我望住部電話...

條WhatsApp通知消失左無幾耐...

“噹” 手上部電話又響左一響...震左一震...

又係Sam哥Send黎既WhatsApp...

過左唔夠一陣...





“噹” 手上部電話又再響左一響...震左一震...

唔係…唔係一響...一震...

“噹 噹 噹 噹 噹”

係不停咁響...

“噹 噹 噹 噹 噹”





不停咁震...

“噹 噹 噹 噹 噹噹噹噹噹噹噹噹噹噹噹”

無停過...不停喺咁Send野過黎...

“噹噹噹噹噹噹噹噹噹噹噹噹噹噹噹噹噹噹噹噹噹噹”

咩料呀?





做乜係咁炸我呀?

我就打一打開個WhatsApp...睇下Sam哥Send D乜野過黎...

我一打開個WhatsApp,D Messagesssssssssss就停咁飛丫飛丫~係咁向上飛~

我立即撳一撳停...碌一碌返上去...

我睇到岩岩Send過黎既第一個Message係...

『你無事丫嘛?』呢句應該係我問你先岩喎...

跟住既就係...“係唔係發生左咩事?”...“可以講俾我聽”...“唔使咁唔開心”...“有乜唔開心都可以搵我傾訴”...“你唔會孤獨一個”...“我會一直喺你身邊”...“我隨事都會出現喺你面前”...“你只係無左個唔愛你既人 但佢就失去左個愛佢既人”...“可能有更好既正正等緊你”...

下面嗰D我都已經無興趣再睇落去...





乜料呀?

呢條友係唔係傻架?

我幾時要佢喺我身邊呀?

條友噏緊乜呀?

乜Q野你只係無左個唔愛你既人但佢就失去左個愛佢既人呀?

係唔係講緊我同阿Ken分開呀?

點解條友又會知我同阿Ken分開架?





我岩岩先喺Facebook轉返個狀況,佢唔係咁快就留意到丫化?

條友唔係真係咁變態走去廿四小時Mon住我個Facebook丫化?

係唔係痴線架?

呢個世界係唔係真係有咁既痴線佬架?

係唔係真係咁好彩又會俾我遇到呀?

唉...我都唔想理佢咁多…Lock返埋部電話...

可能你會覺得我好衰...

可能你會話:「人地都係想關心下你姐~」





關心?

要知道...俾一個鍾意既人煩,就叫做關心...

相反俾一個唔鍾意既人關心?就叫做煩...

所以我而家只會覺得Sam哥好煩...

怒炸WhatsApp就叫做好煩?

當然唔止啦~

一個煩人又點會只係用WhatsApp轟炸就會罷休~





“典 經 法 為邪定界 色 空 相 怎樣理解 解 亂置好與壞”

仲會打電話黎...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

你以為唔聽就無事?

“典 經 法 為邪定界 色 空 相 怎樣理解 解 亂置好與壞”

當然就唔係只係打一次...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

你以為兩次唔聽就可以令佢覺得無癮?

“典 經 法 為邪定界 色 空 相 怎樣理解 解 亂置好與壞”

當然就唔會咁簡單啦...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

“典 經 法 為邪定界 色 空 相 怎樣理解 解 亂置好與壞”

唔單止一次兩次...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

就算唔聽好幾次...

“典 經 法 為邪定界 色 空 相 怎樣理解 解 亂置好與壞”

一直都唔聽...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

一直由個電話響...

“典 經 法 為邪定界 色 空 相 怎樣理解 解 亂置好與壞”

一直由佢喪打過黎...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

佢都唔會放棄...

“典 經 法 為邪定界 色 空 相 怎樣理解 解 亂置好與壞”

佢都唔會死心...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

佢係唔會咁易死心...

“典 經 法 為邪定界 色 空 相 怎樣理解 解 亂置好與壞”

你絕對係唔會夠佢咁有耐性...

“生 死 似 斷橋敗瓦 真 假 似 水月鏡花 花 盡吐恩與義 乍愛變恨”

因為一個正常人係唔會夠痴線佬咁有耐性...

“典 經 法 為邪定界 色 空 相 怎樣理解 解 亂置”

所以我都係決定...

『喂?』聽一聽佢電話...

「詩琳!你無事丫嘛?我好擔心你丫!」Sam哥就勁緊張咁問...

『我無事...』我都唔知有乜咁大件事...

「你真係無事丫嘛?你真係OK丫嘛?你有事要講喎!」Sam哥仲係勁緊張咁...

『我真係無事...』而家似係你有事多過我有事囉...

「有咩事真係唔好收收埋埋喎!」Sam哥仲要繼續勁著緊咁...

『我真係無收收埋埋...』講真嗰句...我都唔明點解硬係有人會覺得失戀既人想靜靜地一個人靜下就係收收埋埋...

總係要你講出黎...講俾佢聽...

講俾你聽又做乜春呢?

你估你真係撒瑪利亞防止自殺會咩?!

「咁...咁不如我陪你出去行下丫~」Sam哥又勁積極咁既語氣...

『下?唔喇...』我都無話要你陪...

都話左呢D時候好多時都會想自己一人靜下咯...

「唔係呢~出黎行下散下心,個人都開心D架~」Sam哥成個撒瑪利亞防止自殺會D社工咁既口吻...

『我全家都好幸福喎...』而家無咁易架喇葉師傅...

「唔係呢~我真係得閒架喎~可以陪你架喎~」Sam哥窮追不捨咁...

『真係唔使呢...』我幾時有話過你唔得閒姐?

係我唔使你陪咋嘛…

「唔係呢~出黎行下散下心真係好好多架~」

『真係唔使呢...』好鬼煩...

「唔係呢~信我啦~呢D時候最好都係有個人喺身邊陪下架~」

『真係唔使呢...』好鬼死煩...

「唔係呢~一個人屈埋屈埋好負面架~」

『真係唔使呢...』真係好鬼死煩...

「唔係呢~多個人喺身邊都會開心D架~」

『真係唔使呢...』煩...煩...煩...煩...煩...煩...煩...

「唔係呢~等我帶你去下D開心既地方~」

真係煩撚死人喇!

『好好好!出黎出黎出黎!』呢D人真係唔應一次約都唔心息架!!!

同Sam哥交代左喺邊道等...

「係架喇喎~咁我半個鐘後黎接你!」

『嗯嗯...』

「不見不散!」

『哦哦...拜...』我黎手就Cut左佢線...

不見不散?

咁係唔係一見即散?

我知係好爛架喇...

之但係夠Sam哥爛?

咩不見不散姐?又不是八十年代...可唔可以再老套D姐?

Sam哥呢種男人真係...

唉...

我都唔知點解會惹上呢D咁既男人...

唉...

算...就當我唔好彩...就等我敷衍佢一次等佢無癮知難而退...

唉...

拖住個白色旅行箱踏上尋日淋雨既安全島...橫過幾條馬路...穿過幾個商場...行返黎ManYan屋企...

返到上黎望住豪仔既背影...望住豪仔坐喺電腦前...打機...

打到入晒神咁...好似完全察覺唔到我返左黎咁...

乜我真係咁無存在感咩?

唉~唔緊要啦~反正我返黎都係放低個旅行箱同換返件出街衫姐~

我就打一打開個旅行箱~揀下衫~

著咩衫去應Sam哥約好呢?

Sam哥又會帶我去邊呢?

我又唔想著得咁性感...免得一陣Sam哥真係忍唔住女女女我...

你知啦...Sam哥咁大舊...我只係一個弱質女流...真係無力反抗架喎...

都係著返密實D好~

著返條長既牛仔褲加件白色Tee好唔好呢?

之但係出面咁熱...著條長牛仔褲出去行個轉成對腳都係汗都似...

唔著長牛仔褲既話...就只有...熱褲架咋喎...

熱褲...熱褲...都叫褲丫...好過著短裙丫...

起碼如果真係俾Sam哥推倒既話,都唔會話一手伸入裙底揭開條底褲就砌丫嘛…

我會唔會諗得太過負面?

人係要作好最壞既打算既...

好啦好啦...我就拎件白色緊身Tee同條黑色熱褲出黎...搵個無咁阻到人既位放一放好個旅行箱...

我除一除身上套衫...

係丫~我喺正同豪仔身處既空間就咁就除晒身上D衫出黎~無入到浴室丫~

仲要除剩個白色Bra同條白色底褲咋~

唔怕咩?

要怕D咩?

怕俾豪仔見到?怕俾豪仔睇晒?

有咩好怕丫?佢咁專注喺個Mon裏面,就算我除埋個Bra同條底褲喺道跳下彈下丫,佢都唔會察覺到架啦~

所以話打機丫~打機丫~你咁投入Game裏面既世界係會錯過好多美好既風景架~

我就著返件白色緊身Tee同條黑色熱褲上身~

豪仔都仲係察覺唔到~

呵呵呵~錯過晒喇~呵呵呵~

著好晒衫褲,我就入一入浴室梳一梳頭~紮一紮返條高馬尾~

望住塊鏡裏面既自己...

『十足十一個十六七歲既𡃁妹仔...』

點解...點解我個外表好似長唔大咁架呢?

不論身材同個樣...

一D成熟既氣質都無...

就只有...𡃁妹格...

再難聽D既...成個MK妹咁...

都唔知係好事定壞事...

不過就算個外表幾咁𡃁妹都好,但我個心...一D都唔𡃁妹...

我個心可以話係熟到爛...

經歷得太多...多到已經看破紅塵...

但就係總要重複又重複咁遇到D仆街...

我地呢D女仔...真係只會吸引到D仆街架咋...

唉~算!都係唔好諗咁多!

我執一執正個人,著返對白色Cons,再望一望豪仔...

都仲係背住我...好專心咁打緊機...

我就唔理咁多,拎齊銀包鎖匙出門口~

我一落到樓下,一行出大堂,一行到黎馬路邊...

「詩琳!」就聽到有把男人聲好大聲咁叫過黎...

我望一望...著住白色Tee黑色運動長褲跑鞋既Sam哥就企左喺架...灰色日產...(Toyota係唔係即係日產?)

我唔叉知丫~車既野我就係識法拉利同Mini Cooper架咋~其他我就乜都唔知~總之Sam哥就係企左喺架灰色既日本車隔離...

車身同條呔仲要沾滿泥污...

搞咩丫?咩車黎架?越野車丫?

呢D都唔係總點...總點係使唔使大街大巷咁大聲咁叫我個名呀?

成條街D人都知我叫詩琳喇...

我都係急急腳咁行埋去Sam哥身邊:『咁快黎到既?』

「當然啦~唔可以要女仔等架嘛~」Sam哥扮晒紳士咁既口吻...又由頭到腳咁打量一下我...

俾Sam哥咁樣望...總係周身唔聚財咁...

望咩姐望...未見過靚女呀?!

「你今日...同平時真係好唔同...」Sam哥望到落我對腳既時候,對眼好似發晒光咁...

『下?係咩?差唔多啦...』乜我地見過好多次面喇咩?

講到好似成日見又識左好耐咁...

我地都好似見過兩次同食過一次飯咁上下咋喎...

唔係好熟架咋喎...

俾Sam哥咁樣望法真係好唔自在...好鬼死尷尬...

『丫~係呢~你...咪話想帶我去散下心既~唔知你想帶我去邊呢?』都係講下野,唔好Dry企喺道俾Sam哥視姦...

「係丫~黎黎黎~上車先~」Sam哥好有風度咁幫我打開車門...

『哦...唔該…』我就坐一坐上車...

車上有好大陣...熏衣草既香味...

我又估唔到...一架外表睇落咁污糟邋遢既日本車...車廂裏面會係咁...幽香...

我仲以為...以為成車都係臭男人既男人味...

等到Sam哥都上埋車...

我扣一扣好安全帶:『係呢...你仲未話我聽...諗住帶我去邊道散心喎...』

Sam哥扣一扣好安全帶後,撻一撻著架車...

“𠲖...𠲖...𠲖...吼...”

「等陣你就知~」

等陣我就知?

算唔算叫俾驚喜我呢?

我唔需要咁多驚喜架喎...

“吼...吼...吼...”

Sam哥駕駛住架日本車...

“吼...吼...吼...”

「難得今日放假~要出去行下~」Sam哥仲要一路揸車一路講無聊野...

『嗯嗯...』老老實實我就真係唔係咁想出...完全係怕左你既死纏爛打先至應約!

「有車真係方便好多~」Sam哥充滿自信咁點點頭...

『哦哦...』那來的自信?

「所以話做男人一定要有返個車牌~有架車~載女朋友周圍去都方便D嘛~」Sam哥自信心爆炸咁望一望我...

『專心返喺路面...』下?男人一定要有返個車牌?有架車?

我想講我對上嗰幾個男朋友個個都有車牌有車架喎...

不過講開又講...而家坐Sam哥架車總係覺得唔係咁順暢...又坐得唔係咁舒適咁...

點解會咁架呢?

係唔係因為平時我都好少會坐日本車呢?

老老實實,之前衰極都有Mini Cooper坐...

從來都未坐過日本車...

你話日本車都叫係私家車,總好過坐公共交通工具~

係~的確如此~

之但係養得起車點解唔買架好D架呢?

坐日本車既話,我坐的士好過啦~

大家都係日本車咋嘛~仲唔使搵位泊咁麻煩~

行埋路邊揮揮手就有~

唔使理佢係雙黃線定係巴士站,的士佬都一定會衝埋黎~

落車就更加唔使講添啦~

幾咁方便~

再唔係Call Uber又得~

而家真係唔係有車就溝到女架喇~

都要睇下你揸咩車啦~

「放心喎~我揸左十幾年車架喇~手車好好架喎~」Sam哥仲係Keep住自信心核爆咁既樣...

『哦...』係唔係即係話俾我聽你好大年紀丫?

我無興趣知你幾大年紀...亦都無興趣知你咁多野...

你最好就同我收聲專心返喺路面上就夠...

「我好遵守交通規則架~絕對唔會好似嗰D法拉利咁超晒速喺快線道飛!」Sam哥都未講完...

“吼!!!!!!!!!!!!”一架紅色既法拉利喺右邊飛過...

『哦...』老老實實如果有得揀,我都想揀坐嗰架法拉利囉...

雖然我唔知嗰架法拉利係咩型號同有幾貴…

但就係聽引擎聲同睇佢飛住去既車影都知係好野黎啦...

「呢D人真係睇佢幾時撞車死~不過自炒好喇~唔好害人呀~好多時都係因為呢D人害死無辜架~」Sam哥仲要繼續講...

『哦...』好心你又唔好咁黑心啦...

又唔夠人有料...又唔抵得人地有錢揸靚車...

呢D咪港男囉~

老老實實Sam哥都成三十幾歲人(好似係...),都仲係揸日本車真係有D失敗...

Sam哥做邊行架話?

好似都搵得幾多架喎...

點解都仲係揸日本車架呢?

唔明~

可能揸日本車既男人都比較笨實D掛~

可能啦~

「我就真係好討厭呢D唔守法既人!真係好危險架嘛!對我地呢D一直奉公守法既良好市民黎講真係好大影響架嘛!」Sam哥又喺道自吹...

『哦...』又黎喇...

「唔好話自己丫~都要顧下人地架嘛~」Sam哥又繼續自吹...

『哦哦...』又黎喇...又黎喇...

「我就真係唔係咁鍾意D咁自私既人囉~我覺得應該好似我咁,顧己及人先得架嘛~」Sam哥又再繼續自吹...

『哦哦哦...』又黎喇...又黎喇...又黎喇...

其實都唔係第一次...

幾次都係咁...

我發現Sam哥份人比較笨實之外,仲好鍾意自吹...

講開乜野話題都可以拉到去自己既優點之中...

係唔係即係話你有太多優點喇~隨隨便便都可以拉去自己道?

唔覺囉~

我真係唔覺得呢D係優點囉~

我更加唔覺得有乜野咁值得講出黎囉~

仲要放到勁大勁大咁囉~

好似好巴之閉咁囉~

真係勁討厭囉~

「我呢D呢~真係好...」Sam哥仲未講完句說話...

『丫~係呢係呢~有乜歌聽下咁呢?』我就打一打斷Sam哥既說話,唔俾佢再自吹落去...

咁鍾意自吹,返屋企玩瑜伽既時候先慢慢吹啦~

「你想聽歌丫?好丫好丫~聽歌可以放鬆心情~舒緩情緒~我之前都有讀過呢D課程~上過有關心理學既堂架~因為我都真係幾博學既~我仲...」Sam哥仲要繼續吹...繼續吹...一邊撳住個Hi-Fi(播歌嗰舊野係唔係叫Hi-Fi?女仔唔識咁多音響野...)一邊繼續吹...

我頂你個肺丫...叫你播下歌姐...你都可以帶到去你自己有讀過心理學?

係唔係真係咁Hard Sell?

老老實實你唔講到厭呀,我都聽到煩啦!

真係救撚命…

「我仲上過催眠課程架~原來夢係好複雜...」Sam哥仲係一路吹...一路撳...

『哦...』我就無佢咁好氣...由鳩佢繼續自吹...

等多兩等...音樂終於響起...

呢種音樂...

好似咁...老套咁既?

係…真係好似好老套...好耐都無聽過咁老套既旋律...

呢首...究竟係咩歌?

我繼續等...聽住音樂耐心咁等有人唱...

等左一陣...

“是下雨天 在夜靜沉寂處 聽妳的愛故事 下著心中的雨”

乜料呀?!

咩年代既歌黎架?!

邊叉個唱架?!

呂方呀?!阿卵呀?!

我出左世未架?!

“知他態度常放肆 妳已經傷心多次 我盼妳的憂鬱可停止”

我頂你個肺丫真係...有無得再老土D呀D歌詞...

“到底應相愛 或分開 假設情不再 應該等妳決定 我假裝 瀟灑望海”

我真係...真係...

“我早都知妳 離不開 真叫人感慨 但我對妳愛念 未曾改”

聽聽下又...

“我但願 他珍惜妳 這顆心不忍看妳落淚時 一串串 令心酸酸 仍舊仍舊眷戀”

又好似...幾好聽喎...