失控性.行為: 第八節

「報警啦！」
「有冇搞錯！未經我地同意就影相！」
 
狗主們還在叫嚷著。
 
我和其他同事看著黃生，看看他究竟如何突破現時的困局。
 
「何小姐，我地影相係因為你地狗主唔聽我地既勸阻，帶你地既狗隻進入兒童遊樂場，你break 左我地既rules，所以我地要拍照做記錄。」黃生不溫不火的說著。
 
「咪住先！Break 左咩rules 呀？我今日同你地總經理通過電話，佢話當兒童遊樂場冇人既時候，我地絕對可以帶埋我地既仔仔落黎遊樂場玩既！」何小姐反倒歇斯底里的叫罵著。


 
我真的很討厭何小姐時常說自己的寵物作「仔仔」，狗就係狗，連最基本控制大小二便地方的能力也沒有的動物，還敢叫自己的狗作「仔仔」！？
 
「係咩？你同我地總經理傾過咩？我真係唔知喎！我只係知我係呢條村既經理，我絕對有權運用我既權力去限制不當人士使用兒童遊樂場。」黃生說。
 
「你……..你……..」只見到何小姐被氣得臉紅耳赤，我的內心不禁暗喜，「我唔理，你地總經理應承我，只要遊樂場冇人就可以用，我地而家就用俾你睇，睇下你點阻我地！」
 
何小姐說完後，其他狗主便跟著何小姐的背後一齊往兒童遊樂場方向行去。
 
「阿昇！同我帶埋其他同事截住佢地！」黃生一聲令下，保安部主管陳震昇和其他保安員急步的走上前阻攔狗主們進入兒童遊樂場。


 
場面十分緊張，我也很難相信管理處居然會作出如此「進擊」之行為。
 
「你地想點呀！」何小姐和其他狗主大聲地說。
 
「何小姐，你之前唔係講過如果有小朋友進入兒童遊樂場，你地就唔會入既？你睇下嗰邊。」黃生指著第五座的方向。
 
只見一個老人家正帶著一個小朋友往兒童遊樂場行去。
 
「何小姐，而家真係有小朋友要用兒童遊樂場，我希望如你之前所講盡快離開。」黃生說。


 
其他狗主不敢作聲紛紛望著何小姐，並等待她的指示。
 
「好呀！我講過如果有小朋友響遊樂場我地會走，不過你亦都唔好轉移視線，你叫你既同事偷拍我地，我要求你地即刻銷毀啲相片。」何小姐不忿地說。
 
「阿文，攞你啲相黎睇下。」黃生說。
 
我快速的為電話解鎖，並開啟電話內的相片，眾人的目光再一次集中在我身上。
 
「何小姐，唔好意思，睇返啲相，我既同事只係用相機影低一啲狗主不當咁使用兒童遊樂場，相片亦都冇特別咁拍攝個別業主，由於今次拍攝落黎既相片要報告俾業主委員會，而唔係拍攝黎私用，所以我地管理處係唔會銷毀裡面既相片。」
 
「好！你咁講我而家就去警局報警！」何小姐臉紅耳赤的指著黃生責罵著。
 
「冇問題，我隨時歡迎你地黎搵我。」
 


何小姐和其他狗主滿臉不快的離開了遊樂場。
 
「一早就唔應該響到放狗啦，都白痴既佢地！」
「今次真係管理處做得好呀！」
 
看著何小姐以失敗者的姿態離開，其他人見場面回復平靜之後，再一次出來「抽水」發表自己的意見。
 
我知道即使今次黃生以完美的表現去解決了今次的危機，可是，我知道整件事情並未完結。可以肯定的是何小姐今早的確已經聯絡了公司的總經理，並獲得其允許方會帶同狗仔進行遊樂場。
 
亦即是說，剛才黃生說沒有收到總經理通知是一個謊言，沒有依據總經理的指示，還有當著眾人面前落何小姐面。
 
我估計，很快何小姐和其他狗主便會作出更激進的行為。