《港女FF妄誌》: [Day 07－港女軍師] PART 03
接過豪仔部手機…
望住個Mon...
望住Mon裏面個Facebook...
望住Facebook裏面張相...
望住相中個女仔...
總係有D似...中學時期既自己...
係咁架啦～一見到靚女就話有D似自己是常識吧～～～
我就繼續碌一碌個女仔既Facebook～
睇到個女仔個名係叫做Kawaii Ng…
Kawaii？可愛？
而家D年輕人改名真係又夠奇怪～
以前我地就話改下D生果名丫～
改生果名改到悶就會改下花名丫～
花名改到厭就改D外國明星既名丫～
但絕對唔敢改D乜野Angel丫～Angela丫～Angelina丫呢D名囉～
因為改親呢D名既女仔都一定唔會係天使囉～
只會係D以為自己係天使實質就係似天使既豬扒～
再唔係就係D醜惡巫婆改自己個名叫做Snow White丫～Cinderella丫～Belle丫～
係估唔到而家D𡃁妹咁夠膽直接改自己個名叫Kawaii～
如果話係日本D AV女優就話姐～
一個學生妹改D咁既名？真係唔怕俾人笑足成世～
之不過...佢又真係幾可愛既...
可唔可以真係稱得上係人如其名呢？
我再睇一睇...睇到Kawaii今年岩岩十五歲...
十五歲既學生妹...夠晒嫩口啦...
不過襯返豪仔既話就岩岩好啦～
唔知仲係唔係處呢？
我估就唔係啦～
咁靚女...我諗未上中學之前就已經俾D MK仔食左啦～
而家要搵處女真係要去幼稚園先搵得到～
我再碌下碌下～又Look下Look下～
睇到Kawaii Post左句野...寫住...失戀了...
『失戀了...仲要係岩岩先Post既...喂喂喂！人地岩岩失戀丫～』我就拉一拉豪仔隻手～
「下下…係丫...佢岩岩俾人飛左丫...好似仲話幾傷下添喎...」豪仔傻下傻下咁點下點下頭～但對眼就仲係望實電腦個Mon...
『掂丫掂丫！有機丫有機丫！』我又一邊拉住豪仔隻手搖下搖下～一邊望住電話個Mon話有機～
機會黎喇飛雲～
「下下下...有咩機丫？」豪仔仲係傻下傻下咁既樣～
『梗係約佢出黎開解下佢啦～』唔通留喺屋企打飛機咩～
「開解？開解D咩丫？」豪仔仲係傻下傻下咁既樣～
『梗係開解下佢失戀既傷痛之情啦～』唔通開解佢D衫鈕咩～
「下下下下...唔係咁好掛...我...我同佢平時都無乜兩句既...」豪仔又怕怕羞羞咁既樣～
『咁你地係唔係同學丫？』
「係…」
『係唔係同班架？』
「都係…」
『咁佢識唔識你丫？』
「都算識既…」
『你有無佢電話丫？』
「有WhatsApp既...」
『有WhatsApp即係有電話啦～有電話即係都叫算係朋友啦～』
「乜係咁架咩？」豪仔唔係好信咁...
『梗係啦～女仔會俾Facebook人～俾IG人～俾SC人～俾Line人～但係唔會隨隨便便俾電話人～』呢個豪仔係唔係乜都唔識架？
「乜真係咁架咩？」豪仔仲係唔係好信咁...
『梗係啦～』唔係我講既你都唔信丫化？！
「之但係...無啦啦約人...好似好奇怪咁喎...」豪仔仲係唔想唔想咁...
『有乜咁奇怪丫？人地都Post左上Facebook啦～即係等人約啦～』我指住Kawaii Post喺Facebook句“失戀了...”～
「下...佢Post左句失戀了咋喎...咁就係等人約架喇？」豪仔仲要唔係好信咁...
『喂！人地都講到明失戀了喇！仲唔係等人約丫？』唔通真係要話俾你聽我下面好濕先係叫你屌我咩？！
我擘得大對髀，你都應該醒目識塞條J入黎啦下話？
好多野都唔使講清講楚望清望楚摸清摸楚架嘛～
自己醒水先得架嘛～
女仔黎架嘛～暗示好喇～唔可以明示架嘛～
明示又俾人話係雞係公廁架喇～
「乜真係咁架咩？」豪仔仲好似乜都唔知咁...
『梗係啦～我係女仔我梗係清楚啦～呃你做乜姐～』呢個豪仔真係乜都唔識架喎～
呢D咁基本既男女攻防丫～識多幾個女仔～玩多幾次曖昧～再唔係入多幾個兵營都長知識啦～
除非你平日真係無乜點接觸過女仔架姐～
況且豪仔仲要有ManYan呢個老江湖家姐，點都會學到D野掛？
都話左唔好成日留喺屋企打機架啦～真係會變毒L架～
「之但係...」我無等到豪仔講完...
『而家姐姐教你追女仔！你就唔好咁多之但係喇！』我雙手叉一叉住條小蠻腰！谷一谷起塊面豬登睥實豪仔！
「呃...呃...」豪仔面紅紅咁～
『唔好呃～快D約人先～』我就隊部電話埋去豪仔隻手～
「咁...咁我應該點約呢？」豪仔拎住部電話手震震咁...
『你有佢WhatsApp架嘛～就WhatsApp佢問下佢今日得唔得閒囉～』呢個年代唔通仲打電話約咁柒咩～
嗱～成日聽D“專家”講科技進步會令人與人之間變得疏離～
我就話D專家都戇鳩既～
雖然話追女仔要膽大心細面皮厚～之但係都唔可以兜口兜面既～
好似電話呢D咁即時回覆既通訊工具，如果個女仔係對你無興趣，直接同你講就大家都無癮～
但如果話用WhatsApp就唔同喇～
扮晒留意唔到雙灰剔你，你都識得知難而退～
就算真係用文字黎拒絕你，你都唔使柒到核爆丫嘛～
所以話WhatsApp係幾咁偉大既發明先得架～
豪仔撳一撳個WhatsApp～又撳一撳落...Kawaii既對話：「咁咁咁...咁我應該講乜好？」
『你咪直接問佢“今日得唔得閒丫？”咁囉～』唔係仲要我教丫化？
使唔使阿姐我捉住你隻手指篤呀？
「咁咁咁...咁會唔會太過唐突呢？」豪仔仲係手震震咁拎住部電話，眼定定咁望住Kawaii張頭像...
『叫你咁寫就咁寫啦！』我頂你個肺！
講真一句，你係毒L唔識溝女唔緊要～但唔好有人教你你又要這樣那樣唔敢去試！
你唔識係唔緊要既～但有人教你你又唔敢去試仲要質疑係唔係Work就係死罪！
我頂你個肺你係唔係想一世做毒L先？
係想脫毒既就乖乖地聽聽話話跟住做唔好咁多聲氣！
「唔...」豪仔就手震震咁...半信半疑咁...喺個輸入欄道打左“你今日得閒嘛？”六隻字...
講真一句，使乜咁驚呢？
結果只有兩個可能～
一係得～一係唔得～
得咪出征囉～唔得咪嗚金收兵囉～
最緊要係得與唔得都唔係好關我事～我都係食花生架姐～嘻嘻嘻～
我同豪仔都眼定定咁望實個Mon...等緊Kawaii有乜回覆...會唔會有回覆...
等下等下…好似等左好耐咁...好似望左好耐咁...
不過我諗豪仔會覺得耐D...
我諗豪仔望有呢個機會都望左好耐...
等下等下...等到...
『上線喇！』
澳門首間...
唔係唔係唔係…
Kawaii上線喇！
上線喇上線喇～唔知會唔會就咁雙灰剔就完了呢？
好緊張丫好緊張丫～
你知架啦～女仔對D無興趣既男仔就連撳入去睇個Message都費事～
點解撳入去睇都費事？
真係好嘥時間架咩？
你D毒L就梗係唔知女神個WhatsApp係幾咁繁忙架啦～
因為你地D毒L個WhatsApp長期無人Send野過黎～
就算有好多個Groups，講既野又唔關你事～
分分鐘你仲要係最後一個傳Message出去既人～次次都做話題終結者～
但女神既WhatsApp就唔同喇～
唔好話有幾多個Groups既Messages未睇～個別One On One既都要碌幾轉先碌得晒～
我地又簡單粗略咁保守估計一下～
假如一分鐘內有十個人WhatsApp左你，你撳入去用半秒～睇一睇個Message又一秒～撳返出去又用左半秒～如是者做十次～都用左你成二十秒～
我都仲未計期間仲有兵仔01～兵仔12～兵仔23～兵仔34～兵仔45～兵仔56同一時間Send WhatsApp俾你～
咁你話喇，逐個撳入去睇既話，你話要花幾多個鐘先睇得晒～
所以先有咁多真心灰既雙灰剔出現咋嘛～
好緊張丫～好緊張丫～究竟豪仔既女神Kawaii又會唔會送個雙灰剔俾豪仔呢？
就喺呢個時候...
『雙藍剔！』
竟然係咁？！
真係估唔到...估唔到Kawaii真係會撳入去睇...
其實我一直都喺道諗...只係短短既六隻字...Kawaii一定會雙灰剔！
因為我由一開始就唔睇好豪仔！
好明顯啦下話～對Kawaii黎講...豪仔就連兵都唔係啦～
豪仔自己就話唔知姐～
但好似我地呢D旁觀者清既，係人係鬼一眼就睇得出啦～
以豪仔既性格毒成咁～怕羞成咁～走廊尾見到女神，走廊頭就轉身碌落樓梯啦～（雖然外表都算係幾靚仔下既～）
Kawaii呢D好似我一樣咁既超級靚女又點會睇得佢上眼？
直頭係睇佢唔到添啦～
所以我一開始就本住想令豪仔早D心死，先叫佢試下約Kawaii出黎～
等到Kawaii雙灰剔豪仔就叫佢直接收皮～
係估唔到Kawaii會撳入去...
不過雙藍剔又點～可能係已讀不回呢～
雖然已讀不回就唔及雙灰剔咁真心灰～之不過都係要收皮架喇～
我就等下Kawaii Off返Line～然後準備安撫一下無開始就收皮既豪仔～
我就滿心期待咁等Kawaii Offline～
但等左唔使幾秒...
『輸入中？！』
Kawaii竟然會覆豪仔？！
唔L係丫化？！
女神拒絕兵，唔係雙灰剔就係雙藍剔架啦！
邊有女神咁得閒真係會回覆拒絕隻兵架？！
仲要係用文字唔係錄音咁有心思？！
睇黎呢個女神係非一般既女神～
係一個好識收兵既女神～
我就既緊張～又期待咁等下Kawaii Send D乜野回覆過黎～
豪仔就手都震埋，呆晒咁望住個Mon標晒冷汗～
我同豪仔一齊等...望住個Mon一齊等...
等下等下...望住豪仔隻手狂震...震到好似地震咁...
“噹”
有喇有喇！Send左過黎喇！
我睇一睇Kawaii Send嗰句野...寫住...
“得閒丫～做咩丫？”
『唔L…』係丫化？！
居然係答得閒？！仲要問做咩？！
我有無眼花丫？
定係Kawaii認錯人？應錯人？答錯人咋嘛？
唔...我諗唔係喇...
我諗...係我諗錯左...
照咁睇...睇黎豪仔唔係無機...
就算唔係話Kawaii俾機會豪仔...至少都可以話係俾個機會自己去睇下豪仔適唔適合自己...
應該係咁...
岩岩失戀既女仔...一定有好多人約...
而Kawaii肯撳入黎睇豪仔既Message...又話自己得閒...仲要咁多舊魚咁問做乜...睇黎都真係想睇下豪仔喺自己既心中可以放喺一個乜野既位置...
應該係...一定係...
我嗰陣好似佢呢個年紀既時候都識得咁做...
而家呢個年代既女仔就更加醒目啦...
一定係咁...必定係咁！
「點...點好丫...點好丫...我而家應該點好丫...」豪仔仲係手震震咁揸到部電話實一實...
『梗係約佢出黎啦！』仲使問？！
人地都擘晒髀咁！你仲要諗係唔係插得咩？！
「咁...咁我應該點約...就咁約？」豪仔隻手震到好似柏金遜咁...
『唔...點約丫...』呢層呢...
唔可以無目標...
如果就咁約女神出街，女神會覺得你份人無樂趣...又好無聊...
但又唔可以做D高難度動作！
好似話尋日Sam哥咁約我去行山睇馬騮咁，完完全全係想個女仔對你反感！
同自殺真係無乜分別！
而最簡單直接既係...當然就係睇戲啦～
呢期有乜戲好睇呢？
唔可以揀恐怖片...因為唔知Kawaii既驚嚇可接受度有幾高...
如果唔高...就會直接拒絕...
更唔可以睇情慾片！
好似早幾年嗰套改編自網路甜故乜乜FF乜誌咁（無睇過又無留意所以唔記得全名），聽影評講勁多甜野！
帶女神去睇實會誤會你係鹹濕仔～
第一次既印象唔好就唔會再有下次機會...
除非女神係雞係公廁～咁就話分分鐘仲可以同女神入殘廁黎返場友誼波姐～
但我睇Kawaii...就算係淫...都未去到咁隨便既～
更何況咁樣發展既話...對豪仔黎講都唔係好事...
所以...睇咩戲好呢？
有咩戲岩睇呢？
唔...
『你就問佢睇左新海誠套動畫未！有無興趣一齊去睇！』突然之間俾我醒起呢期新海誠有新一套動畫上映！
聽講喺日本仲已經打破左《你的名字》既票房添！
新海誠既愛情動畫出晒名有感染力...
而且就算有甜...都只係甜甜地...加上係動畫唔係真人...就算係甜都唔會覺得太色情...
岩晒D兵仔帶女神入去睇～
豪仔仲係手震震咁揸實部電話，傻下傻下望實個Mon口噏噏咁：「睇戲...睇戲...睇新海城套動畫...咁應該點講好...」
『你咪直接打句“睇左新海誠套動畫未呢？有無興趣一齊去睇呢？”咁囉！』唔係仲要我教丫化？
使唔使姐姐我捉住你隻手打字丫？！
「哦哦哦...睇左新海誠套動...」豪仔仲係手震震咁打下打下...打下打下...
『快D快D快D打快D！』你唔係唔知女神唔等得架？！
這些機會真係仲難過搶iPhone架！
要知道今日搶唔到iPhone，聽日都可以再去試下～
朝朝都早起撳一撳，總有一日會炒到燶俾你撳得到～
但約女神呢家野就唔同講法喇！
女神係一種好無耐性既生物！
今次女神應你機，但你就要女神等你！等到唔想再理你！
下次你再想約女神既話，可能已經俾女神Show Blocked User左架喇～
豪仔將句“睇左新海誠套動畫未呢？有無興趣一齊去睇呢？”Send左出去之後...
我地又眼定定咁望住個Mon...
望住Kawaii輸入中...
輸入中...輸入中...輸入中...
好心急丫...好鬼死心急丫...
唔知Kawaii睇左未呢？
唔知Kawaii會唔會睇左都話未睇呢？
嗱～你唔好話女神只會未睇話睇左丫～
如果佢對你都有D意思既話，真係會睇左都話未睇同你一齊睇架～
都係嗰句啦～俾個機會人又俾個機會自己丫嘛～
等左一陣...又等左一陣...
可能係Kawaii打字打得慢...
又或者係我太過心急...
總係好似等左好耐咁...好似等左成個世紀咁...
就喺我等到個心都亂埋之時...
“噹”
等到喇！等到喇！等到Kawaii Send野過黎喇！
我睇一睇Kawaii Send嗰句野...寫住...
“好丫好丫～我想睇好耐架喇～不過又無人陪我睇...而家有你陪就最好喇～”
嘩嘩嘩！講到咁真係識得收兵架姐～
假如我係好似豪仔呢D冧Kawaii既小毒毒，睇到女神咁回覆自己，一定中晒伏～走進兵營最深處～
「佢話好...佢話好...」豪仔隻手勁震咁揸到部電話實一實...中晒妖術咁望住個Mon口噏噏...
我夠有眼睇啦！使你講咩？！
『咁你就問問佢幾時出得黎～』呢D時候做男仔既就一定要問問個女仔要用幾多時間準備～
咁先顯得你夠大方～夠Gentleman～
所以千萬唔好問都唔問下就自己定個時間出黎！咁樣女神會覺得你好似迫佢咁架！
有無咁誇？
係咁架喇～
女神就係一種咁敏感既生物～
只要有少少負面野，都會極度反感～
「哦哦哦...你幾時出...」我無等到豪仔打晒成段野...
『問得有禮貌D！要客氣D！大方D！GentlemanD！』問得咁直接想死咩？！
「哦哦哦...咁...咁我應該點問...」豪仔Delete完“你幾時出”呢四隻字之後，又問一問我...
『你就打“你想我幾點過黎接你？”咁樣問～』你睇下咁樣係唔係好好多？
你又就我時間～
仲要過埋黎接我添～
係女睇到都覺得冧啦～
主動得黎又唔係夾硬黎～
體貼得黎又唔係黐身～
俾個選擇權你又唔會令你選擇困難症病發～
「哦哦哦...你想我幾點...」豪仔又手震震咁打下打下...打下打下...
『快D快D快D快D～打幾隻字仔都慢手慢腳咁～』會俾女神覺得你唔夠爽快架嘛！
豪仔將句“你想我幾點過黎接你？”Send左出去之後...
我地又眼定定咁望住個Mon...
望住Kawaii上線...
上線…上線...上線左好一陣子...
唔...應該喺道計算緊時間...
計算緊要豪仔等幾耐...
計隻兵要等幾耐呢樣都係重要既一Part...
等得耐...就怕隻兵嫌自己大牌...
但唔等得耐D...又唔知隻兵對自己有幾忠心...
要知道隻兵對自己有幾忠心...又係唔係一隻值得升級既兵...就要計一個平衡點出黎...
呢個平衡點...就要睇下Kawaii平時有無留意豪仔...又對豪仔有乜野評價...
等左一陣...又等左一陣...
輸入中...
輸入中...輸入中...輸入中...
唔知Kawaii會話要幾耐呢...
唔知Kawaii要豪仔等幾耐呢...
我地就再等...再等...再等多等...
等到“噹”一聲響！
我又睇一睇Kawaii Send嗰句野...今次寫住...
“我諗我一個鐘就可以落得樓～”
一個鐘？
「佢話一個鐘...一個鐘...」豪仔又痴痴迷迷咁口噏噏...
『唔...你知佢住邊架嘛？』我又問一問豪仔～
「嗯嗯...知...佢住喺置樂嗰邊咋嘛…」豪仔又痴痴迷迷咁答我...
『嗯～咁就話“OK～一個鐘後你樓下等～”～』一個鐘...
真係一個鐘就OK？
唔...女仔出街一個鐘先落到樓係基本...
但如果要裝扮下...又放慢手腳…又有心要個男仔等下既話...我諗最少都要個半鐘...
如果真係個半鐘既話...咁Kawaii對豪仔都算係唔錯...
當然最重要都係“如果係既話”啦～
“噹”
等到Kawaii Send埋個OK emoji之後...
『好～快快手手幫你打扮一下！』我就起一起身，行去豪仔個衣櫃前～
「下下？幫我打扮？」豪仔仲係傻下傻下咁揸實部手機望住我～
『梗係～唔打扮下點得丫～』嘿嘿...遊戲而家先開始...