[有沙入眼]是咁的，我覺得我住嗰度有啲唔妥: 105我想，記翻起你

但令依家嘅我無比痛心嘅係，我曾經決定為佢獻上全部嘅人，最重要嘅人到底係邊個，我竟然唔記得咗。

點解？點解咁重要嘅人我會忘記？

明明講過要記住，搏命烙印喺心中嘅嗰個面容，我依家已經連模糊嘅輪廓都無能力再描繪出嚟。

「阿金？唔好發呆喇！係咪就嚟又有恐怖野彈出嚟喇？」Lucy喺我面前揮手，將我嘅意識喺過去拉翻翻嚟。

「係咪你呀？」我好細聲咁問，但係Lucy聽唔到。



我最重要嘅人，係咪你呀？

我以為遺忘係Lucy唔知道我係佢哥哥，但原來所謂遺忘，係Lucy喺我面前，而我唔知佢係唔係我最重要嘅人。

即使係親人，無咗記憶嘅聯系，我地同陌生人又有咩分別？就好似，已經無愛情存在嘅情侶一樣，縱然相見，形同陌路。

「Lu。」

「Lu？」



「無野喇，我記唔起。」

「但記得起⋯⋯都只係得悲傷⋯⋯」

我起身，扶起Lucy：「就算悲傷，都仍然係我地嘅記憶。」

我想，記翻起你。