「對唔住喇,又令你兩個⋯⋯咁辛苦⋯⋯」話題突然轉咗,阿婆望住我,但空虛嘅眼神更加似係望緊我身後好遠好遠嘅事物。

無盡嘅空虛之中,有難以察覺嘅一點懷念,彷似夜幕降臨嘅時侯,最遠嘅微弱星光。

可能得我一個察覺得到,依粒近乎無光嘅星星,入面埋藏咗一個遙遠嘅美夢。

「傻啦,唔辛苦。復發都無法家嘛。做咩無啦啦咁講?」

眼皮合吓,又張開:「勾手指尾⋯⋯諗翻你細個。」阿婆好似同自己講野咁:「嗰陣你仲好唔鍾意阿妹,話唔肯照顧佢。講咗一輪,你先記得自己應承咗媽咪嘅事。」



我就勾住你隻手指尾,拉你埋身邊,話無呃你膝頭哥唔食辣椒醬。

當時嘅我,對依段回憶完全無印象,而家嘅我,已經淚流滿面。