[有沙入眼]是咁的，我覺得我住嗰度有啲唔妥: 210再陪我一次
曾經相交嘅線，已經分開咗，愈走愈遠。我停喺我地嘅交叉點，我留戀我地相交嘅嗰段時間，但你已經唔會翻嚟。
我一直都好鍾意感受恐懼嘅感覺，而月曦已經對感受恐懼無咗感覺。
如果係咁，我希望喺最後，為你送上只屬於我地嘅告別。
「總有一日，我會同你一齊喺戲院睇由我整出嚟嘅恐怖故事！」
就當係曾經陪我一齊鍾意過恐怖故事嘅禮物。
唔係希望令月曦回心轉意再鍾意翻鬼故。我只係覺得，反正月曦嘅興趣遲早會完全轉向海洋，與其要佢陪我繼續睇恐怖故事，倒不如以我創作嘅故事作結，然後放佢走。
唔駛再陪我喇，你去睇你鍾意嘅海洋啦。
但係，喺愛上海洋之前，可唔可以……再陪我一次？
就一次咁多，即使你已經無哂感覺都好，陪我睇我獻畀你嘅，屬於我地嘅恐怖故事。
「好呀好呀。係咪真架？」
「阿哥唔會呃你架。」
「咁我等你架喇。」
依個就係我最初嘅夢，亦係喺現實世界永遠再無可能實現嘅夢。