[有沙入眼]是咁的，我覺得我住嗰度有啲唔妥: 123影子

而我忘記咗依個承諾。

或者應該話，我選擇性去遺忘應承咗媽咪嘅野，因為有好一段時間入面，我都好憎妹妹依個存在體。

無辦法照顧佢，亦唔想保護佢。

阿婆抱住喊緊嘅妹妹：「摸吓佢啦，佢係你細妹嚟架。」

我硬頸嘅性格，好細個已經成形，葬禮唔肯講永別又好，唔理自己個妹又好，甚至係我決定唔出手挽回嗰個背影⋯⋯



太過固執嘅人，連影子都係由遺憾組成。