[有沙入眼]是咁的，我覺得我住嗰度有啲唔妥: 129火焰

啊啊，如果喺阿公嘅葬禮上，我可以記翻起依份感覺，大概就唔會有遺憾。可惜嘅係，記唔起就係記唔起。

諗通過嘅，會變到諗唔通。

人類需要歷史，提醒自身曾經犯錯，曾經改過。

人需要記憶，提醒自己曾經諗唔通，曾經諗通。

慢慢長大，我變得比任何人都重視記憶。但世界上最無奈嘅事，莫過於你愈重視一樣野，嗰樣野就愈能傷害你。



比任何人都希望唔好遺忘，但記憶本身就係火焰，燒得幾旺盛都好，總有熄滅嘅一日。

啱啱發生嘅事，回想嘅時候係十級火。一個月後再諗，已經係三級火。一年後再諗，已經淨低火舌。

十年後，可能得翻星火，又可能，連星火都無，只有無人清理嘅灰燼。

火終究會熄。

記憶終究會遺忘。



無可避免，無可奈何。