[有沙入眼]是咁的，我覺得我住嗰度有啲唔妥: 206電影
雖然月曦對小說嘅刺激已經盲目咗，但喺「小說」之上仲有一個更強力，更容易感受恐怖嘅媒介。接觸到依個媒介，某程度上延遲咗月曦放棄恐怖故事嘅時間，亦延遲咗我接受現實嘅時間。
「跟住落嚟係播映，《午夜凶鈴》。」小學有一年暑假嘅某個夜晚，機緣巧合之下，訓唔著嘅阿公開咗電視。
嗰晚，tbb重播《午夜凶鈴》。
未訓嘅我聽到片名，知道係恐怖野，即刻帶月曦衝咗出廳。
亦因為咁樣，令我地認知到「電影」。
「咁鬼恐怖，咪睇啦伯爺公。」阿婆講咗句就發現我地兩個衝咗出嚟，又勸我地：「好恐怖架，訓啦你兩個。」
「我想試吓睇⋯⋯」
月曦附和我：「我都想睇吓。」
阿婆嘆口氣：「恐怖過鬼書好多架喎，他地真係睇？」
「唏，佢兩個想睇咪友佢地囉伯爺婆。」
「我想睇呀。」
「我都想我都想。」細妹舉手跳吓跳吓咁。
阿婆無我地咁好氣，笑住摸吓我地個頭︰「你兩個真係膽生毛。」然後就自己入咗房。
「過嚟過嚟，阿公攬住你地一齊睇，唔驚唔驚！」