[有沙入眼]是咁的，我覺得我住嗰度有啲唔妥: 61救出

衣櫃上嘅螢幕顯示出「clear」嘅字眼，螢幕好似玻璃咁破裂，靜止嘅白手好似快鏡播映嘅花朵咁迅速枯竭，失去皮肉化為骨灰。

空間破裂，回復到我啱啱入屋嘅狀態，頂住大門嘅雜物回歸原處。

四散嘅碎屑紛紛飛向我嘅傷口，血停止滲出，疼痛感慢慢退去。

原來系統會幫我補血，算製作組仲有翻啲人性。

當我開始有翻力氣之後，我發現雖然白手消失咗，但係手心捉住柔軟物體嘅觸感仍然殘留。



我重新企起身，緊握衣櫃入面嘅手，施力將佢拉出嚟。