[有沙入眼]是咁的，我覺得我住嗰度有啲唔妥: 188向上向下
月曦難以置信咁望住我：「收集記錄？」
吳非凡講過主系統會記錄每個玩家嘅恐怖體驗，原來係記喺依一片海洋入面。
即係話依個遊戲嘅結構係由「例得村」同「海洋」兩層組成。跳出例得村之後跌入海洋，亦意味住我地無翻到現實世界。
我向上望⋯⋯就算游到上水面，都只係翻緊去第一層，如果係咁就應該⋯⋯
「向下游睇吓。」
月曦總算發現隻手一直畀我拉住，用力揈開：「我向上游。」
我再次捉住佢：「我知你仲好憎我，你要當我係陌生人就陌生人，但而家首要做嘅野係離開依度，同登出依個遊戲。」