單獨同人地個細佬相處喎~

仲要係一個怕怕羞羞幾可愛咁既小朋友喎~

會唔會真係有D危險呢?

我指對豪仔黎講~

我呢D岩岩先失完戀自摸奶奶既姐姐遇上小鮮肉喎~真係好難忍得住口架嘛~





小鮮肉丫~小鮮肉~你睇佢皮光肉滑咁幾咁好味~嘿嘿嘿~

不過講真~我又唔會真係咁衰既~

都係FF下姐~

講真一句又邊得黎咁多野食丫?

又話無啦啦有條女上你屋企暫住又話唔知邊道黎左個細妹同你瞓埋同一張床又話好多女送到上門俾你啪啪啪啪啪啪啪啪啪啪啪啪啪啪啪啪啪啪啪啪啪啪啪~





呢D情節都只會喺甜故裏面先會發生架姐~

現實生活裏面有女送上門,你咪又係唔敢食~

『豪仔~你梳洗完就有得食架喇~』早餐都有得你食下既~

「嗯嗯...」豪仔就起一起身~拎一拎D衫褲~怕怕羞羞咁撳住自己條JJ行去浴室~

仲扯緊?





扯左咁耐都仲未軟返?

發育時期既年青人真係有幹勁D既~

扯旗都不由自主~

仲要勁持久既~

但做起上黎又係唔係真係咁持久?咁就不得而知試過先知喇~

趁住豪仔去左梳洗,我都開始煮早餐~

西式早餐都比較容易煮~都煮得比較快~就好似男仔梳洗都比女仔快一樣~

當我煮好晒早餐,放喺餐檯上...





“咔”豪仔都岩岩梳洗完~由浴室行出黎~

豪仔著住件黑色Tee加條黑色運動長褲~

總係著得整整齊齊~總係著得有D拘謹~

『著得咁深色仲要著長褲添?你唔熱架?』我就借機恥笑一下豪仔~

「唔熱…唔熱...岩岩沖左個凍水涼丫嘛…」豪仔仲要扮晒有D凍凍地咁~

扮乜鬼野丫~

你估我唔知你係想喺我面前著得整齊D~著得密實D咩~





其實都唔知男仔做乜要咁怕羞既~

怕自己下面太大碌?唔扯旗都凸起左?

怕一陣無啦啦又扯起上黎會好尷尬?

有乜好怕姐?發育時期係容易扯D架啦~

我地呢D姐姐明架喎~好體諒架喎~唔使咁怕羞架喎~

我入面都係真空架啦~我都唔怕你怕乜鬼野呢?

最緊要都係舒服丫嘛~

喺屋企就一定要著得舒舒服服架啦~你話係唔係先~





不過男仔就係咁架啦~

細個既時候,見到女仔都會怕怕羞羞~講野都唔敢講~望都只會偷偷望~

但隨著年齡既增長,見得既野越多,遇到既人越多,慢慢變得唔知羞~

唔單止話會夠膽喺街上撩下陌生女仔講野~

仲會好大膽咁喺女仔面前講衰野~

所以我地都應該要好好珍惜男仔仲係小鮮肉既時期~(珍惜玩下佢地既機會~)

『黎丫~坐低食野喇~』我就行到豪仔身邊,拉一拉佢埋位坐~





「哦哦...」豪仔一俾我拉住姐,就面都紅晒咁~

呵呵呵~拉一拉都勁拍羞咁~真係可愛死喇~

等豪仔坐好,我就坐到佢既對面~

無左ManYan喺道,今日我地兩個撐檯腳~

我算唔算係有少少自High?

咩都好啦~

有時人就係要喺平淡既生活中尋找一點點樂趣~

唔係唔係…我呢幾日既生活都唔算平淡...

岩岩先誤以為男朋友出事...然後撞破佢偷食...仲要同個九唔搭八既男人行左成日馬騮山...

我應該話有時人就係要喺悲劇既生活中尋找一點點快樂~

豪仔聞一聞...又用力索一索份早餐...然後切一切條腸仔放入口:「嗯!好味丫!真係好好味丫!又香又好味丫!」

『哈哈~多謝喎~』豪仔講到鬼死咁純真咁~搞到我都鬼死咁開心~

「其實我尋日食過你煮既早餐都覺得超級好味架喇~不過...家姐喺道就唔方便講出口啦...」豪仔一邊好滋味咁食,一邊講~

『唔?你家姐煮野唔掂架咩?』我又一邊食,一邊問~

「佢丫?唉~唔好提...佢好日都唔會喺屋企煮下野食架啦...煮既話都唔會係好食囉...」豪仔成個十年無食過好西咁既樣,享用我為佢煮既早餐~

『哦!你死喇你!你講你家姐壞話!等我今晚講返俾佢聽先~』我就借機嚇一嚇豪仔~

「你唔係咁對我丫化?!」豪仔瞪大對眼望住我~

『哈哈哈~講笑咋嘛~我唔會咁無義氣既~不過講真丫~你家姐煮野真係唔得架~』我又偷偷取笑一下ManYan~

「你都有試過我家姐既手勢架?」豪仔又追問一下~

『試過啦~以前同你家姐一齊讀中學既時候,我地都係修家政既~你家姐煮D野丫~唔食到人中毒入院都叫謝天謝天囉~』我又爆一爆ManYan D舊史~

「佢真係叮個杯麵都會著火嗰D~」豪仔擰晒頭咁~

『試過啦~中學嗰時想慳錢買野丫嘛~咪同你家姐一齊去七仔叮杯麵囉~點知佢個傻婆連埋錫紙蓋放入微波爐裏面叮~一叮就出事喇~』我就繼續講下ManYan D白痴野~

「下?咁點丫?唔係真係著左火丫嘛?」豪仔好有興趣咁追問~

『著丫~咩唔係丫~好彩我夠醒目~見到著著地就立即停左個微波爐拎返個杯麵出黎~』

「嘩~我家姐真係一個危險人物~」

『你同佢生活左咁多年都真係幾危險~』

「我發現我仲可以生存到都算係奇蹟~」

『直頭要感謝神恩啦~』

同豪仔你一句又我一句咁~

有傾有講有笑咁~

算唔算係打開話題?

算唔算係打好關係?

唔知呢~我都真係唔知~

我只係知都可以叫做好開始~

人與人之間點都要有D溝通先得既~

而且總要有人先行前一步~

然後你又嘗試行前一步~

你行前一步,我又行前一步,一人行一步,關係自然好~

好似有D爛丫呵?不過係咁上下架喇~

至理名言多數都係比較爛D~

同豪仔撐完檯腳食完個二人世界早餐(我又喺到FF喇~)之後...

『等我洗得喇~』我就繼續扮晒一個好姐姐咁~

「唔好既…唔好既...又要你煮...又要你洗...」豪仔就爭住執碟~

『無所謂啦~就俾個機會我照顧下人地個細佬丫嘛~‌』俾我享受下做個好家姐既感覺都好丫~

「哈哈~我自己個家姐都無咁照顧我~」豪仔執好晒D碟拎去開放式廚房嗰邊~

『哦?你家姐無照顧過你咩?』我就跟住豪仔行到去開放式廚房個洗碗盤道~

「佢邊道得閒理我丫~」豪仔無奈咁笑笑口,擰擰頭~

『都係既…』而家喺香港生存邊有咁多時間?

唔好話要照顧身邊既人,就連俾多少少時間自己都難...

再加上食得既貴,唔食得既仲貴...

就算係想搵個細細地既地方遮下頭,都要萬幾蚊一個月...

你話好似ManYan咁有男人俾間屋佢住就應該好多時間先係?

你睇今朝既ManYan就應該知~

有時間都要陪下老細架嘛~

個老細仲要唔等得~好心急~

唔係你估真係有免費午餐丫?

要付出架~

而且當你越得到多,就要付出更多~

呢個咪就係傳說中既等價交換囉~

所以有時候聽到D人話“離開唔到個男人”真係難聽過粗口~

我想講既係...唔係你離開唔到個男人~係你離開唔到佢俾你既野姐~

你試下個男人一無所有既話,你仲會唔會同佢共患難?

我買重你第一時間跳船都似啦~

所以話而家仲邊有真愛架~

『咁你細個既時候呢?』我一邊洗碗一邊問一問豪仔~

「細個既時候丫...都有既...喺我幼稚園同小學既時候家姐都有送我返學接我放學既...」豪仔接一接過我用洗潔精洗過既碗~過一過清水~

『咁咪係囉~做家姐既點都會照顧下細佬既~』我又繼續洗~

「不過都好似係去到小學三年班就無喇~」豪仔又一邊接過我用洗潔精洗過既碗過一過清水,一邊答~

『哦?係唔係你唔想你家姐接送咋~』通常D小朋友都係咁架啦~

細妹可能仲會想有哥哥接送~有安全感D~

但細佬多數都唔想家姐湊~因為怕俾人笑仲係小朋友~

而家D小朋友好早熟架~小學三年班都覺得自己大個仔~唔使家姐湊架喇~

「一來啦~二來家姐成日都走去玩~」豪仔無奈咁笑一笑,用清水過一過走碟上既泡泡~

成日都走去玩...

嗰時既ManYan都應該係...十六七歲...

十六七歲既ManYan同我...都各自有拖拍...不過好多時唔係拍拖,就會約出黎行下街睇下戲買下衫食下飯...

時間唔係花喺男朋友身上...就係花喺好姊妹身上...

好少話會花喺親人身上...

而嗰時既我...仲係同緊皓傑一齊?

定係已經散左?

定係同Prince若即若離...

唔知喇...唔記得喇...

我記性一向都唔係好~

計數又計得差~

計親日子都總係會計錯~

記性唔好又計錯數…所以都唔可以好肯定咁講得出喺邊年邊日過左幾耐之前發生過D乜野事~

我只係知...有咁既事...

曾經喺某年某月某一日...發生過一件好似故事咁既往事...

而過左嗰段好似故事一樣咁既往事之後...就係經常同ManYan出去蒲既瘋狂日子~

日蒲夜蒲~喜愛射毛~

嗰段時間既ManYan...就更加無時間去理豪仔啦...

不過講開又講...嗰時係我提議去蒲先?定係ManYan提議先架呢?

不過邊個提議先又有關係咩?

講到尾...我地兩個日日走去蒲...搞到豪仔缺乏左家姐既照顧...家姐既愛...

『咁...你有無怪過你家姐丫?』我用舊海綿搓下搓下...搓到成舊海綿都係泡泡...

「嗯?」豪仔好似唔係好Get到我想問乜咁...

『你有無怪過...你家姐當時只係掛住出去玩...無照顧過你...』我一邊搓下搓下舊海綿...望一望住豪仔...

豪仔眼甘甘咁望住我...諗下諗下...

我同豪仔你眼望我眼...我眼望你眼...大家四目相對左好一陣子...豪仔都諗左好一陣子...

「無話怪唔怪既...或者呢D都係必經既階段~我D同學丫~朋友都係咁既~」豪仔笑一笑~接過我手上舊海綿過一過清水~

必經既階段...

「我地都會話我地係男仔黎架嘛~係要自立D既~」豪仔將舊海綿過清晒D泡泡之後,放返好...

都係既~

就好似我頭先所講~男仔好早就唔想家姐湊~唔想俾人覺得自己仲係小朋友~

要自立~要獨立~唔可以做裙腳仔~

或者呢個就係必經既階段~仲要係好早就要經過既階段~

之但係...真係咁?

呢個就係豪仔心裏最真實既答案?

點解我會喺豪仔既眼中...好似睇到一點點...一點點...無奈且遺憾既神色?

同豪仔二人合作洗完晒D碗碗碟碟刀刀叉叉之後...

豪仔又坐到去電腦面前...

又打機...

難得叫做有幾句計傾下...而家又走去打機...

乜打機真係吸引過同我傾計咩?

我就坐到去豪仔身邊,望住佢~睇住佢~睇下打機有乜咁吸引~

我眼甘甘咁望到豪仔實一實~

豪仔就眼甘甘咁望住個Mon實一實~

豪仔成個人都好似投入晒喺隻Game入面...好似再唔係同我身處同一個空間咁...

好誇張...但事實就係咁誇張...

究竟打機有乜咁吸引?

究竟打咩機會有咁大吸引力?

我望一望個Mon...望住裏面D公仔喺塊地圖上走黎走去咁...

『呢隻係唔係嗰隻...咩LOL丫?』我望住個Mon問一問靈魂出竅咁既豪仔...

「嗯嗯...」豪仔仲好投入喺佢條中路之中...

果然又係呢隻破壞左無數咁多感情...拆散無數咁多對情侶既無聊Game...

我都唔係誇張...之前喺Facebook同連登都真係睇過唔少呢D文...

好多都係D女仔話自己男朋友顧住玩LOL遲到丫~傾陣電話都唔得丫~射完攬都唔攬下錫都唔錫下就衝住出去打機丫~

完完全全就係阿Bie嗰句:「一係以後拍拖我地淨係扑野扑完野唔洗傾之後你就死埋一二邊去打機囉!」

所以話LOL絕到係全世界既女人既情敵係一D都唔誇張!仲好寫實!

『其實有乜咁好玩呢?』我又望住Mon裏面D公仔行下行下...

有幾隻士兵好似無腦既機械人咁望住對面幾隻士兵衝過去...

然後又俾個大隻D既人打下打下...又俾另一隻大隻D既人打下打下...

然後堆無腦既士兵死晒...嗰兩個大隻D既人又行下前...又行下後...又行下左...又行下右...好似跳舞咁...

究竟喺到做緊D乜?!

我又喺道睇緊D乜?!

「下?唔...點講好呢...食兵囉~儲金買裝囉~然後殺人囉~推兵線囉~推塔囉~打爆人地個主堡囉~」豪仔一邊撳下撳下隻Mouse一邊講解...

唔...

其實我之前都有問過阿Ken...

阿Ken都係咁答我...

喺個細小既正方地圖上不斷重複又重複咁做同一樣既野...

贏左又好~輸左又好~然後又重新開始~又不斷重複又重複咁做同一樣既野...

無限輪迴地獄咁...

做乜姐?咁就好好玩架喇?

『咁又有乜意思呢?打完又乜都無既...又唔係話贏左有幾百萬俾你...』呢樣係我最唔明既地方...

好喇好喇~你話我死港女唔明打機係男人既浪漫~其實我又唔係唔識得欣賞既...

我之前D男朋友都好鍾意打機~(男人真係個個都咁鍾意打機!!!)

佢地為左可以安心打機唔俾我埋怨同搵咁多交嗌,都會用盡牙力去引誘我玩埋一份~

咁我都唔想成日為左隻Game而家嘈屋閉,所以都會嘗試去融入佢地既遊戲世界~

好似話我都有玩過Diablo啦~WOW啦~呢D Online Game啦~

係~可能你會話:「喂!Diablo同WOW咪又係喺個地圖上走黎走去!」

但人地個地圖大過你個正方形地圖仔多多聲喎~

仲有喎~Diablo同WOW打返黎既武器可以Keep住用喎~

唔會話打完一個副本就無啦啦自動消失,下個副本再打過咁白痴喎~

我花時間起碼都叫有收穫丫~

唔似得玩LOL咁,辛辛苦苦打完四十五分鐘贏輸都係得個吉丫~

有時仲會聽到阿Ken發晒脾氣咁講:「又遇到豬一樣既隊友!」

打機打到咁燥為乜?

所以我唔係你地口中嗰D白痴港女~

我都有試過去投入~

但真係投入唔到喺LOL既細小而無收穫既世界裏面...

如果真係要我揀,我情願揀玩Diablo或者WOW好過囉~

「又唔係咁講丫~打得好D上到鑽石好彩俾D乜乜戰隊睇中,就可以走上職業舞台架喇~」豪仔雙眼發晒光咁~

乜乜戰隊?職業舞台?

唔...

『係唔係有個職業選手...叫乜偉健?』我記得之前聽阿Ken講過...

好似話有個好勁既香港職業選手同佢同名...又係叫乜偉健咁...

嗰陣時阿Ken仲好似覺得有個職業選手同自己同名好威威咁...

「哦~嗰個托屎丫嘛~人渣黎既~」豪仔一面臭嘴臉咁擰擰頭~

『人渣?』點人渣法丫?無聽阿Ken講過既?

「條友依住自己贏過宇宙冠軍就以為自己好勁~奬金又話唔同後備隊友分~過檔時見人地份約包過世就簽都簽唔切~點知過幾年有另一隊高薪挖佢過去又爆自己嗰隊D黑材料~呢D為左自己利益出賣一切咁無品既人,都唔知點解仲有咁多Fans?」豪仔一路口噏噏咁~

有D咁既事?真係唔知喎~

等阿Ken仲好似咁引呢個托屎自豪...

睇黎...叫得偉健都唔係好人~

『你都係唔好打咁多機喇~打得機多會變毒L架~』我拍一拍豪仔膊頭~

「我唔係毒L黎架!我...我都有女神架...」豪仔好大反應咁~

不過...有女神就唔係毒L?

我覺得只有毒L先會有女神喎~

『係丫係丫?有無佢D相丫?拎黎睇下~』不過我又幾好奇豪仔既女神又係點既樣~

你唔好拎個初音俾我睇就得喇~

豪仔立即拋開隻Mouse!拎起部電話撳下撳下...

「嗱!」豪仔隊一隊部電話俾我睇!

我睇一睇住個Mon...裏面顯示住個Facebook...Facebook裏面既一張...女仔相...

相中既女仔同豪仔咁上下大...應該係豪仔既同學...

個女仔白白淨...眼大大...嘴細細...面尖尖...仲要幾可愛又幾靚女咁...

都真係幾女神Feel...

之不過再睇真D...呢個充滿女神Feel既女仔...都有幾分似...似中學時期既...我?!