<測謊眼>唔洗呃我啦，我一眼睇得出你係唔係處女: 37
Vision 037 權限「請問咩又係二級權限呢？」我對不斷出現的新名詞開始有得不耐煩。「異瞳會有一個網上資料庫，唔同分部既人都可以透過自己既帳戶睇到唔同既資料，例如一啲參考書同文獻，以往既任務紀錄同作戰計劃等，根據唔同權限可以睇到既野都有唔同。分部長級既人會有一級權限，以我所知總共有六個，分部幹部既人係二級權限，新入會既人過左一個月之後就會自動拎到最基本既三級權限。」「所以有二級權限既人其實有好多個啦，要查都真係無咁易。」我知道Braco算是幹部級人馬，所以他應該也有二級權限。「不過翻查資料庫既人會留低紀錄，所以我地只要Check下有邊個睇過相關既文件應該就可以縮小調查範圍。」「咁你仲唔快啲去查？」「如果可以查我一早查左啦，只有高一級權限既人先可以睇到低一級既人既紀錄，二級既我係check唔到同樣係二級既紀錄，更加唔好講話一級同特級。」「乜原來仲有特級架咩？」「有呀，歷任會長同現任既都有特級權限。」「咁所以我地係咪要去拜託有一級或者特級權限既人？」Braco點一點頭。 「異瞳會有五個分部，非洲、亞洲連大洋洲、歐洲、南美洲仲有北美洲。每個分部既部長都有一級權限，不過我同佢地都無乜交情，未必可以拜托到佢地幫手。」「你唔係話有六個人有一級權限架咩？」「仲有一個係總部既秘書。」「咁咪姐係Icy？」「係呀，不過我諗都要諗下計仔先可以叫到佢幫手。」「點解咁講？」我發覺我真的是個問題少年，而Braco就好像無所不知一樣。「因為我之前其實問過Master叫佢幫手查，不過佢拒絕左我，而Icy一向都好聽Master既說話。」「Master點解會拒絕你既？佢唔覺得今次既事件好奇怪架咩？」「呢樣野你就要問佢啦，話唔定今次既事件另有隱情。」Braco若有所指的說道。這讓我懷疑Bracco與Master是不是有甚麼牙齒印，不過他沒有多提我也不便問下去。「或者Icy未知你問左Master呢？」「但係如果我去問既話佢一定會問我有無問到Master，到時我都無辦法否認啦。」Braco突然用期待的目光望著我。「所以，而家既方法就係等我去問Icy，因為我根本就無問到Master所以就可以避開呢個問題啦。」「無錯，所以今次就靠你。」「不過...」「你擔心語言不通既問題？唔洗驚啦用英文都一定溝通到。」Braco只是說出了較次要的擔心事項。我在想的其實是我已經欠下Icy一個人情，要再拜托她幫忙一定要先展現更多的誠意。