同Lennon喺架Bentley...乜乜Supersports裏面玩左一陣~

“吼!吼!!吼~吼~吼~~~”我地就出發~

Lennon仲要打一打開個軟頂~

開住篷咁~

“吼~吼~吼!吼!!吼~吼~~吼~~~”衝住去~





『你都幾鍾意開篷架喎~』又係一架開篷車~

之前坐嗰架法拉利又係~而家坐呢架乜乜Supersports又係~

唔知Lennon仲有幾多架開篷車呢?

「OK咁啦~自由自在D丫嘛。」Lennon一邊揸一邊答。

Lennon揸車算唔算係專心?





我就覺得...無Brian咁專心...

但又無阿Ken咁...亂咁飛...

係就係可以好放心...只係有少少...一心幾用咁囉...

無錯喇...我總係覺得...Lennon無時無刻都一心幾用緊咁...

『但喺香港揸開篷會食晒D廢氣架嘛~』我恥笑一下Lennon~





D高登仔成日都話只有戇鳩既先會揸開篷黎耀富~

香港空氣又差~天氣又變幻莫測~突然落起雨黎閂篷唔切就柒出宇宙~

「你唔鍾意既話,可以閂返佢架。」正當Lennon想閂返個篷之時...

『咁又唔使~』被我阻止左,『有得自由下...吸廢氣都抵既...』

有時就係咁...

魚與熊掌...不可兼得...

「睇黎你既內心好唔自由喎。」Lennon喺燈位前停一停,打量住我。

『嗯?點解咁講呢?』我又打量住Lennon。





「唔...」Lennon諗左一諗,「你無聽過咩?內心得唔到既,就想喺身邊得到。」

『嘩…突然講到咁高深既?之但係...唔係內心得唔到自由...就越想封閉...身邊既環境都要封閉...』重重心鎖...心鎖重重...

鎖的都是自己執迷不悟的心...

「嘩…你仲高深過我喎...」燈一轉...Lennon就俾一俾油...

“吼!吼!!吼~吼~~”

『咁你呢?你係內心好唔自由?定係自由到唔知自己飛左去邊?』我打量住Lennon...

「我?我丫...我係內心唔自由到唔知自己飛左去邊。」Lennon扭一扭軚,俾一俾油...





“依!依!吼!!吼~吼~~”

『嘩…又高深到另一個層次喎...型到盡頭便是柒D Friend黎架喎...』我冷眼望住Lennon~

「哈哈~咁我而家係型定係柒?」Lennon帶住古天樂式既微笑望住路面。

『你型到柒又柒到型而家又轉緊去柒嗰邊添啦~』我又恥笑一下Lennon~

「嘩…無限輪迴地獄D Friend黎架喎~」

『岩晒你啦~』

「咁我又岩唔岩你口味丫?」

『好好味添~』





「好賤呀~」

“吼!吼!!吼~吼~~吼~~~”

一邊同Lennon吹下水,一邊吹下風,好快就入左西隧~好快又出左西隧~

今日既天氣都好好~陽光充沛~

雖然話坐喺架開篷跑車裏面,但吹住風就唔覺得熱~

而且而家喺高速公路上都唔算有太多車~

都唔係好多廢氣姐~





“吼!吼!!吼~吼~~吼~~~”

好快就黎到屯門公路~好快就入到屯門~

屯門…我既老家...

由屯門搬出去...又由出面搬返入屯門...來來回回都試過好幾次...好多次...

我呢D居無定所既寄居蟹...可以話已經習慣...

『停喺呢道得架喇~』我指一指住路邊。

「哦...好丫。」Lennon泊一泊喺路邊,「真係唔使我...陪你上去?」

『唔使啦~我自己得架喇~』我就解一解開安全帶,『等等我~好快返落黎~』

「嗯~唔急~慢慢~」

都已經唔係第一次...

都已經唔知係第幾次...

第幾次由一個寄居既地方...搬到去另一個寄居既地方...

急急腳咁橫過馬路~又急急腳咁走左入閘門~搭𨋢上到ManYan屋企~

“咔”一打開門望一望...

無人…

『豪仔?豪仔~豪仔豪仔豪仔豪仔~~~』我再嗌多幾聲...

唔喺屋企…

豪仔唔喺屋企...

等我仲諗住...諗住同佢親口講聲...我要走...

我行去...拎返自己個旅行箱...同我一齊出生入死去過無數咁多個地方既白色旅行箱...

『好喇~我地又要搬喇~』我摸一摸個旅行箱...打一打開就開始執野...

一如既往,我D野都好易執~

屬於自己既野...都係放右邊~

而且喺ManYan屋企都係住左幾日姐~好多野都仲喺個旅行箱裏面~未拎出黎~

要執...都好快...

但係我又好似唔係咁想執得咁快...

可能係因為...我真係想可以親口同豪仔道別...

可能豪仔好快會返黎...

可能喺我差唔多執好野之時,豪仔及時出現...

之但係...人生往往就係不似預期...

緣份遊戲永遠都係有緣無份...

等到我執好晒D野...放晒所有野入個旅行箱裏面...Check多幾次...豪仔都仲係未返黎...

無計啦~或者咁樣會好D啦~可能唔見好過見啦~

我拎起張A4白紙,喺上面寫左幾隻字...放喺飯檯上...

拎住鎖匙喺手...拋下拋下...望一望四周...望一望全間屋…

『要走喇...真係要走喇...短暫既居所...』我放一放好鎖匙...放喺張寫左幾隻字既A4紙上面...

拖住白色旅行箱...

要走喇...又要走喇...

由一個居所...搬到去另一個居所...

由希望係最後一次...搬到自己都諗住會搬走...一開始就為搬走做好準備...

今次…又會唔會係最後一次?

拖住白色旅行箱落到黎樓下,Lennon見到我行出大閘就由對面馬路行到過黎我面前。

「個旅行箱都幾大喎。等我幫你。」Lennon幫我拖住個旅行箱。

『唔該~』大?一般啦~

一個旅行箱,可以裝得晒我既身家性命財產四圍走都算係咁啦~

太大唔方便~太細又裝唔晒嘛~

行到埋去Lennon架Bentley,行到黎車尾...

Lennon撳一撳個“B”字,車尾箱就打開。

Lennon好小心咁將我個白色旅行箱放入車尾廂...

好似知道個白色旅行箱對我好重要咁...

好似知道我好著緊個白色旅行箱咁...

望住Lennon...真係幾時都咁溫柔...咁體貼...

「好~岩岩好~」Lennon將我個白色旅行箱,靚靚仔仔咁放好喺車尾廂之後,閂返埋。

『嗯~唔該~』要走喇...要去另一個地方...另一個環境...

一個新既地方...一個新既環境...我又適唔適應到呢?

以往去過咁多個唔同既地方...咁多個唔同既環境...我都可以好快適應...

之但係...今次有D唔同...

係喺香港金字塔最頂端...

究竟有D乜野等緊我?

我又要面對D乜野?

呢一刻...我只係諗到應該有D野等緊我...但就唔知係乜野...

應該好快...應該唔使等好耐...就會出現喺我面前...

「你都真係幾鍾意講唔該架喎~」Lennon恥笑一下我。

『下下?哦!有禮貌丫嘛~』突然俾Lennon咁講一講都黎唔切反應...

「有禮貌得黎又爽直。」Lennon拖住我,拖住我上車。

『有禮貌同爽直係無衝突架喎~』等到Lennon幫我閂埋車門,『唔該~』

再等到Lennon都上返車:「無衝突架咩?」

『有架咩?』我扣住安全帶,冷眼望住Lennon。

「唔...以前識既人都比較...爽直...但唔禮貌...而家識既人都比較有禮貌...但唔爽直...」Lennon諗下諗下...扣一扣安全帶...

『下?』我又唔係好明Lennon想講乜喇...

Lennon講野都真係有D高深...

「唔...」Lennon諗左一諗...諗多幾諗...「以前D Friends比較爽直D...而家身邊D人無咁爽直...」

唔...以前D Friends比較爽直D...而家身邊D人無咁爽直?

『咁…係...因為...你而家身邊嗰D...唔係Friend?』我咁問...好似有D奇怪...

之但係照Lennon所講既黎分析...我淨係得出呢個結論...

「唔...可以咁講啦...」Lennon諗下諗下...點下點下頭...

『咁…都...係既...你而家身邊既...唔係下屬...就係爾虞我詐既上等人...』尋晚喺晚宴裏面都學到唔少野啦...

Lennon教架嘛…信一成都死架嘛…

仲邊可能係Friend丫...

『之但係...』我又諗一諗,『你以前D朋友都仲可以係朋友架~』

「唔同晒喇...人會變架嘛…」Lennon擰下擰下頭...

『下?』人會變?

“人會變”呢三個字並唔難明...

之但係要將呢三個字具體化咁拆出黎就...有D難...

一時間…拆解唔晒...

「細個未出黎呢個殘酷既社會工作...折磨...心靈都比較純潔...但出到黎社會...洗禮過之後...已經返唔到轉頭...」Lennon諗下諗下...擰下擰下頭...

Lennon呢一句...就好似將“人會變”呢三個字五馬分屍...

好乾脆利落...同樣好殘忍...

『咁...真係一個都無咩?仲可以Keep住...好似以前咁既...心境...』我望一望路邊...又偷偷望一望Lennon...

Lennon諗下諗下...摸下摸下軚盤:「唔...都有既...」

Lennon無再講落去...

之但係...我就感覺得到...Lennon所以指...都有既...嗰一個人...

我感覺得到...佢係邊個...

有人話過...女人既直覺係錯覺...

而講得出呢句說話既人,都只係想逃避...只係唔想面對...

被女人睇穿...但唔想面對...只想逃避...

『係呢~我地而家...去邊呢?』當然我就唔會說穿...

聰明既女人只好睇穿...不要說穿...

有時D野都係心照不宣…唔好下下挖埋人地條盲腸出黎比較好~

對人地...對自己...都比較好...

「去食個Buffet先啦~我諗你應該都肚餓。」Lennon帶住古天樂式既微笑望一望我。

『好丫好丫~去食Buffet~去食Buffet~』有Lennon喺身邊真係好~

Lennon好似好了解我既需要咁~

『咁我地去邊道食丫?』我滿心期待咁問一問Lennon~

「去半島~我頭先等你之時,已經Book左位架喇~」Lennon向我打左個眼色~

『好丫好丫~』仲會幫我安排好我想要既野~

唔使我諗之餘,仲要係我想要既~

究竟我前世做左D乜野好事,今世俾我遇到個咁一流既男人~

我應該話...終於俾我遇到喇~

所以話呢~唔到最後都唔知自己原來係可以咁幸福~

幸福…幸福~

「咁好啦~坐穩喇~要開車架喇~」Lennon拍一拍我隻嫩滑大髀~

『丫~抽我水~』我冷眼望一望Lennon~

「呢種係關懷既拍拍丫~好似爸爸對囡囡既關懷咁丫...抽水...成日都諗埋D色情野...」Lennon回返個冷眼俾我...

『邊有爸爸咁樣抽自己個囡囡水架...』

「都話係關懷唔係抽水囉...」

『拍拍大髀都唔叫抽水?』

「你都真係...幾鍾意諗衰野架喎...」

『定係你成日令我聯想到衰野呢?』

「你唔係諗開衰野,又點可以咁容易就聯想到衰野呢?」

『咁係你引導得好姐~』

「係咁架咩?」

『唔係咁架咩?』

同Lennon喺架Bentley裏面爭辯多一陣...

“吼!吼!!吼~吼~吼~~~”係時候離開...

離開屯門...

離開下等人既區域...

“吼~吼~吼!吼!!吼~吼~~吼~~~”衝住去...

背住屯門…向住九龍方向衝住去...

我無再望返轉頭...

我一直都只係向前望...

每次離開一個地方...都係一樣...

唔會返轉頭...

唔希望會返轉頭...

因為...因為我相信幸福在前...

如果唔係既話...我都唔會離開...再次踏上追尋幸福既道路...

“吼~吼~吼~吼!吼!!吼~吼~~吼~~~”

好快就過左荃灣~

“吼~吼~吼~吼!吼!!吼~吼~~吼~~~”

好快又過左奧運~

“吼~吼~吼~吼!吼!!吼~吼~~吼~~~”

好快就黎到尖沙咀~

“吼~吼~吼!吼!吼!”

放低架車喺半島酒店大門前,Lennon交低條車匙俾個服務員之後就拖住我隻手仔行入酒店。

我同Lennon十指緊扣...十指緊扣咁拖到實一實...

Lennon隻手...好大...有D粗...都幾有安全感~

之不過...都仲係有D距離感...

就算而家被Lennon拖到實一實咁...已經喺佢身邊...都仲係有一種...距離感...

究竟呢種距離感由邊道黎架呢?

又幾時先會消失呢?

同Lennon十指緊扣咁行到入黎The Verandah…

「歡迎文生~請跟我黎~」我地講都唔使講野,個靚女侍應就帶住我地行入去~

睇黎去到D高級地方都真係無乜人唔識Lennon~

睇黎…就只有我地呢D下等人先唔識Lennon...

靚女侍應帶到我地黎一個窗邊位~有風景睇~

「唔該晒。」Lennon向個靚女侍應點點頭後,就好有風度咁幫我拉一拉凳。

『唔該~』Lennon呢個男人,真係幾時都係咁有風度~

我坐一坐低,就眼仔碌碌咁望望四周~

雖然未爆場~但人客都唔少~

其實喺我初初聽到Lennon話“Book左位”既時候,仲以為佢會包晒成個場~

你知D超級有錢佬架啦~去到邊唔係包晒成個場,就係有屬於自己既V.I.P.房架嘛~

之不過,如果真係包左場既話...我就真係好唔慣...

距離感就更加大...

而家咁咪幾好~

「想食D乜野?」Lennon坐一坐低,溫柔咁問一問我。

『我乜都食~』我成個細路女咁既樣,望住Lennon笑~

「乜都食?」Lennon皺一皺眉咁。

『有問題咩?』我冷眼望一望住Lennon...

「無…無...之前睇過有本...書話女仔話乜都食係好麻煩...」Lennon面都青埋咁...

『麻煩?有乜咁麻煩丫?』女仔唔咁講都一樣好麻煩架啦~

「係丫…大致上係...其實唔係乜都食丫...其實有好多野都唔食丫...係想睇下你平時有無留意佢丫...了唔了解佢丫...萬一無拎D佢鍾意食既返黎又黑晒面丫...拎左D佢唔鍾意食既返黎又發晒皮四丫...咁囉...」Lennon諗到頭到爆咁。

『痴線~咩書黎架?唔好睇咁多呢D書啦~教壞人丫~』不過又真係講得好岩~

「真係會教壞人?」Lennon半信半疑咁既樣。

『係丫~』不過本書應該無教曉Lennon一樣野...

「真係乜都食?」Lennon仲係猶猶豫豫咁既樣。

『係丫~』呢樣野就係...

「咁我去拎D野食返黎架喇喎...」Lennon起一起身。

『去啦去啦~』就係口不對心~

望住Lennon輕輕鬆鬆咁行去拎野食...

女人係經常口不對心~

唔明顯既又有~擺到明俾你睇既又有~

就睇下你醒唔醒目~

離遠望住Lennon夾下呢樣夾下嗰樣...

每樣都夾少少咁...少少咁...

樣樣都有D咁..樣樣都有少少咁...

到Lennon差唔到行返過黎之時,我又扮晒無留意過佢咁,望出窗外~

好似一直都係留意緊窗外既景色咁~

「有得食~」Lennon放低一碟野食~

望一望~碟上有D沙律~有D前菜~最重要既係...

『有生蠔丫~』Lunch有生蠔食真係一級正囉~~~

「你好鍾意食生蠔?」Lennon夾一夾隻生蠔放落我隻碟道~

『生蠔喎~梗係鍾意啦~』老老實實你未食過生蠔既話可能會覺得佢同鼻涕蟲無乜分別。

好核突!唔敢放入口!都唔知D人點解咁鍾意食鼻涕蟲!

之但係當你試過...大膽咁一啖吞佢落肚...真係返唔到轉頭~

「咁丫...一陣去買D新鮮生蠔,今晚喺遊艇道整黎食~」Lennon都拎隻生蠔放喺自己隻碟上。

『嘩~Lunch食生蠔~夜晚又食生蠔~你唔怕谷精上腦丫?』我冷眼咁望住Lennon,一啖呑隻生蠔落肚~

嗯~~~好味~~~

「你真係成日諗衰野架喎~」Lennon恥笑住我咁一啖吞隻生蠔落肚~

『係丫係丫~甜少陣都唔得架~』最好而家吞幾隻生蠔就上房啪啪啪啪啪啪啪啪啪啪啪啪啪啪添啦~

唔係又有人話“褲都除埋你俾我睇呢D?!”架喇~

「係咁架咩?」Lennon又恥笑住我~

好似話緊我好淫咁~

『你唔係都係嗰D以為女人係無需要既毒L丫嘛?』我又恥笑返Lennon~

「呃...Er...」Lennon尷尷尬尬咁既樣...

『唔唔唔...嘻嘻嘻...哈哈哈哈~你咁大個男人都咁天真既~』我忍唔住大笑起黎~

不過呢種男人...又真係好吸引~

唔係好知道女人既性需要...好有...初戀既味道...

無錯...係初戀既味道...

「哎呀呀你恥笑我?!等我而家就食多幾隻!等陣上到遊艇你就知死!」

『你而家食多幾隻丫?唔使等到上遊艇啦~等陣上酒店啦~』

「你好似睇小我咁喎...」

『嘩…你咁講丫?尋晚試過之後,我回味無窮添啦~』