[有沙入眼]是咁的，我覺得我住嗰度有啲唔妥: 122勾手指尾

細妹，係令我同媽咪甜笑嘅野，所以我鍾意。

咁如果，細妹奪走媽咪再次微笑嘅能力，我鍾唔鍾意佢好？

「你就嚟做哥哥架喇，要照顧妹妹，保護妹妹呀知無？應承媽咪咯喎。」媽媽纖細修長嘅尾指遞到我面前。

勾手指尾，應承你會照顧妹妹，保護妹妹。

勾咗就係，講過就算數。



如果做唔到就保祐我畀連環雷劈到屎為止。畀著我大個啲再同人勾手指尾，我實會講依句對白。

不過細個嘅約誓，唔需要懲罰，只要應承咗就夠。