[有沙入眼]是咁的，我覺得我住嗰度有啲唔妥: 26鑿牆聲

是咁的，我覺得我住嗰度有啲唔妥。唔知住我隔離嗰條友有乜問題，成日喺度唔知鑿咩搞到「咯咯咯」咁聲。

大家都知公屋牆身同地板隔音功能幾差，所以啲聲真係好響，有幾次嘈到我燥底我就向牆大叫屌佢一鑊，但係鑿牆聲都係無停過。

我有試過頂唔順走去拍門，但條友無開門，淨係繼續鑿。我甚至懷疑過佢係殺咗人，要處理屍體先搞到咁嘈。

「咯咯咯。」今日翻到屋企，又一如以往聽到條友嘅鑿野聲。

「頂你個肺。」我入咗屋之後又出翻去，狂搖佢度鐵閘，拍佢門：「日撚日鑿，拍硬檔幫幫手，比幅牆抖吓啦屌你老母！！！！」



以前一直懶理我嘅鑿牆聲，竟然停咗。