[有沙入眼]是咁的，我覺得我住嗰度有啲唔妥: 107阿婆再現

「嗰個咪係⋯⋯啱啱個阿婆？」

由於空間重置嘅關係，我嘅菜刀同Lucy無用過嘅生果刀都消失咗，應該係去翻屋企嘅廚房入面。

好喇，今次我地連自衛武器都無，點樣喺危急嘅時候保護自己呢？

如果阿婆好似之前咁放曱甴過嚟，我地兩個實死無生。

我同Lucy企喺走廊中心，但阿婆只係一路望實屋企前面個水錶，並無其他異樣。



原來係咁，之前係Lucy跑出走廊，所以當時嘅阿婆係屬於佢嘅恐怖體驗。但我淨化完豬肉佬之後，而家嘅阿婆係屬於我嘅恐怖體驗。

我嘅體驗入面，係畀阿婆襲擊然後斬斷手腳，將我整成一個BB咁樣。既然唔係Lucy嘅體驗，咁可以肯定阿婆今次唔會變曱甴。