[有沙入眼]是咁的，我覺得我住嗰度有啲唔妥: 140Lucy嘅回憶

今次嘅我，成為咗幽靈咁嘅存在體，被捲入Lucy嘅童年回憶入面。

Lucy訓喺床上，半夢半醒之間見到眼前有兩條觸鬚郁郁吓。

「唔？」佢好奇咁用手篤向眼前嘅黑色物體，受驚嘅曱甴即刻逃走，但方向對正Lucy塊面，毫不留情咁撲咗上去。

Lucy即刻成個人醒哂，用手撥走佢，開始喊。

阿婆喺廚房伸個頭出嚟，見到Lucy喊哂口，即刻走埋去問佢發生咩事，Lucy就喊住指向畀佢撥落地嘅曱甴。



啪。

阿婆好快用拖鞋拍死咗。

「好喇好喇，無事喇，拍死咗喇。」

「嗚哇哇！好驚⋯⋯好驚呀嗚⋯⋯」Lucy跑去摟住阿婆。

「你訓個晏教都有大災難喎。」