由嗰日開始,我就知道條路嘅磚頭,行一步碎一塊。

即使我咩都唔做,全世界只會有一個人會墮入不幸。

七十億分之一,微不足道嘅不幸。

但就算成功,都只可以為一個人帶嚟幸福。

七十億分之一,不足掛齒嘅幸福。



為咗一個人嘅幸福,獻上我嘅錢財、心機、時間同精神,值唔值得?我曾經自問過咁嘅問題。

但點解唔問自己,眼白白睇住最重要嘅人痛苦,就算知道有可能令佢幸福,仍然決定咩都唔做,忍唔忍心?

唔忍心。

我唔想試都唔試,就用「無可能」同「浪費資源」依啲藉口作為自己唔去努力嘅擋箭牌。

賠上一切,唔值。



但係為咗最重要嘅人,我想獻上自己嘅全部。

我只係,純粹想咁做。