比較弱,
嗰陣佢個病情比較嚴重,
到佢慢慢大個,
抵抗力好左就好啲,
病情亦開始冇咁反覆,
同平常人冇分別,
可以做運動,亦唔使話要特別戒口,




只係血色冇咁好(唔怪得佢白得嚟咁青啦)
但每個月要搵一次醫生做檢查,
觀察個情況,
之前佢有一日冇返學(我去佢屋企樓下俾包朱古力奶佢嗰次),
就係要去搵醫生,
佢搬嚟我呢區亦因為係個病嘅關係,
事關醫生話空氣好對佢個病有幫助,
所以成家都搬左嚟呢區,
而唔係之前講嘅就佢爸爸返工,
聽完之後真係呆一呆




個腳一下子轉唔到
原來件事係咁......
我:「咁我同你算唔算有緣?」
呀雪:「咩呀?」
我:「原本大家應該唔會接觸到,
竟然因為咁而認識,
最後仲拍埋拖 」
呀雪:「你咁講即係話多得我有病先識到我啦 」
我:「唔係唔係.」
呀雪:「但你個意思係咁喎 」
我:「真係唔係.」
睇嚟我都係唔啱講哩類說話
之後我送佢返屋企,
途中問佢,
我:「呀雪你幾時生日呀?」




呀雪:「做咩無啦啦咁問 」
我:「識你咁耐都冇問過你,
做人男朋友連女朋友幾時生日都唔知,
好似唔係咁啱 」
呀雪:「係得你咁搞笑先唔問人姐,
8月20呀傻佬 」
我:「上年都冇同你慶祝添.」
呀雪:「嗰陣你都未識我.」
我:「又係喎.」
呀雪:「今年你走唔甩架 」
我:「成個人俾你又點話 」
呀雪:「唔要 」
我:「真係唔要 」
跟住我地喺條街追逐,
呀雪:「好攰呀.」




我:「係喇,點解你唔返我幾時生日嘅?」
呀雪:「因為我知囉 」
我:「莫非你有神算 」
呀雪:「唔係喎,
我之前叫呀婷睇你本手冊咪知 」
我學校本手冊有埋生日日期,
我:「原來你咁進取,
幾時嘅事 」
呀雪:「唔知呀唔知呀 」
我:「講啦.」
呀雪:「唔知呀唔知呀唔知呀 」
玩玩下又返到去佢屋企,
我:「拜拜 」
呀雪:「傻仔你好似有啲野未做喎 」
我:「咩野?」




呀雪:「諗下啦 」
霎時間叫我諗點諗呀......
呀雪:「睇你都諗唔到架喇,過嚟啦 」
我:「哦.」
之後佢一野咀左嚟我塊面度,
我成個人唔識反應
好似雪凍左咁,
原來俾人錫係咁嘅
呀雪:「下次記住喇 」
之後佢成支箭走左,
好,
今晚一於唔洗面

返到屋企呀余即刻搵我打機,
呀余:「咁耐先返,得左啦下話 」




我:「有時真係不得不佩服你條勁樣啲眼光
好準 」
呀余:「話左架啦,得你睇唔到 」
我:「有單野我想同你講,
但唔好話俾其他人知 」
呀余:「得啦.」
我同佢互信個程度好高,
有啲秘密我叫佢唔好公開,
又真係冇其他人知,
當然你可以話佢都有公開,
只係叫其他人唔好講,
但我選擇信佢
同樣地,
佢爆料俾我知我都冇同其他人講
之後我講左俾呀雪啲野俾佢知,
呀余:「估唔到係咁.....」
我:「我喺佢面前梗係扮冇野啦,
但又點可能會冇事,
講緊一個隨時死人嘅病喎 」
呀余:「我都知,
向好方面睇,
起碼你見佢依家情況穩定 」
我:「都係嘅.」
呀余:「冇人知聽日會點,
唔使諗咁多,
盞自己煩 」
打完機夜晚訓覺嗰陣諗,
究竟我地行唔行得遠呢,
唉算啦,
都係見步行步啦