[有沙入眼]是咁的，我覺得我住嗰度有啲唔妥: 128笑吓啦

喊咗數唔清嘅次數，開門嘅「咔嚓」聲成為星期六日嘅背景音樂，媽咪嘅身影始終無再出現過。

再見嘅時候，係喺葬禮。人生第一次嘅葬禮，妹妹不停喊，但出奇地，我竟然無喊。

可能係因為我已經等得太耐，等待到某一日，焦躁、憤怒同悲傷都沈澱，留低唯一嘅念頭只會係「想再見一面」。

願望係想某人翻嚟的話，淚腺會話畀你知，無可能架喇。當願望同現實互撞，拼發嘅水花，就成為源源不絕嘅眼淚。

但當願望成為單純想再見一面嘅時候，再一次望到離開咗嘅人嘅面容，微笑會取代眼淚。



已經係最後喇，所以，笑吓啦。