[有沙入眼]是咁的，我覺得我住嗰度有啲唔妥: 102我可以明白

我只係想，令最重要嘅人擁抱曾經嘅快樂回憶，但而家嘅植入技術無辦法幫到佢。

吳非凡聽完我靜靜嘅自白，無問我嗰個人係邊個。

「所以你做嘅一切，無商業利益可言。只係純粹為最重要嘅人，獻上自己最大嘅努力？」

我微笑，覺得佢知道我嘅動機之後，就會離我而去，所以我希望至少用笑容迎接我地嘅分別。

「或者⋯⋯我可以明白。」



意想不到嘅答案。

「你呀，明知道我有野暪住你，改良技術又係條燒錢哂精神嘅不歸路，咁都仲跟住嚟？」

「我諗總有一日你會話我知，所有嘅真相。但就算你暪我一世，我都會跟住你。」

「點解？」

吳非凡以微笑回應我：「因為你係依家嘅我，唯一擁有嘅視線。」