男校生活史･回到起點: 第五章 班主任

娘娘呢一個詞, 都唔知幾時開始係我腦海入面有嘅。

左講右講, 每日返學嘅日子其實都係咁樣。

「今日放學要開會呀?」有個中三嘅紅會Committee走過來我身邊問我。

我猶疑咗一陣, 因為佢唔講, 我都唔記得咗今日要開會。

「你話呢? 梗係要啦! 有冇book房呀你?」

佢點點頭示意。

番到入學校, 我第一眼就見到我班主任馬Sir企左係Canteen, 仲要望住我地幾隻野, 我開始心感不妙。

「敏少！呢排撈得好好喎！」我好奇想，夠竟發生咩事……

「敏少敏少wowowowowwww……」又係幾個白痴既所為。

「你D活動加埋1日24個鐘都唔夠你用啦!」

佢攞起左份類似宣傳單張既物體, 我行埋一睇……大獲！又比人發現在我參加多個活動。

我一向都好中意乜野活動都攪下既，我都承認自己太多活動，不過有野係手玩下感覺舒服D, 唔需要死背書。

「我覺得呢個活動……對我通識有幫助，更何況有學校資助，咁對我無壞處呀，當然要試試」我尷尷尬尬咁講咗出口。

「黃俊敏, 你要記得一樣野, 呢個世界你有千千萬萬樣野想做, 但你仲有一年就考DSE, 你真係唔緊張?夠竟邊一件事重要D你分清楚未？」

佢真心憤怒咁講。

「你鍾意social無人唔比, 你自己想下, 你雖則有好多活動係手, 但當你考唔到3322既時候, 你就算有幾多幾多OLE (other learning experience)都無用。」

「個個學會都話想留住你架啦！你夠出色呀！佢地留得你咪可以小D膽心, 但決定權係你手上呀, 你要握緊信念呀！如果信念一鬆, 咁就無, 真係無啦。」

佢講完呢堆說話就放左我走，臨走前仲叫我認真思考一下。

我聽完馬sir講，就回想起今朝早上既一番說話。

夠竟有活動係手係咪代表一切？呢一樣野我都好肯定咁答自己, 唔係。講真，讀書邊會有人鍾意架，但係大家讀得咁辛苦都只係為左一張「入場券」。

我好理解同學對我既睇法。係人地眼中, 我就好似靠旁門左道去入大學，但係我眼中，有幾多人知道我做咁多活動，上到咁高位置，係點樣得手，唔通又係運氣？

大家既想法或者可以理解成「以後你就買六合彩中過世啦!」。

其實我思考左咁耐，我都好想問，夠竟邊個話過我3322就入到大學……

我份人真係好容易就胡思亂想，一唔小心就令到自己亂得糟糕。

但無可否認，呢D學會我都放左好多心血，我亦唔希望話走就走, 始終好多美好既回憶都係從此而生。

現在，我只能講一個字 「亂」。

<故事待續......>
------------------------------------------------------------------------------------
Sorry ah各位遲左一日，請見諒!
如果大家覺得好睇就留個言啦! 支持一下小弟~​

26/12/2016: 第六章