[有沙入眼]是咁的，我覺得我住嗰度有啲唔妥: 31肥佬

我靈機一觸，見到隔離屋都無閂鐵閘，於是不停拍佢門：「有無人呀？救命呀！」

見無人應，我又諗翻可能要勞煩吓佢伯母，佢先會應，但搵人救命仲屌人老母好似唔係咁好⋯⋯唔理喇！命仔緊要！

「救命呀屌你老母鑿牆佬！幫我呀！」

身體一寸一寸被拉緊翻去，鑿牆佬你救咗我我比你鑿穿我屋企幅牆都得！求吓你出嚟！

咔嚓。



開門嘅聲音。

我終於見到唯一嘅救星！

一個左手拎錐，右手拎鎚仔，頭髮半禿嘅四眼肥佬出現喺我面前。雖然話我無期待過係靚女或者肌肉男就假嘅，但大難當前都唔輪得到我揀救命恩人喇。

「救命！救命呀！」

「係咪有人呀？」肥佬托一托眼鏡，由左至右環視咗兩次，又問：「係咪有人呀？唔好嚇我呀⋯⋯」



唔通⋯⋯肥佬見我唔到？