[有沙入眼]是咁的，我覺得我住嗰度有啲唔妥: 211多謝你

後來我雖然想帶月曦去戲院睇戲，但諗諗吓，都係想第一次喺戲院睇嘅恐怖片，就係自己親手製作嗰套，於是就一直無同佢去過戲院。

「哥哥。」

「嗯？」

「我地睇完你整嘅恐怖片之後，一齊去潛水好無？」

好，梗係好。

月曦都察覺到，我嘅夢想對我地兩個嘅關係而言，到底有咩意義。

「未睇哥哥整嘅鬼片之前，我唔會去潛水。我地睇完恐怖片，先一齊去潛水。」

多謝你，容許我為你獻上我嘅夢。

多謝你，喺愛上海洋之前，願意再陪多我一次。