同Lennon喺個按摩浴缸浸住暖水按摩住咁攬攬錫錫左一陣...

洗乾淨個身~抹乾個身~著返套衫(喺Lennon間女衣帽間求其拎件...Burberry白色大Tee黎著住先~)~

「我落去整早餐俾你食丫。」Lennon著好衫就落一落樓。

『嗯~』我再整理一下之後(其實都無乜好整理~),喺塊全身鏡前照多幾照(越照越靚~),都落一落樓~

赤住對腳仔彈下跳下咁落到黎,就見到Lennon喺個開放式廚房裏面準備煮早餐~





我就行去搵返個手袋仔先~搵返部電話先~

今朝一早起身就同Lennon入浴室纏綿,都未有機會睇WhatsApp添~

我就喺個手袋仔裏面拎返部電話出黎,打一打開,睇一睇...

『你既幸福由我祈求...』皓傑Send黎既WhatsApp...係咁寫...

我既幸福...由皓傑祈求...





係咩意思呢?

皓傑所指既祈求...係點樣祈求呢?

而我...而家又算唔算幸福呢?

幸…福...

我望一望...望左三眼都望唔晒既大屋...





我望一望...喺廚房煮緊野食既...男人中既XO...

幸福…

我諗...應該都...算係掛~

港女睇開既童話故事都係話一個窮家女屎忽撞棍之下搭上有錢王子係最幸福既結局~(呢D唔係韓劇黎架咩?)

而家咁屎忽撞棍咁俾我搭上Lennon呢個男人中既XO仲唔夠晒幸福?

如果咁都唔叫幸福...就真係身在福中不知福喇~

所以呢...係~我而家...開始幸福~

隨便咁放部電話喺檯面...行埋去Lennon背後...從後攬住佢條腰~





WOW~真係好結實~仲要有六舊腹肌~

淨係用手攬一攬~摸一摸~尋晚同Lennon扑野既畫面又出晒黎~

「你唔怕油煙咩?」Lennon溫柔咁問一問~

『唔怕唔怕~』我就攬實Lennon條熊腰~壓對小饅頭落佢個背脊道扭下扭下~

「哈~原來你都幾嗲架喎~」Lennon就一邊煮早餐,一邊恥笑下我~

『我一時時架咋~』我扭下扭下~用對小饅頭幫Lennon按摩下背脊~

「哦?咁幾時會又幾時唔會?」Lennon行左兩步~





『唔知架喎~睇心情架咋喎~』我又攬實Lennon~黐實佢行左兩步~

「哈~呢D係唔係五時花六時變丫?」Lennon拎完...兩隻蛋之後,又行返埋個爐頭前~

『係丫係丫~女人就係咁架喇~』我又攬實Lennon~黐實佢行~

「哈~咁咪可愛囉~」Lennon好小心咁...煎蛋~等D油唔會彈到我~

『係可愛咩?唔係煩咩?』我又攬得Lennon實D~

「係好可愛~真係好可愛~」

『係咩~係咩~』

「係丫係丫~」





唔知點解...Lennon每一句說話...我都覺得好唔真實...

我唔係話Lennon講大話!

Lennon每一句說話都唔似係假!

而係...到唔到我手丫...

唔好話要入心...就連手都到唔到...

我唔知道大家明唔明...又有無試過...

即係好似話...黎緊我地會起多D樓~





喺捱緊貴租既你聽到呢句既時候唔會有開心既感覺...

因為你好清楚明白都唔關你事!

四叔講架嘛~D樓起黎都唔係俾你買既~起得多你都買唔起架啦~

係囉...大致上就係咁既感覺...

Lennon每一句說話,就算係望實我黎講...都好似...唔係同緊我講咁...

係囉...點解我會有呢種感覺架呢?

會唔會係因為...我地識左無幾耐...岩岩先開始...所以...仲係有D陌生?

呢種真係...陌生既感覺?

或者係...或者都真係...

或者相處得耐D...了解再多D...就唔會再有呢種距離感...

攬實Lennon條腰咁黐實佢睇住佢煮早餐~

Lennon都好熟手又好快手咁煮好我最鍾意既西式早餐~

我都幫下手放下D刀刀叉叉...

「有得食~有得食~」Lennon都將兩份早餐放喺餐檯上~

『嘩~你真係好掂喎~煮得又快手~又色香味俱全咁~喺邊道學返黎架?』我就讚一讚Lennon~

要知道男人就同小朋友一樣架姐~都係要人讚既~

而且越大個既男人就越似個小朋友~

Lennon咁大個男人,就梗係要讚多D啦~

當然,我就唔係Dry想氹Lennon開心而讚佢架啦~

我拎起刀叉,切一切條腸仔放入口...

嗯~好味好味~

外脆內軟咁,仲煎得靚過我~

「哈~喺M記道學返黎架囉。」Lennon都拎起刀叉,準備開餐。

『M記?』我咬下咬下舊腸仔頭望住Lennon。

「係丫~細個既時候做過下M記咁啦。」Lennon切下切下條腸仔。

『你喎!M記喎!你做過M記?』我帶點驚訝咁用隻叉指住Lennon!

「係丫~有問題咩?」Lennon帶點困疑咁反問返我。

『你咁有錢...』我冷眼望住Lennon...

「我都話我唔係一出世就咁有錢架咯...我細個都...幾窮下架...」Lennon諗下諗下...

『做M記可以做到發達架咩?』我再冷眼望一望Lennon...再望望間豪宅...

「做M記就梗係唔可以發達啦...想發達就梗係要做衰野架啦...」Lennon一邊食住腸仔,一邊點下點下頭。

『下?』做衰野?要做乜衰野先可以咁發達?

「係丫…呃阿婆買倫敦金丫嘛囤積居奇丫嘛壟斷市場丫嘛官商鄉黑丫嘛…我都有份架...威呢?」Lennon點下點下頭。

『係既…香港唔靠呢D又點發達...』其實我都好明白...

尋晚喺酒會聽到Lennon喺台上咁講...我都已經好明白...

始終...我都係身受其害之一…

『不過...你又唔需要自責既~你都已經為廣大既受害者做返D野啦~』我又切下切下塊火腿~

「嗯?」Lennon一頭問號咁望住我。

『你個劫富濟貧基金丫嘛~』我向Lennon打左個眼色~

Lennon諗左一諗:「哈~」笑左一笑~

Lennon既輕輕一笑,內裏好似包含住好多...原因...

有咩原因?

有D我睇到...有D我睇唔到...

但望住Lennon呢個笑容...我開始明白點解我會覺得Lennon有D唔同...

同尋晚嗰班上等人...有D唔同...

「究竟被我害既人多D?定係被我救既人多D呢?」Lennon又諗下諗下。

『邊D人多D又有乜咁重要?最重要都係...仲有良心...就算係剩返一點點...一點一點...』可能你會覺得好虛偽...

之但係...只要仲有呢一點點...呢一點點良心都可以救返唔少人...

甚至好彩D可以阻止到其他人去傷害人...

再好彩D既話...可以感染到其他人...

勾返起人地既良心出黎...做返個有良心既人...

「嗯...良心...」Lennon點下點下頭。

我明白...要做唔容易...

我更明白...要Keep住更加唔容易...

好似Lennon咁...企喺屍體堆上...站在最高處既人...要Keep住良心真係好難...

投資公司既CEO喎~仲唔係滿手鮮血咩?

講開CEO...

『係喎…你唔使返工架咩?』乜原來CEO係咁得閒架咩?

「今日係星期六丫~」Lennon恥笑一下我~

『係喎…』一唔使返工就唔知今日係星期幾添...

「不過呢...我又真係清緊大假既~」Lennon帶住古天樂式既微笑點點頭~

『清大假?乜原來CEO真係咁得閒可以清大假架?』做CEO真係好~又有錢又多時間~

「CEO唔係人丫?」Lennon冷眼望一望住我。

『我做左咁多年Sales,唔係未做夠一年無大假放,就係到唔撈嗰時先一次過放晒俾我!』都唔知咩工黎架!

「你D工唔係人返姐~」Lennon又恥笑下我。

『而家喺香港有乜工係人返架?CEO囉~』我又用叉指住Lennon~

「哈哈~乜而家D情侶岩岩開始拍拖就講D咁嚴肅既話題架咩?」Lennon又恥笑下我。

『咁唔講D咁嚴肅既話題就食腸先啦~呀~』我就切一切條腸仔,餵到去Lennon嘴邊~

你都講到出口,都係想溫馨下姐~

「嗯~嘩~真係幾耐無試過俾女朋友餵~黎~我又餵下你先~呀~」Lennon又切塊火腿餵到我嘴仔邊~

『嗯~咁樣D拍拖感覺係唔係返晒黎丫~』我又恥笑一下Lennon~

「係喇係喇~返晒黎喇~不過講真一句...」Lennon吞一吞,「雖然話清緊假...之不過...有好多宴會要出席...」

『哦...』宴會?

「你要陪我架喎...」Lennon打量一下我。

『下?我?尋晚嗰D丫?』我指一指自己個鼻。

「梗係你啦~你而家係我女朋友黎架嘛~唔通我仲要走去老蘭執個返黎咩?做咩丫?有問題?尋晚既宴會有問題咩?」Lennon又反問返我。

『尋晚班上等人真係好鬼惡頂...』諗一諗都反反地胃...

「哈哈...係丫~我都覺得佢地好惡頂...但係...人在江湖身不由己啦...」Lennon無奈咁笑笑口,擰擰頭。

『唉...見你咁慘...好喇好喇...惡頂就兩份啦~』

「你真係一個善解人意既女朋友喇~黎~餵你食條腸先~呀~」

『嗯~嗯嗯...梗係啦~使乜講~之不過...要買返D晚裝先得~』

「嗯~都要架~係喎...你諗住幾時執埋D野搬過黎丫?」

『係喎…都唔記得左要執野過黎喎...就一陣間丫~一陣間得唔得閒?』

「得閒~今日好Free架~同你執好野再食埋個Lunch然後買衫再出埋海都仲得~」

『出海?』

「係丫~有無興趣出下海?」

『有!梗係有啦!我好耐都無去過船P...』

「你有去開船P架?」

『有…既...不過都係好耐之前既事Luu~』

「有幾耐之前丫?」

『無十年都八年喇...』

「點解而家唔去呢?」

『唔啦唔啦...老喇老喇...』

「有幾老丫?」

『廿五喇...唔係𡃁妹喇...』

「唔係丫~仲好嫩口喎~」

『咁係唔係好岩你口味丫?』

「好好味添~」

『好賤呀~』

同Lennon講下笑,又互餵一下咁食早餐。

Lennon講既野...又唔算老套既~

都算...幾好笑既~

最起碼唔會悶親我先啦~

至於Lennon對我既印象又係點呢?

會唔會太過Open呢?

會唔會想我再Open D呢?

定係要收斂一下呢?

Open下又收斂下~收斂下又Open下~咁樣先好玩~

好玩?

唔...我諗...唔應該再係玩...

同Lennon一齊...唔會再係玩玩下...

今次要認真...

難得可以俾我遇到個完美既男人...係時候...要認認真真...

食飽飽之後...

「咁換返件衫就去執野?」Lennon放好D碟碟叉叉入去自動洗碗機之後...

『嗯嗯~』我就翹住Lennon隻手臂行上樓梯~

「咁你鍾意著咩衫就隨便揀喇喎~」Lennon摸下摸我把秀髮。

『嗯嗯~』我就錫一錫Lennon面頰,轉身彈下跳下咁走入衣帽間~

又再次走入呢個放滿女裝衫既衣帽間...

望住一件又一件女裝衫褲裙...

隨便揀...喺一堆唔屬於自己既衫裏面...隨便揀...

係咯…D衫都唔屬於自己既...點揀?

點揀都唔岩架啦~

唉~

我再望一望...望住掛起左既...米白腰間有Lace織花層次既雪紡連身短裙...

係我條米白腰間有Lace織花層次既雪紡連身短裙...

我拎住條連身短裙喺手,望下望下:『睇黎我都係著返你好D喇~』

連身短裙可以著返...

Bra都可以戴返我嗰個...

之但係底褲...

底褲呢樣野我就真係容忍唔到著多過一日...

尋日著足一日...夜晚仲要同Lennon玩到濕晒咁...

所以我都係唔會出去拎返條底褲黎著囉...

都係喺道搵下有無岩著既底褲啦~

我左搵搵~右摷摷~

『底褲底褲...我記得係放喺呢道...』拉開幾個櫃~

『唔係呢道唔係道呢...尋日摷過...好似係...呢道...呢道...係呢道喇!』終於都俾我搵到底褲~

一條又一條~褶得靚靚咁~整整齊齊咁~咩色都有~

我就隨手拎條白色既...絲質既...仲要有Lace邊既底褲上手...

嗯~質地都真心正~應該會好舒服~

我就將身上件Burberry白色大Tee除出黎~戴返個白色Bra~再著埋條白色絲質Lace邊底褲~

WOW~真係勁舒服~著左好似無著咁~仲要係岩岩好Fit晒身~

好彩底褲岩身姐~唔係既話行行下跌條底褲落黎都唔知點算~

戴好Bra又著好條底褲~我就快快手手著埋自己條米白腰間有Lace織花層次既雪紡連身短裙上身~

喺塊全身鏡前擺下擺下~照下照下~

Lennon就已經換好衫仲行左入黎,翹住對手挨住喺個黑色衣櫃望住我~

望住鏡裏面著住黑色Polo恤黑色五分褲既Lennon:『你幾時入左黎架?』

「喺你著完條裙行緊埋塊鏡前嗰陣...做咩著返你自己條裙既?」Lennon打量住我。

『你D衫都唔岩我著既~件件都大DD咁既~』我繼續喺全身鏡前照下照下~

「大DD姐~」Lennon望下我背脊,又望下我對修長美腿。

『大DD就係大DD啦~你夠又係著黑色衫褲啦~』我偷偷望一望鏡中既Lennon~好快又望返自己~

「黑色幾好丫~黑色唔好咩~黑色又易襯又唔怕整污糟~」Lennon仲係眼甘甘咁望住我對腳仔~

『係喇係喇係喇~點丫望夠未丫?使唔使除返出黎俾你睇住我換多次丫?』我轉一轉身~條短裙輕輕飄起~

「唔使唔使~大把機會啦~」Lennon帶住溫柔既微笑望實我。

『係丫係丫~大把機會丫~咁行得未丫?』我翹一翹住Lennon手臂~

「你行得我就行得架喇~」

『等等先~等等先~等我梳埋個頭先~』

「你個頭都無亂到...」

『無亂到都要梳架~』

Lennon望住我梳埋個頭~執埋個手袋仔~

搞呢搞路姿姿整整一輪,就翹住Lennon隻手臂行去地下車庫~

Lennon開一開燈...

“咔”較光猛既燈光應聲即著~

正當Lennon想行去架紅色法拉利之時...

『喂~你唔係又想揸佢丫嘛?』我拉一拉停Lennon~

「嗯?有問題?」Lennon一頭問號咁。

『搬野丫…架法拉利又點放到我D野丫?』我冷眼望住Lennon~

「唔...」Lennon諗左一諗,「你有好多野要搬架咩?電視?雪櫃?冷氣機?」

『咁又無咁誇張~但係都唔會夠位放~』我指一指住車頭~

「唔...你又講得岩既~你都真係...幾醒架喎~」Lennon打量住我。

『都唔係醒既...係我久唔久都要搬黎搬去姐...』居無定所既人好自然就會諗起自己個旅行箱有幾大...

「嗯?唔...嗯...」Lennon點一點下頭,「咁揸邊架車好呢?」

揸邊架車好...

我就同Lennon一齊擰下擰下個頭,望下望下成個車庫裏面D車~

法拉利~林寶堅尼~法拉利~林寶堅尼~

仲有D我唔識既超級跑車~好多都係兩座位又放唔得多野既超級跑車~

仲有就係...仲有就係...

『就呢架Rolls Royce啦~』我指住架黑色既Rolls Royce~

勞斯和萊斯~都是花樣男子~

「呢架係Bentley黎架...Bentley Continental Supersports丫...」Lennon擰下擰下頭...

『有分別咩?』我冷眼望住Lennon...

「唔...其實都無乜分別既...大家都係同一個大老細...」Lennon諗下諗下...

同一個大老細?

咩意思呢?

雖然我就唔係好明Lennon講緊乜~

但就...好似話緊我講得岩~

點都好啦~車既野我真係識條鐵咩~

我淨係知眼前呢部Rolls...Bentley咩咩sports大大架又幾靚仔咁~應該放得落我個旅行箱既~

「係呢架喇嘛?」Lennon指一指住架黑色Bentley,行一行去...牆邊既檯仔~

『嗯~』我就行去埋架Bentley旁邊...

WOW~成架車都立立爧咁~好新淨咁~好似放喺Showroom D陳列車咁~

“BI!BI!”兩下響亮既“BiBi”聲...

Lennon就行左過黎幫我打開車門~

『唔該~』坐到入車廂裏面...

WOW~黑色既真皮~黑色既Carbon Fiber~高貴得黎又帶住Sports氣~

Supersports…Supersports…呢架Bentley都算係超級跑車?

睇黎Lennon都真係好鍾意跑車~

等到Lennon都上埋車~我地都扣好安全帶之後...

「屯門市中心丫嘛?」Lennon就開一開車。

“吼!吼!!吼!!!”

WOW~副引擎都係咁響亮~

呢D名車真係貴得有道理~

『係丫係丫~你都幾好記性架喎~』投資公司既CEO真係唔同D架下~

「定係我有將你既野全部都好好咁記住喺心裏面呢?」Lennon帶住古天樂式既微笑打量一下我~

『真係既?真係既?咁你又記唔記得我...頭先著左咩色既底褲上身呢?』我古古惑惑咁打量一下Lennon~

「你頭先著左條白色既底褲~條邊仲要有Lace架嘛~」

『哦!仲唔俾我試到你?仲話喺我著完條裙行緊埋塊鏡前嗰陣先行過黎?』

「俾你發現左添~」

『做咩丫?好想望丫?而家揭起條裙俾你望下好唔好?』

「等你揭不如我黎揭~」

『喂!你真係揭架?!』

「講得出就做得到架嘛~」