嗰一瞬間,衣櫃表面濺起水花,我就好似將海入面嘅美人魚釣咗上嚟咁。「沙喇」一聲,海水將我淋濕,但轉瞬又乾翻。一個同我差唔多大嘅女仔撲倒喺我嘅胸懷之中。

純白嘅肌膚帶有少少病人嘅蒼白,修長嘅手臂掛喺我搏頭上,而發育完整嘅兩舊脂肪就同我胸口對到正一正。

順帶一提,雖然佢無著衫,但我對佢一啲反應都無,因為如果啱啱嘅片段屬實,而共鳴成功代表我地喺現實生活有過共同回憶,咁依個美女應該就係我個妹。

佢慢慢抬起頭,淡啡色嘅及肩長髮有啲凌亂,深䆳嘅輪廓之上,一對大眼張開,望一望自己,又望一望我。

「你醒喇?」



「我屌你老母呀!!!!!!!!」

啪。